20-Aug-2023

ବଲାଙ୍ଗିର(ପ୍ରେରଣା ଖବର )- ବଲାଙ୍ଗିର ଜିଲ୍ଲା ସାମ୍ବାଦିକ ସଂଘର ପ୍ରତିଷ୍ଠା ସଦସ୍ୟ ବରିଷ୍ଠ ସାମ୍ବାଦିକ, ସିନେ କଳାକାର ତଥା କବି ଲେଖକ ସ୍ୱର୍ଗତ ସତ୍ୟ ନାରାୟଣ ବେହେରା ଜନ୍ମ ବାର୍ଷିକ ଉତ୍ସବ ପାଳନ କରାଯିବ । ଏଥି ପାଇଁ ସ୍ଥାନୀୟ ସାମ୍ବାଦିକ ଭବନ ଠାରେ ସତ୍ୟ ନାରାୟଣ ସ୍ମୃତି  କମିଟି ପକ୍ଷରୁ ସଭାପତି ପ୍ରଦୀପ୍ତ କୁମାର ମିଶ୍ରଙ୍କ ସଭାପତିତ୍ୱରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଅସନ୍ତା ସେପ୍ଟେମ୍ବର ମାସ ୬ ତାରିଖ ବୁଧବାର ଦିନ ସକାଳ ୧୦ ଘଂଟା ୩୦ ମିନିଟରେ ସତ୍ୟ ନାରାୟଣ ଜନ୍ମ ବାର୍ଷିକ ଉତ୍ସବ ବଲାଙ୍ଗିର ସାମ୍ବାଦିକ ଭବନ ଠାରେ ପାଳନ କରାଯିବାର ବୈଠକରେ ନିଷ୍ପତ୍ତି ନିଆଯାଇଛି । ଏହି କାର୍ଯ୍ୟକ୍ରମରେ ‘ସାମ୍ପ୍ରାତିକ ସମାଜରେ ସାମ୍ବାଦିକତା’ ବିଷୟ ବସ୍ତୁ ଉପରେ ଆଲୋଚନା ଚକ୍ର କରାଯିବା ପାଇଁ ନିଷ୍ପତ୍ତି ନିଆଯାଇଛି । ଏହି ଆଲୋଚନାଚକ୍ରରେ କିଛି ବିଶିଷ୍ଟ ବକ୍ତା ଯୋଗଦାନ କରିାବର କାର୍ଯ୍ୟକ୍ରମ ରଖାଯାଇଛି । ପ୍ରଥମ ଥର

ପାଇଁ ବଲାଙ୍ଗିର ବରିଷ୍ଠ ସାମ୍ବାଦିକ ନବିନ ପଶାୟତଙ୍କୁ ସତ୍ୟାନାରାୟଣ ସ୍ମୃତି ସାମ୍ମାନରେ ସମ୍ମାନୀତ କରାଯିବା ପାଇଁ ନିସ୍ପତି ନିଆଯାଇଛି । ଆଗାମୀ ଦିନରେ କମିଟୀ ପକ୍ଷରୁ ଅନେକ ସାମାଜସେବା କା୍ର୍ଯ୍ୟକ୍ରମ ଗୁଡିକ କରାଯିବା ପାଇଁ ସ୍ଥିରିକୃତ କରାଯାଇଛି । ସାଧାରଣ ସମ୍ପାଦକ ଶରତ କୁମାର ମହାକୁର,ନବୀନ ପଶାୟତ, ମନୋରଞ୍ଜନ ଯୋଶୀ,ଶରତ ଚନ୍ଦ୍ର ମିଶ୍ର, ତରୁଣ କୁମାର ସାହୁ,  ଘଟେଶ୍ୱର ମିଶ୍ର, ଯୁଧିଷ୍ଠିର ମେହେର,ସାସ୍ମୀତା ସାହୁ, ଦୀପକ ପୁରୋହିତ, ମୁନା ଗୌଡ, ଗୁପ୍ତେଶ୍ୱର ପୃଷ୍ଠି, ପ୍ରଶାନ୍ତ ମହାକୁର ପ୍ରମୁଖ ଉପସ୍ଥିତ ରହି ସୁଚିନ୍ତିତ ମତାମତ ରଖିଥିଲେ । ସଭାଶେଷରେ ଅନୁଷ୍ଠାନର ସଦସ୍ୟ ବିଭୂକଲ୍ୟାଣ ଗଡତିଆ ଧନ୍ୟବାଦ ଦେଇଥିଲେ ।