20-Aug-2023

ବରଗଡ: ଓଡିଶା ମୋ ପରିବାର ଓ ବରପାଲି ଶିତଳଷଷ୍ଠୀ ଯାତ୍ରା କମିଟି ର ମିଳିତ ପ୍ରୟାସରେ ଆଜି ଏକ ସ୍ୱେଚ୍ଛାକୃତ ରକ୍ତଦାନ ଶିବିର ସ୍ଥାନୀୟ ନୃପରାଜ କ୍ଲବ ଠାରେ ଓଡିଶା ମୋ ପରିବାରର ବରଗଡ ଜିଲ୍ଲା ସଂଯୋଜକ ଶ୍ରୀମାନ ଗୈାରହରି ମିଶ୍ରଙ୍କ ପ୍ରତ୍ୟକ୍ଷ ତତ୍ୱାବଧାନରେ  ଅନୁଷ୍ଠିତ ହୋଇଯାଇଛି।ଏହି ରକ୍ତଦାନ ଶିବିରରେ ସମୁଦାୟ ୨୪୧ ଜଣ ରକ୍ତଦାତା ରକ୍ତ ଦେଇଥିଲେ।ଯାହା ମାନବ ସମାଜ ପାଇଁ ଏକ ପ୍ରେରଣାର ଉତ୍ସ।ଗରିବ ନିସହାୟ ରୋଗୀ ଟୋପାଏ ରକ୍ତପାଇଁ ଛଟପଟ ହେଉଥିବା ବେଳେ ଏହି ଅମୁଲ୍ୟ ରକ୍ତଦାନ ରେ ସଂଗୃହିତ ରକ୍ତହିଁ କାର୍ଯ୍ୟରେ ଲାଗିଥାଏ।ଶେଷରେ ସଂଗୃହିତ ହୋଇଥିବା ସମସ୍ତ ୨୪୧ ୟୁନିଟ ରକ୍ତ ପ୍ୟାକେଟ ବୁର୍ଲା ବ୍ଲଡ଼ ବ୍ୟାଙ୍କ କୁ ପଠାଇ ଦିଆଯାଇଛି ବୋଲି ଶ୍ରୀ ମିଶ୍ର ଆମ ପ୍ରତିନିଧିଙ୍କୁ ଜଣାଇଛନ୍ତି।