22-Jul-2023

ବରଗଡ଼:-ବରଗଡ଼ ଜିଲ୍ଲା ବିଜେପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଜାମପାଲି ଓ କଲଙ୍ଗାଡେରା ଠାରେ  ଭାରତୀୟ ଜନତା ପାର୍ଟି ପକ୍ଷରୁ ମଣ୍ଡଳ ସ୍ତରୀୟ ଜନସମ୍ପର୍କ ଅଭିଯାନ ଅନୁଷ୍ଠିତ ହୋଇଯାଇଛି।ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ବରିଷ୍ଠ ବିଜେପି ନେତା ଜମିଦାର ସନତ କୁମାର ଗଡତୀୟାଙ୍କ ନେତୃତ୍ୱରେ ସାଂସଦ ପ୍ରତିନିଧି ମହେଶ ଦେବତା, ମଣ୍ଡଳ ସଭାପତି ଯୋଗିନ୍ଦ୍ର ପଧାନ,ବାହାଦୁର ମେହେର ପ୍ରମୁଖ ଘରକୁ ଘର ବୁଲି ମୋଦୀଜୀ ଙ୍କ ୯ବର୍ଷର ସଫଳତା ଉପରେ ଲୋକଙ୍କୁ ସଫଳତାର ପତ୍ର ଦେବା ସହିତ ଭାରତ ସରକାରଙ୍କ ନୀତି, ବିକାଶ ମୂଳକ ଯୋଜନା,ଭିତ୍ତିଭୂମି ନିର୍ମାଣ,ଶିକ୍ଷା,ସ୍ୱାସ୍ଥ୍ୟ,ପ୍ରାକୃତିକ ବିପର୍ଯ୍ୟୟ ମୁକାବିଲା ସହିତ ଓଡ଼ିଆ ଲୋକଙ୍କୁ ଜାତୀୟ ସ୍ତରରେ ସ୍ୱିକୃତି ପ୍ରଦାନ ଉପରେ ଦେଇଥିବା ପ୍ରାଧାନ୍ୟ ସମ୍ପର୍କରେ ଅବଗତ କରିଥିଲେ।ବିଗତ ୯ବର୍ଷ ଶାସନ କାଳରେ ପ୍ରଧାନମନ୍ତ୍ରୀଙ୍କ ନେତୃତ୍ୱ,କର୍ତ୍ତବ୍ୟ ପ୍ରତି ଅବିଚଳିତ,ପ୍ରତିବଦ୍ଧତା ଦେଶର ବିକାଶକୁ ନୂଆ ପରିଭାଷା ଦେଇଛି।ପୁଣି ଦେଶରେ ସେବା, ସୁଶାସନ,ଐତିହ୍ୟ ଏବଂ ବିକାଶ ତଥା ଗରିବ କଲ୍ୟାଣର ଏକ ଧାରା ପ୍ରବାହିତ ହୋଇଛି ବୋଲି ବରିଷ୍ଠ ନେତା ଶ୍ରୀ ଗଡତୀୟା ଲୋକଙ୍କୁ ଭେଟି  କହିବା ସହିତ ଜନସମର୍ଥନ ଲୋଡିବା ଦେଖିବାକୁ ମିଳିଥିଲା। ଶ୍ରୀ ଗଡତୀୟା ଦିବାରାତ୍ର କୁ ଏକାକାର କରି ପ୍ରଧାନମନ୍ତ୍ରୀଙ୍କ ୯ବର୍ଷର ସଫଳତା ବାର୍ତ୍ତା ଗ୍ରାମକୁ ଗ୍ରାମ ଯାଇ ପ୍ରଚାର ଓ ପ୍ରସାର କରୁଥିବାରୁ ବେଶ ଜନସମର୍ଥନ ଦେଖିବାକୁ ମିଳୁଛି।