31-Jul-2023

ଲୋଇସିଂହା, (ବିନୋଦ କୁମାର ଦୀପ) ସୁରସଂଗମ ଲୋଇସିଂହା ଦ୍ୱାରା ନାଟ୍ୟ ମହର୍ଷି ଗୁରୁ ଭଗବାନ ସାହୁଙ୍କ ସ୍ମୃତି ଚାରଣ ଉଦ୍ଦେଶ୍ୟ ରେ କବିତା ପାଠୋତ୍ସବ ଓ ଆଲୋଚନା ଚକ୍ର ଲୋଇସିଂହା ବ୍ଲକ ସଭା ଗୃହରେ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ପ୍ରାୟ ୭ ଟି ଜିଲ୍ଲା ରୁ ଅଶି ରୁ ଉର୍ଦ୍ଧ କବି, ସାହିତ୍ୟିକ ଓ କଳାକାର ମାନେ ଯୋଗ ଦେଇଥିଲେ l ଉକ୍ତ ଉଦଘାଟଣୀ ଉତ୍ସବ ରେ ଲୋଇସିଂହା ବିଡ଼ିଓ ଶ୍ରୀ ଆକାଶରଞ୍ଜନ ସାହୁ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ଟିକେଚନ ରାୟ, ଗୁରୁଚରଣ ଧୀର, ଅଧ୍ୟକ୍ଷ ନିହାରରଞ୍ଜନ ବେହେରା, ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଯୋଗଦେଇ ୭ ଟି ଜିଲ୍ଲାର କଳାକାର ସାହିତ୍ୟିକ ସମାବେଶ ଦେଖି ଖୁଵ ଖୁସିବ୍ୟକ୍ତ କରିଥିଲେ l ସଭାପତି ନିଶାରେ ଅହମ୍ମଦ ନିଶାର ଙ୍କ ସଭାପତିତ୍ୱରେ ଉଦଯାପନୀ ଉତ୍ସବରେ ଓଡିଶା ର ସ୍ୱାସ୍ଥ୍ୟମନ୍ତ୍ରୀ ଶ୍ରୀଯୁକ୍ତ ନିରଞ୍ଜନ ପୁଝାରୀ ଯୋଗଦେଇ କବି ଗଙ୍ଗାଧର ମେହେର ଓ କବି ଭୀମ ଭୋଇ ଙ୍କ ଜୀବନୀ ଉପରେ ଆଲୋକପାତ କରିଥିଲେ l ଆଗଲପୁର, ପୁଇଁତଳା, ଲୋଇସିଂହା, ବରଗଡ଼ ଓ ବୌଦ୍ଧ ଜିଲ୍ଲାର 10 ଜଣ ପ୍ରତିଭାବାନ ବ୍ୟକ୍ତି ଙ୍କୁ ସୁରସଙ୍ଗମ ଅମୃତ ସମ୍ମାନ ପ୍ରଦାନ କରାଯାଇଥିଲା l ଶେଷରେ 10 ଟି ବୃକ୍ଷରୋପଣ କରି ଏ ଅଂଚଳରେ ଉଦାହରଣ ସୃଷ୍ଟି ହୋଇଥିଲା l କାର୍ଯ୍ୟକ୍ରମ ରେ ବିଜେଡି ବ୍ଲକ ସଭାପତି ହୃଦାନନ୍ଦ ବେହେରା ଉପସ୍ଥିତ ଥିବାବେଳେ ସଂଯୋଜନା ରେ ଅନୁଷ୍ଠାନ ର ସମ୍ପାଦକ ସରୋଜ ମହାକୁର, ଗୌରୀଶଙ୍କର ବେଜ, ସାଲେଗ୍ରାମ ହୋତା, ସଂଗୀତା ବାଗ ପ୍ରଭୃତି ସହଯୋଗ କରିଥିଲେ l