04-Sep-2023

ବରଗଡ:-ବରଗଡ଼ ଜିଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ସ୍ଥିତ ସଭାଗୃହ ଠାରେ ଆଶା କର୍ମୀ ମାନଙ୍କ ନିମନ୍ତେ ତରଙ୍ଗ ସାମାଜିକ ବ୍ୟବହାର ପରିବର୍ତ୍ତନ ଯୋଗାଯୋଗ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।ପ୍ରାରମ୍ଭେ ଗୋଷ୍ଠୀ ଜନସ୍ୱାସ୍ଥ୍ୟ ଅଧିକାରୀ ଡ଼. ସୁଶାନ୍ତ କୁମାର ମେହେର ପ୍ରାରମ୍ଭେ ଦ୍ୱୀପ ପ୍ରଜ୍ଜ୍ୱଳନ ସହ କାର୍ଯ୍ୟକ୍ରମ କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ।ପରେ କାର୍ଯ୍ୟକ୍ରମ ମୂଳ ଉଦ୍ଦେଶ୍ୟ ଉପରେ ପ୍ରଶିକ୍ଷଣ ଆରମ୍ଭ ହୋଇଥିଲା।ଏକ ଶୈକ୍ଷିକ ପରିବେଶ ସୃଷ୍ଟି, ଯୋଗାଯୋଗ ପରିଚିତି ଖେଳ ମାଧ୍ୟମରେ ଅନୁଷ୍ଠିତ ପରେ ବ୍ୟବହାର ପରିବର୍ତ୍ତନ ପ୍ରକ୍ରିୟା,ଏକ ଉତ୍ସାହଜନକ ପରିବେଶ ସୃଷ୍ଟି,ଜଣେ ଭଲ ଯୋଗାଯୋଗକାରୀଙ୍କ ଗୁଣ ଇତ୍ୟାଦି ଉପରେ ଗୁରୁତ୍ବ ଦେଇ ପ୍ରଶିକ୍ଷକ ଭଟଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଗୋଷ୍ଠୀ ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀମାନ ଝସକେତନ ଧରାଇ,ସ୍ଥାନୀୟ

ଗୋଷ୍ଠୀ ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀମାନ ସୁଦାମ ଚରଣ ପାଣିଗ୍ରାହୀ ପ୍ରଶିକ୍ଷଣ ପ୍ରଦାନ କରିଥିଲେ।ଏହି କାର୍ଯ୍ୟକ୍ରମକୁ ଆଗେଇ ନେବାରେ ସ୍ଥାନୀୟ ବିଡିଏମ ଶ୍ରୀଯୁକ୍ତ ନାରାୟଣ ପାଢୀ,ଏସଟିଏସ ଶ୍ରୀଯୁକ୍ତ ଦେବାଶିଷ ଦେବତା ସମ୍ପୁର୍ଣ୍ଣ ରୂପେ ସହଯୋଗ କରିଥିଲେ।