07-Aug-2023

ବଲାଙ୍ଗୀର-ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା ୫ଟି ସଚିବ ଭି.କେ.ପାଣ୍ଡିଆନଙ୍କ ବଲାଙ୍ଗୀର ଗସ୍ତର ଆଜି ଦ୍ୱିତୀୟଦିନ । ଆଜି ସକାଳ ୭ଟା୪୫ମିରେ ସେ ସର୍କିଟହାଉସରୁ ବାହାରି ପ୍ରଥମେ ବଲାଙ୍ଗୀର ମାଁ ସମଲେଶ୍ୱରୀ ମନ୍ଦିରକୁ ଯାଇ ମାଁଙ୍କ ଦର୍ଶନ କରିଥିଲେ । ସେଠାରେ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ , ମନ୍ଦିରର ପୂଜକ ଓ ଅନ୍ୟାନ୍ୟ ଭକ୍ତମାନଙ୍କ ସହିତ ମନ୍ଦିରର ରୂପାନ୍ତରୀକରଣ ନେଇ ଆଲୋଚନା କରିଥିଲେ । ପୌରାଧ୍ୟକ୍ଷା ଲିକା ସାହୁଙ୍କ ସହିତ ସମଲେଶ୍ୱରୀ ମନ୍ଦିର,ପାଟଣେଶ୍ୱରୀମନ୍ଦିର,ଗୋପାଳଜୀମନ୍ଦିର କମିଟିର କର୍ମକର୍ତ୍ତା ଓ ବଲାଙ୍ଗୀର ସହରର ବିଶିଷ୍ଟବ୍ୟକ୍ତିଗଣ ଉପସ୍ଥିତ ରହି ୫ଟି ସଚିବଙ୍କୁ ସ୍ୱାଗତ କରିବା ସହିତ ମନ୍ଦିରଗୁଡିକର ପୁନଃରୁଦ୍ଧାର ଦାବି କରିଥିଲେ । ଏହାପରେ ସେ କୋସଳକଳାମଣ୍ଡଳ ପଡିଆରେ ସ୍ୱୟଂସହାୟିକାଦଳଙ୍କ ସମାବେଶକୁ ସମ୍ବୋଧନ କରି ଲୋୟରସୁକତେଲ ଜଳସେଚନ ପ୍ରକଲ୍ପକୁ ପରିଦର୍ଶନ କରିଥିଲେ । ଲୋୟରସୁକତେଲ ଡେମରେ ଚଳିତବର୍ଷ ବନ୍ୟାଜଳକୁ ଅଟକାଯାଇଛି । ଏହା ସହିତ ପ୍ରକଲ୍ପର ଅଗ୍ରଗତୀ ନେଇ ସେ ସନ୍ତୋଷବ୍ୟକ୍ତ କରିବା ସହିତ ବାକିଆକାମକୁ ଖୁବଶୀଘ୍ର ସାରିବାକୁ ପ୍ରଶାସନକୁ ନିର୍ଦ୍ଦେଶ କରିଥିଲେ । ପ୍ରକଲ୍ପକାମକୁ ତ୍ୱରାନ୍ୱିତ କରି କାମକୁ ସାରିଥିବାରୁ ଲୋୟରସୁକତେଲ ପ୍ରକଲ୍ପର ଯନ୍ତ୍ରୀ ଓ ଅଧିକାରୀଙ୍କୁ ପ୍ରଶଂସା କରିଥିଲେ । ଡେମରେ ଉପରେ ସେ ଚାଲିଚାଲି ବୁଲିଥିଲେ ଓ ପ୍ରକଲ୍ପରେ ସଂରକ୍ଷିତ ଜଳର ସ୍ଥିତି ଦେଖିଥିଲେ ।

ଏହାପରେ ଶ୍ରୀ ପାଣ୍ଡିଆନ ଲୋଇସିଂହା ବ୍ଲକର ଯୋଗୀସର୍ଡାର ହରିହର ୫ଟି ହାଇସ୍କୁଲ ଓ ଯୋଗେଶ୍ୱରମନ୍ଦିରକୁ ପରଦର୍ଶନ କରି ସ୍ଥାନୀୟଲୋକଙ୍କ ସହିତ ଆଲୋଚନା କରିଥିଲେ । ହରିହର ହାଇସ୍କୁଲର ୫ଟି ଯୋଜନାରେ ହୋଇଥିବା ରୂପାନ୍ତରଣ କାର୍ଯ୍ୟରେ ସେ ସନ୍ତୋଷ ବ୍ୟକ୍ତ କରିଥିଲେ । ଏହାପରେ ଲୋଇସିଂହାର କଲେଜପଡିଆକୁ ଆସି ଜନଅଭିଯୋଗ ଶୁଣାଣୀରେ ଯୋଗଦେଇଥିଲେ । ଏଠାରେ ପ୍ରାୟ ୧୫ହଜାର ମହିଳା/ପୁରୁଷଙ୍କୁ ଉଦବୋଧନ ଦେଇ ନବୀନ ପଟ୍ଟନାୟକ ସରକାରଙ୍କ ଜନହିତକର ଯୋଜନା ଉପରେ ଉଦବୋଧନ ଦେଇଥିଲେ । ରାଜ୍ୟସରକାର କୃଷକ,ଛାତ୍ର,ମହିଳାଙ୍କ ଶିକ୍ଷା,ସ୍ୱାସ୍ଥ୍ୟ,ଗମନାଗମନର ସୁବିଧା କରାଇବା ସହିତ ଧର୍ମାନୁଷ୍ଠାନଗୁଡିକର ରୂପାନ୍ତରଣ କରାଉଛନ୍ତି ବୋଲି କହିଥିଲେ । ଏହାପରେ ସେ ବଙ୍ଗୋମୁଣ୍ଡା ବ୍ଲକର ରାଣୀପୁର-ଝରିଆଳକୁ ଯାଇ ୬୪ଯୋଗିନୀ,ଇନ୍ଦ୍ରଲାଠ ଓ ସୋମେଶ୍ୱରମନ୍ଦିର ପରିଦର୍ଶନ କରିଥିଲେ । ସେଠାରେ ମଧ୍ୟ ମନ୍ଦିର ପରିଚାଳନାକମିଟି,ପୂଜକମାନଙ୍କୁ ଭେଟି ପୀଠର ଉନ୍ନତିକରଣ ପାଇଁ ଆଲୋଚନା କରିଥିଲେ । ସେଠାରୁ ମୁରିବାହାଲକୁ ଆସି ଏକ ସମାବେଶରେ ଜନଅଭିଯୋଗ ଶୁଣାଣୀରେ ଭାଗନେଇଥିଲେ । ଭି.କେ.ପାଣ୍ଡିଆନଙ୍କ ଏହି ପରିଦର୍ଶନ ବେଳେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ରସଚିବ ଭିନିଲକ୍ରୀଷ୍ଣା,ସମ୍ବଲପୁର ଆଇଜି ଦୀପକକୁମାର,ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା,ଏସପି ଋଷିକେଶ ଖିଲାରୀ ଓ ଅନ୍ୟାନ୍ୟ ଜିଲ୍ଲାଅଧିକାରୀଗଣ ଉପସ୍ଥିତ ରହିଥିଲେ ।