27-Aug-2023

ପାଟଣାଗଡ଼(ପୁର୍ଣ୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ପାଟଣାଗଡ଼ ସହରରେ ଥିବା ଅନ୍ୱେଷlହଷ୍ଟେଲରେ ଅତିରିକ୍ତ ସୁପରିଟେଣ୍ଡେଣ୍ଟଙ୍କ ମନମୁଖୀ କାର୍ଯ୍ୟ ପାଇଁ ଜିଲ୍ଲା ଆଦିବାସୀ କଲ୍ୟାଣ ସଂଘ ଦୃଢ଼ ପ୍ରତିବାଦ କରି ଆଜି ଯୁଗ୍ମ ସମ୍ପାଦକ ଗିରିଧାରୀ ଭୋଇ ଙ୍କ ଆହ୍ୱାନ କ୍ରମେ ଆଜି ଅଭିବାବକ ସମ୍ମିଳନୀ ଅନୁଷ୍ଠିତ ହୋଇଥିଲା। ସୂଚନାଯୋଗ୍ୟ ଯେ ଗତ ତା ୨୧.୦୮.୨୩ ରିଖ ଦିନ ନିମ୍ନ ମାନର ଖାଦ୍ୟ ଖାଇ ୪୭ ଜଣ ଛାତ୍ରଛାତ୍ରୀ ଅସୁସ୍ଥ ହୋଇ ମେଡିକାଲ ରେ ଭର୍ତ୍ତି ହୋଇଥିବା

ସତ୍ତ୍ବେ ଅତିରିକ୍ତ ସୁପରିଷ୍ଟେଣ୍ଡେନ ମନମୁଖୀ କାର୍ଯ୍ୟ କରୁଛନ୍ତି। ଏଥିପାଇଁ ଜିଲ୍ଲା ଆଦିବାସୀ କଲ୍ୟାଣ ସଂଘ ପକ୍ଷରୁ ପାଟଣାଗଡ ଅନ୍ବଷ୍ବା ହଷ୍ଟେଲର ଅତିରିକ୍ତ ସୁପରିଷ୍ଟେଣ୍ଡେନ ଙ୍କୁ ଅନ୍ୟତ୍ର ବଦଳି, ଖାଲି ଥିବା କର୍ମଚାରୀ ନିଯୁକ୍ତି, ଛାତ୍ରଛାତ୍ରୀ ଅନୁସାରେ ବିଜ୍ଞାନ,ଗଣିତ, ଇଂରାଜୀ ଟ୍ୟୁସନ, ଛାତ୍ରଛାତ୍ରୀ ଙ୍କ ସଂଖ୍ୟା ଅନୁସାରେ ଅଧିକ ସ୍କୁଲ ବସ୍ ଯୋଗାଇ ଦେବା, ଛାତ୍ରଛାତ୍ରୀ ଙ୍କୁ ନିୟମିତ ସ୍ବାସ୍ଥ୍ୟ ପରୀକ୍ଷା ସହ ସାନିଟାରୀ ପେଡ ପ୍ରଦାନ

କରିବାକୁ ଦାବି କରିଛନ୍ତି। ଏହାକୁ ଜିଲ୍ଲା ପ୍ରଶାସନ ପକ୍ଷରୁ ଦୃଷ୍ଟି ଆକର୍ଷଣ କରି ଯଥାଶୀଘ୍ର କାର୍ଯ୍ୟକାରୀ କରନ୍ତୁ ବୋଲି ଦାବି କରିଛନ୍ତି।ଯଦିଓ ଏହାର ସମାଧାନ ନ ହୁଏ ତାହେଲେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ସୂଚନା ଦେଇଛନ୍ତି। ଉକ୍ତ ବୈଠକରେ ଯୁଗ୍ମ ସମ୍ପାଦକ ଗିରିଧାରୀ ଭୋଇ ଙ୍କ ସହ ମମତା କୁମ୍ଭାର, ଶଙ୍କର ମୁଦୁଲି, ମାଧୁରୀ ଭୋଇ, ବୀଣା ତାଣ୍ଡି,ଲେକୃ ଧରୁଆ, ବନମାଳୀ କୁମ୍ଭାର, ହୃଷିକେଶ ଭୋଇ,ଘନ ଭୋଇ, ଗୋରେଖନାଥ ବରିହା, ଗନ୍ଧର୍ବ ବରିହା ଙ୍କ ସମସ୍ତ ଅଭିବାବକ ଉପସ୍ଥିତ ଥିଲେ ।