20-Jul-2023

ପାଟଣାଗଡ (ଦିଲୀପ ପଣ୍ଡାଙ୍କ ରିପୋର୍ଟ ): ସ୍ଥାନୀୟ ବ୍ରହ୍ମପୁରା ନିକଟସ୍ଥ ବ୍ଲକ ଛକଠାରେ ଥିବା ପର୍ଶୁରାମଙ୍କ ଫଟୋକୁ ସୋମବାର ବିଧାୟକଙ୍କ କେତେକ ସମର୍ଥକ ହଟାଇ ସେଠାରେ ବିଜୁବାବୁଙ୍କ ପ୍ରତିମୂର୍ତ୍ତି ସ୍ଥାପନ କରିଥିଲେ । ଏହାକୁ ନେଇ ଗତକାଲି ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଏପରି କାର୍ଯ୍ୟକୁ ବିରୋଧ କରି ହିନ୍ଦୁବାଦୀ ସଙ୍ଗଠନ, ବ୍ରାହ୍ମଣ ଏକତାମଞ୍ଚ ଓ ବଜରଙ୍ଗ ଦଳ ପକ୍ଷରୁ ଥାନାରେ ଲିଖିତ ଅଭିଯୋଗ ସହ 

 ଗତକାଲି ଧାରଣା ଦିଆଯାଇଥିଲା । ଏହାର ପ୍ରତିବାଦରେ ଉପରୋକ୍ତ ସଙ୍ଗଠନର କର୍ମକର୍ତ୍ତା ମାନେ ଗତକାଲି ୧୨ ଘଣ୍ଟିଆ ପାଟଣଗଡ ବନ୍ଦ କରିଛନ୍ତି । ଶାନ୍ତିଶୃଙ୍ଖଳାର ସହ ବନ୍ଦ ପାଳନ ହୋଇଥିବାବେଳେ ସହରର ସମସ୍ତ ଦୋକାନ ବଜାର, ବିଭିନ୍ନ ସରକାରୀ ବେସରକାରୀ, ଜାନବାହାନ ଚଲାଚଲ ବନ୍ଦ ରହିଥିଲା । କେବଳ ଜରୁରୀକାଳୀନ ସେବାକୁ ଏଥିରୁ ବାଦ ଦିଆଯାଇଥିଲା  । ସକାଳ ୬ ଟାରେ ସ୍ଥାନୀୟ ବ୍ରହ୍ମପୁରା ସ୍ଥିତ ବ୍ଲକ ଛକ ନିକଟରେ ବଲାଙ୍ଗୀର, ପଦ୍ମପୁର, କଣ୍ଟାବାଞ୍ଜି ରାଜ୍ୟ ୪୨ ନଂ ରାଜପଥକୁ ଅବରୋଧ କରା ଯାଇଥିଲା । ଏହି ବନ୍ଦକୁ ବଣିକ ସଂଘ ସମ୍ପୁର୍ଣ୍ଣ ଭାବରେ ସହଯୋଗ କରିଥିବା ବେଳେ ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓ ଓ କୋଶଳ ରାଜ୍ୟ ମୁକ୍ତିମୋର୍ଚ୍ଚା ସମର୍ଥନ କରିଥିଲେ । ସୂଚନାଯୋଗ୍ୟ ଯେ, ଦୀର୍ଘ ୨୫ ବର୍ଷରୁ ଉର୍ଦ୍ଧ୍ବ ହେବ ବ୍ଲକ ଛକ ସ୍ଥିତ ଏହି ତ୍ରିକୋଣୀୟ ରାସ୍ତା ଅବହେଳିତ ହୋଇ ପଡିରହିଥିଲା । ଏପରିକି ତ୍ରିକୋଣୀୟ ରାସ୍ତାରେ ଏକ ଟ୍ରାନ୍ସଫର୍ମର ଥିବାରୁ ଦୈନନ୍ଦିନ କିଛିନା କିଛି ଛୋଟବଡ ଦୁର୍ଘଟଣା ଘଟି ଆସୁଥିଲା । ପାଟଣାଗଟ ବିଧାୟକ ସରୋଜ କୁମାର ମେହେରଙ୍କ ହସ୍ତକ୍ଷେପ ପରେ ତ୍ରିକୋଣ ଛକରୁ  ଉକ୍ତ ଟ୍ରାନ୍ସଫର୍ମର ଟିକୁ ସ୍ଥାନାନ୍ତରିତ କରାଯାଇଥିବା ସହ ୨୦୨୧ ମସିହା ଅଗଷ୍ଟ ୨୧ ତାରିଖ ଦିନ ଏହି ରାସ୍ତାର ପ୍ରଶସ୍ତୀକରଣ କାମ ଆରମ୍ଭ ହୋଇଥିଲା । ଏପରିକି ତ୍ରିକୋଣୀୟ ଛକ ମଝିରେ ଏକ ତ୍ରିକୋଣ ଆକାରର ପେଣ୍ଡାଲ ମଧ୍ୟ ତିଆରି କରାଯାଇଥିଲା । ଏହାପରେ ପାଟଣଗଡ ଜନସାଧାରଣଙ୍କ ଲିଖିତ ଅଭିଯୋଗ କ୍ରମେ ୨୦୨୨ ମସିହା ଏପ୍ରିଲ ୨୦ ତାରିଖରେ ସହରରେ ଥିବା ୭ ଟି ଛକର ସୌନ୍ଦର୍ଯ୍ୟକରଣ ସହ ମହାପୁରୁଷ ଓ ଭଗବାନ ପର୍ଶୁରାମଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଏନ୍ଏସି ବୈଠକରେ ପ୍ରସ୍ତାବ ଗୃହୀତ ହୋଇଥିଲା । ଏ‌ହା ପୁର୍ବରୁ ପାଟଣଗଡ ଏନ୍ଏସି ବାସିନ୍ଦା ୨୦୨୨ ମସିହା ଏପ୍ରିଲ ୧୬ ତାରିଖ ଦିନ ବ୍ଲକ ଛକରେ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ସ୍ଥାପନ ଓ ଉକ୍ତ ଛକକୁ ବିଜୁ ପଟ୍ଟନାୟକ ଛକ ନାମରେ ନାମିତ କରିବା ପାଇଁ ବଲାଙ୍ଗୀର ଜିଲ୍ଲାପାଳଙ୍କୁ ଲିଖିତ ଅନୁରୋଧ କରିବା ସହ ଏନ୍ଏସି କାର୍ଯ୍ୟନିର୍ବାହୀ ଅଧିକାରୀଙ୍କୁ ୨୦୨୨ ମସିହା ମଇ ମାସ ୧୭ ତାରିଖ ଦିନ ବ୍ଲକ ଛକକୁ ପର୍ଶୁରାମ ଛକ ନାମରେ ନାମିତ ସ୍ୱୀକୃତି ପ୍ରଦାନପୂର୍ବକ ବିଜ୍ଞପ୍ତି ପ୍ରକାଶ କରିବାପାଇଁ ଅନୁରୋଧ କରିଥିଲେ । ତତ୍ ଅନୁସାରେ ଉକ୍ତ ଛକରେ ସୋମବାର ବିଜୁ ପଟ୍ଟନାୟକଙ୍କ ମୂର୍ତ୍ତି ସ୍ଥାପନ କରାଯାଇ ଥିଲା । ଅପରପକ୍ଷରେ ଗତ ୨୦୧୯ ମସିହାରୁ ବ୍ରହ୍ମପୁରା ସ୍ଥିତ ପାଟଖଣ୍ଡା ମନ୍ଦିରର ଅନିତ ଦୂରରେ ଭଗବାନ ପର୍ଶୁରାମଙ୍କ ଫଟୋକୁ ରଖି ହିନ୍ଦୁ ବାଦି ସଙ୍ଗଠନର କର୍ମକର୍ତ୍ତା ମାନେ ପୂଜାର୍ଚ୍ଚନା କରିଆସୁଥିଲେ l

 ବ୍ଲକ ଛକର ପ୍ରଶସ୍ତିକରଣ ହେବାପରେ ଛକରେ ତିଆରି କରା ଯାଇଥିବା ତ୍ରୀକୋଣିୟ ପେଣ୍ଡାଲରେ ୨୦୨୨ ମସିହାରେ ହିନ୍ଦୁବାଦି ସଙ୍ଗଠନ,ବ୍ରାହ୍ମଣ ଏକତାମଞ୍ଚ ଓ ବଜରଙ୍ଗଦଳ ପକ୍ଷରୁ ସ୍ଥାନୀୟ ପଞ୍ଚମୁଖୀ ହନୁମାନ ମନ୍ଦିରରୁ କର୍ମର୍ତ୍ତା ମାନେ ଶୋଭାଯାତ୍ରାରେ ବାହାରି ବ୍ଲକ ଛକରେ ପହଞ୍ଚି ଭଗବାନ ପର୍ଶୁରାମଙ୍କ ଫଟୋକୁ ଉକ୍ତ ତ୍ରୀକୋଣିୟ ପେଣ୍ଡାଲରେ ସ୍ଥାପନ କରି ପୂଜାର୍ଚ୍ଚନା ପୁର୍ବକ ଉକ୍ତ ଛକକୁ ପର୍ଶୁରାମ ଛକ ନାମରେ ନାମିତ କରିବାକୁ ସ୍ଥିରୀକୃତ କରିଥିଲେ । ଏହି ବନ୍ଦ ପାଳନରେ ପୁଲିସ ତରଫରୁ କୈ।ଣସି ପ୍ରକାର ଅଘଟଣ ନଘଟିବାପାଇ ଏସଡିପିଓ ଜ୍ୟୋତିର୍ମୟ ଭୁକ୍ତା ଙ୍କ ନେତୃତ୍ବରେ ସୁବ୍ୟବସ୍ଥା କରାଯାଇଥିଲା । ଖବର ଲେଖାହେବା ପର୍ଯ୍ୟନ୍ତ ଆନ୍ଦୋଳନ ସ୍ଥଳକୁ ତହସିଲଦାର ଙ୍କ ବ୍ୟତୀତ କୈ।ଣସି ଉଚ୍ଚ ପଦସ୍ତ ପ୍ରଶାସନିକ ଅଧିକାରୀ ପହଞ୍ଚି ନଥିବା ଜଣା ପଡ଼ିଛିଥିବାବେଲେ ଧାରଣା ଜାରି ରହିଥିବା ଦେଖିବାକୁ ମିଲିଛି ।  
 ।