20-Jul-2023

ବୀରମହାରାଜପୁର,( ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରକୁ ବିଜ୍ଞାପିତ ଅଞ୍ଚଳ ପରିଷଦ ( ଏନ ଏ ସି ) ଘୋଷଣା ଦାବିରେ ଆମ ଆଦମୀ ପାର୍ଟି ପକ୍ଷରୁ ବୁଧବାର ୧୨ ଘଣ୍ଟିଆ ବନ୍ଦ ପାଳନ ହୋଇଛି l ଆମ ଆଦମୀ ପାର୍ଟି ଜିଲ୍ଲା ସଭାପତି ସୁରେଶ କଳତା ଙ୍କ ନେତୃତ୍ୱ ରେ ଦୀର୍ଘ ପନ୍ଦର ଦିନ ବୀରମହାରାଜପୁର ଉପଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଧାରଣା ରେ ବସିବାପରେ, ଆଜି ବୀରମହାରାଜପୁର ବନ୍ଦ ଡାକରା ଦିଆଯାଇଥଲା l  ଏହି ବନ୍ଦ ଫଳରେ ଦୋକାନ ବଜାର, ଯାନବାହାନ, ସ୍କୁଲ କଲେଜ, ଅଫିସ, କୋର୍ଟ କଜେରୀ ସବୁ ବନ୍ଦ ରହିଥିଲା l ଫଲରେ ରାସ୍ତାର ଉଭୟ ପାର୍ଶ୍ବରେ ଯାନବାହାନ ଅଟକିଥିବା ବେଳେ ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଇଥିଲେ। ଉକ୍ତ ବନ୍ଦ ପାଳନ ରେ ଆମ ଆଦମୀ ପାର୍ଟି ଜିଲ୍ଲା ସଭାପତି ସୁରେଶ କଳତା, ପୃଥ୍ୱୀରାଜ ଜଗଦଲା, ଘନଶ୍ୟାମ ଭୋଇ, ହାଡୁ ମେଣ୍ଡିଲି, ପ୍ରଦୀପ ଭୋଇ, ରାଜୁ କଲେତ, ଙ୍କ ସମେତ ଶତାଧିକ କର୍ମୀ ସାମିଲ ହୋଇଥିବା ଦେଖିବାକୁ  ମିଳିଥିଲା l ଏକମାସ ମଧ୍ୟରେ ଯଦି ବୀରମହାରାଜପୁର କୁ ଏନ ଏ ସି ଘୋଷଣା ନକଲେ ଆଇନ ଅମାନ୍ୟ ଆନ୍ଦୋଳନ କରିବାକୁ ଆମ ଆଦମୀ ପାର୍ଟି ତରଫରୁ କୁହାଯାଇଛି  l