28-Aug-2023

ଜିଲ୍ଲା. ବରଗଡ଼.ସଂଜୀବପାଣିଗ୍ରାହୀ 

ଶହୀଦ ନୀଳାଚଳ ପଟେଲ ଓ ଶହୀଦ ସୁଶାନ୍ତ କୁମାର ଖୁଣ୍ଟିଆ ଙ୍କ ସ୍ମୃତି ରେ ପବିତ୍ର ଶ୍ରାବଣ ମାସର ଶେଷ ସୋମବାର ଅବସର ରେ ମନ୍ଦୀର କମିଟି ଓ ନିଷ୍ଠା ପରିବାର ତରଫ ରୁ ବରଗଡ଼ ବ୍ଲକ ଅନ୍ତର୍ଗତ ଗାଇସିମା ଗ୍ରାମ ର ଶ୍ରୀ ଶ୍ରୀ ବାବା ବରାଡ ବାଲୁଙ୍କେଶ୍ବର ମନ୍ଦିର ଓ ସରସରା, ରେଙ୍ଗାଲ ପାଲି ର ଶ୍ରୀ ଶ୍ରୀ ଝାଡେଶ୍ଵର ଶିବ ମନ୍ଦିର ରେ ଦୁଇଟି ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଶ୍ରୀ ଶ୍ରୀ ବାବା ବରାଡ ବାଲୁଙ୍କେଶ୍ବର ମନ୍ଦିର, ଗାଇସିମା ର ରକ୍ତ ଦାନ ଶିବିର କୁ ଗାଇସୀମା ସରପଞ୍ଚ  ଶ୍ରୀ ଧିରେନ ମହାପାତ୍ର ମୁଖ୍ୟ ଅତିଥି ଭାବରେ ଯୋଗଦେଇ 
ଫିତା କାଟି ଶିବିର ର ଶୁଭାରମ୍ଭ କରିଥିଲେ। ବୁର୍ଲା ରକ୍ତ ଭଣ୍ଡାର ଦ୍ଵାରା ଏହି ଶିବିର ରୁ ସର୍ବମୋଟ୍ #୫୬ୟୁନିଟ୍ ରକ୍ତ ସଂଗୃହିତ ହୋଇଥିଲା। ସେହିଭଳି ଶ୍ରୀ ଶ୍ରୀ ଝାଡେଶ୍ଵର ଶିବ ମନ୍ଦିର, ରେଙ୍ଗାଲ ପାଲି ର ରକ୍ତଦାନ ଶିବିର କୁ ପୂର୍ବତନ ସେନା ଅଧିକାରୀ ଶ୍ରୀଯୁକ୍ତ ରାମଚନ୍ଦ୍ର ଧର ମୁଖ୍ୟ ଅତିଥି ଭାବରେ ଯୋଗଦେଇ ଫିତା କାଟି ଶିବିର ର ଶୁଭାରମ୍ଭ କରିଥିଲେ। ବରଗଡ଼ ରକ୍ତ ଭଣ୍ଡାର ଦ୍ଵାରା ଏହି ଶିବିର ରୁ ସର୍ବମୋଟ୍ #୬୨ୟୁନିଟ୍ ରକ୍ତ ସଂଗୃହିତ ହୋଇଥିଲା। ମନ୍ଦୀର କୁ ଆସୁଥିବା ଶ୍ରଦ୍ଧାଳୁ ମାନେ ସ୍ଵତଃ ରକ୍ତ ଦାନ କରି ବେଶ୍ ଖୁସି ଅନୁଭବ କରୁଥିଲେ। ଉଭୟ ଶିବିର ରୁ ସର୍ବମୋଟ୍ #୧୧୮ୟୁନିଟ୍ ରକ୍ତ ସଂଗୃହିତ ହୋଇଥିଲା।ସମସ୍ତ ରକ୍ତ ଦାତା, ଶୁଭେଚ୍ଛୁ, ସହଯୋଗୀ ଓ ମନ୍ଦୀର ପରିଚାଳନା କମିଟି ର ସମସ୍ତ ସଦସ୍ୟ ମାନଙ୍କୁ ନିଷ୍ଠା ପରିବାର ତରଫ ହୃଦୟ ରୁ ଧନ୍ୟବାଦ। ନିଷ୍ଠା ପରିବାର ର ସଦସ୍ୟ ସଦସ୍ୟା ଓ ମନ୍ଦୀର ପରିଚାଳନା କମିଟି ଉପୋରକ୍ତ ଶିବିର ମାନଙ୍କର ସୁପରିଚାଳନା କରିଥିଲେ।