29-Aug-2023

ବୀରମହାରାଜପୁର,(ବିନୋଦ ପାଣ୍ଡେ): ବୀରମହାରାଜପୁର ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ଠାରେ ଗୀତା ଆବୃତ୍ତି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । କଟକର ପ୍ରଜ୍ଞାନ ମିଶନ୍ ତତ୍ତ୍ୱାବଧାନରେ ଗୀତା ମାଧ୍ୟମରେ ସଂସ୍କୃତିର ସଂରକ୍ଷଣ ଓ ସଂପ୍ରସାରଣ ଉଦ୍ଦେଶ୍ୟରେ ଏହା ଆୟୋଜିତ ହୋଇଥିଲା । ସୁଶାନ୍ତ ମିଶ୍ର, ପ୍ରଦୀପ ପଧାନ, ଚନ୍ଦ୍ରମଣି ବାଘ, ପଦ୍ମନାଭ ମେହେର, ସୀତାରାମ ଗୁରୁ, ମାଗୁଣି ନନ୍ଦ, ସନ୍ତୋଷିନୀ ନାୟକ, ସାବିତ୍ରୀ ବର୍ମା ପ୍ରମୁଖ  ଶିକ୍ଷକ ଶିକ୍ଷୟିତ୍ରୀ ବୃନ୍ଦ ଏଥିରେ ବିଚାରକ ଦାୟିତ୍ୱ ତୁଲାଇଥିଲେ । ଉପଖଣ୍ଡର ବିଦ୍ୟାଳୟ ଓ ମହାବିଦ୍ୟାଳୟମାନଙ୍କରୁ ପ୍ରାୟ ୫୦ ଜଣ ଶିକ୍ଷାର୍ଥୀ ଅଂଶଗ୍ରହଣ କରିଥିଲେ । ପୁରସ୍କାର ବିତରଣୀ ଉତ୍ସବରେ ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ଜନକରାମ ପଟେଲ ମୁଖ୍ୟ ଅତିଥି ଭାବେ ଯୋଗ ଦେଇ ଏଭଳି ପ୍ରତିଯୋଗିତା ସମାଜ ଓ ସଂସ୍କୃତିର ସୁରକ୍ଷାରେ ସହାୟକ ଅଟେ ଏବଂ ଏହା ନିୟମିତ ହେବା ଉଚିତ ବୋଲି ମତପ୍ରକାଶ କରିଥିଲେ । ସ୍ଥାନୀୟ ବିଦ୍ୟାଳୟର ସଂପାଦକ ରାଜେନ୍ଦ୍ର ପଧାନ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ପ୍ରଜ୍ଞାନ ମିଶନର ସଦସ୍ୟ ଅନ୍ତର୍ଯ୍ୟାମୀ ହୋତା କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ସଦସ୍ୟ ଅଚ୍ୟୁତାନନ୍ଦ ମହାନ୍ତି ଧନ୍ୟବାଦ ଅର୍ପଣ କରିଥିଲେ । ମିଶନର ରୋହିତାଶ୍ବ ଭାଇ, କରୁଣାକର ଭାଇ ଏବଂ ସ୍ଥାନୀୟ ବିଦ୍ୟାଳୟର ଫକୀର ଭାଇ ଓ ବୀରେନ୍ଦ୍ର ଭାଇ କାର୍ଯ୍ୟକ୍ରମରେ ସହଯୋଗ କରିଥିଲେ ।