19-Aug-2023

ବରଗଡ:-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଜାରିଂ ହାଇସ୍କୁଲ ଠାରେ ଆୟୁଷ୍ମାନ ଭାରତ ଯୋଜନା ଏବଂ ଓଡ଼ିଶା ଆୟୁଷ ମିଶନର ମିଳିତ ଉଦ୍ୟମରେ ଜିଲ୍ଲା ଆୟୁର୍ବେଦ ଚିକିତ୍ସାଧିକାରୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇ ଯାଇଛି।ଏହି କାର୍ଯ୍ୟକ୍ରମରେ ଜିଲ୍ଲା ଆୟୁର୍ବେଦ ଚିକିତ୍ସାଧିକାରୀ ଡା.ଲକ୍ଷ୍ମୀଶ୍ରୀୟା ବେହେରା ମୁଖ୍ୟ ଅତିଥି ଭାବେ ଯୋଗଦାନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ।ଏହି କାର୍ଯ୍ୟକ୍ରମରେ ଡା.ରମେଶ କୁମାର ପୋଢ଼,ଡା. ସୁନୀତା ଗଡତିଆ,ଡା.ନରେନ୍ଦ୍ର ରାଉତ,ଡା.ଦୁଷ୍ମନ୍ତ ମାଝୀ ଆୟୁର୍ବେଦ ଚିକିତ୍ସା ଉପରେ ଛାତ୍ରଛାତ୍ରୀଙ୍କୁ ଶିକ୍ଷାଦାନ ଦେଇଥିଲେ।ଏହାପରେ ବୃକ୍ଷରୋପଣ କାର୍ଯ୍ୟକ୍ରମରେ ମୁଖ୍ୟ ଅତିଥି ସ୍କୁଲ ପରିସରରେ  ଔଷଧିୟ ବୃକ୍ଷ ରୋପଣ କରିଥିଲେ।ସ୍କୁଲ ପଡିଆରେ  ଆୟୋଜିତ ଯୋଗ ପ୍ରଶିକ୍ଷଣ ଶିବିରରେ ଯୋଗ ପ୍ରଶିକ୍ଷକ ତାପସ ପ୍ରଧାନ ଛାତ୍ରଛାତ୍ରୀ ମାନଙ୍କୁ ଯୋଗଶିକ୍ଷା ଉଦ୍ଦେଶ୍ୟ ଏବଂ ତା'ର ମହତ୍ୱ ଉପରେ  ମତପ୍ରଦାନ ସହ ଯୋଗଶିକ୍ଷା ପ୍ରଦାନ କରିଥିଲେ।ପରେ ଛାତ୍ରଛାତ୍ରୀ ମାନଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇ ମାଗଣାରେ ଔଷଧ ବଣ୍ଟନ କରାଯାଇ ଥିଲା।ଏହି କାର୍ଯ୍ୟକ୍ରମରେ ସ୍କୁଲର ପ୍ରଧାନ ଶିକ୍ଷକ ଶ୍ରୀଯୁକ୍ତ ନିତ୍ୟାନନ୍ଦ ଗଡତିଆ ଏବଂ ସ୍କୁଲର ଅନ୍ୟାନ୍ୟ ଶିକ୍ଷକଙ୍କ

ସହଯୋଗରେ କାର୍ଯ୍ୟକ୍ରମଟି ବେଶ ସରସ ସୁନ୍ଦର ହୋଇ ପାରିଥିଲା।ସୂଚନା ଯୋଗ୍ୟ ଯେ,ଆୟୁର୍ବେଦ ଚିକିତ୍ସାଧିକାରୀ ବରଗଡ ଆନୁକୂଲ୍ୟରେ ପ୍ରାରମ୍ଭେ ବରଗଡ ଜିଲ୍ଲା ବରପାଲି ବ୍ଲକର ବାରଗୁଡା ଓ ଭଟିଗାଁ ହାଇସ୍କୁଲରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଥିବା ବେଳେ,ଅତାବିରା ବ୍ଲକର ଟୋପ ଏବଂ ଜହ୍ନାପଡା ହାଇସ୍କୁଲ ଠାରେ ଅନୁଷ୍ଠିତ ହୋଇ ସାରିଛି।ବିଜେପୁର ବ୍ଲକର ପଡା ହାଇସ୍କୁଲରେ ଏହି କାର୍ଯ୍ୟକ୍ରମ ତା୧୬.୦୮.୨୦୨୩ରିଖରେ ରେ ଅନୁଷ୍ଠିତ ହୋଇ ସାରିଥିବା ବେଳେ,ତା୧୯.୦୮.୨୦୨୩ରିଖ ଦିନ ସ୍ଥାନୀୟ ଜାରିଂ ହାଇସ୍କୁଲ ଠାରେ ଆୟୁଷ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା।