18-Jul-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ):  କାର୍ଯ୍ୟରତ ସାମ୍ବାଦିକ ମାନଙ୍କ ପାଇଁ କାର୍ଯ୍ୟକାରୀ ହୋଇଥିବା ଗୋପବନ୍ଧୁ ସ୍ୱାସ୍ଥ୍ୟ ବୀମା  ଯୋଜନାରେ ବୀମା ରାଶିର ପରିମାଣ ଦୁଇ ଲକ୍ଷ ଟଙ୍କାରୁ  ୫ ଲକ୍ଷ ଟଙ୍କାକୁ  ବୃଦ୍ଧି କରାଯିବା ବିଷୟ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ  ପଟ୍ଟନାୟକ  ଘୋଷଣା କରିଛନ୍ତି। ଏହା ଦ୍ୱାରା ରାଜ୍ୟର ୮୭୧୭ କାର୍ଯ୍ୟରତ ସାମ୍ବାଦିକ ଓ ତାଙ୍କ

ପରିବାର ଉପକାର ପାଇବେ ବୋଲି ଆଜି ଜ଼ିଲ୍ଲା ଓ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷ ରୁ ସୂଚନା ମିଳିଛି l   ରାଜ୍ୟ କାର୍ଯ୍ୟରତ ସାମ୍ବାଦିକ ଙ୍କ ସାମୁହିକ ସ୍ୱାର୍ଥ ପାଇଁ ୧୦  ଦଫା ସମ୍ବଳିତ  ଦାବିପତ୍ର କୁ ଗତ ବର୍ଷ  ମହାମହିମ ରାଜ୍ୟପାଳ ଓ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଓଡିଶା ସାମ୍ବାଦିକ ସଂଘ ସ୍ୱତନ୍ତ୍ର ପ୍ରତିନିଧି ଦଳ ପ୍ରଦାନ କରି ଥିଲେ ଏବଂ ଉକ୍ତ ଦିନ ରାଜ୍ୟରେ ପ୍ରଥମ ଥର ଏହି ସଂଘ ସମସ୍ତ ଜ଼ିଲ୍ଲାର ପ୍ରମୁଖ କର୍ମକର୍ତ୍ତାଙ୍କୁ ନେଇ ଭୁବନେଶ୍ୱର ରାଜରାସ୍ତାରେ ଧାରଣା ଦେଇଥିଲା l ପରେ ପରେ ମୟୁରଭଞ୍ଜ ଜ଼ିଲ୍ଲା ଓ ସୁବର୍ଣ୍ଣପୁର ଜ଼ିଲ୍ଲା ରେ 5 t ସଚିବଙ୍କୁ  ଭେଟି ଜ଼ିଲ୍ଲା ଶାଖା କର୍ମକର୍ତ୍ତା ମାନେ ଏହି ଦାବି କୁ ଦୋହରାଇ ଆଲୋଚନା କରିଥିଲେ l  ବହୁ ପୂର୍ବ ରୁ ସୁବର୍ଣ୍ଣପୁର ଶାଖା କର୍ମକର୍ତ୍ତା ମୁଖ୍ୟମନ୍ତ୍ରୀଙ୍କୁ ଭେଟି ନବୀନ ନିବାସରେ ଦାବିପତ୍ର ଦେଇ ଆଲୋଚନା କରିଥିବା ଜଣାଯାଏ l ସୂଚନାଯୋଗ୍ୟ ଯେ, ଗୋପବନ୍ଧୁ ସ୍ୱାସ୍ଥ୍ୟ ବୀମା ଯୋଜନାରେ କାର୍ଯ୍ୟରତ ସାମ୍ବାଦିକ ଓ ତାଙ୍କ ପରିବାରକୁ ଦୁଇ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ମିଳୁଥିଲା । ବର୍ତ୍ତମାନ ଏହା ପାଞ୍ଚ ଲକ୍ଷ ଟଙ୍କାକୁ ବୃଦ୍ଧି ପାଇବା ଦ୍ୱାରା ସାମ୍ବାଦିକ ଓ ତାଙ୍କ ପରିବାର ଉନ୍ନତ ଚିକିତ୍ସା ସେବା  ପାଇ ପାରିବେ। ଏ ଖବର ରେ ଆଜି ରାଜ୍ୟ ସାମ୍ବାଦିକ ମହଲ ରେ ଖୁସି ଲହରୀ

ଖେଳିଥିବା ବେଳେ ଓଡିଶା ସାମ୍ବାଦିକ ସଂଘ ସୋନପୁର ଶାଖା ପକ୍ଷ ରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ 5T ସଚିବ ଶ୍ରୀ ପାଣ୍ଡିଆନଙ୍କୁ ଗଭୀର କୃତ୍ୟଜ୍ଞତା ପ୍ରଦାନ କରାଯାଇଛି l ପୁନଶ୍ଚ ସାମ୍ବାଦିକଙ୍କ ବୃହତ୍ତର ସ୍ୱାର୍ଥ ଦୃଷ୍ଟି ରୁ ଆଗାମୀ ଦିନ ରେ  ସାମ୍ବାଦିକ ଙ୍କ ପେନସନ ଯୋଜନା ଲାଗୁ କଲେ ଆମ ରାଜ୍ୟ ର ସେଇ ଯୁଗାନ୍ତକାରୀ ପଦକ୍ଷେପ ଇତିହାସ ହୋଇ ରହିବ l