26-Jun-2023

ବେଲପଡ଼ା(ପୂର୍ଣ୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ବେଲପଡା ବ୍ଲକ କାର୍ଯ୍ୟାଳୟ ଠାରେ ଜିଳ୍ଳାପାଳ ଓ ଆରକ୍ଷୀ ଅଧିକ୍ଷକ ଙ୍କ ଜନଶୁଣାଣୀ ଶିବିର ଅନୁଷ୍ଠିତ ହୋଇଥିଲା। ଏଥିରେ ଜିଲ୍ଲାର ସମସ୍ତ ଅଧିକାରୀ ତଥା ଜିଲ୍ଲାପାଳ ଚଞ୍ଚଳ ରାଣା, ଆରକ୍ଷୀ ଅଧିକ୍ଷକ ହୃଷିକେଶ ଖିଲାରୀ, ଜିଲ୍ଲା ସ୍ବାସ୍ଥ୍ୟ ଅଧିକାରୀ କୁବେର ମହନ୍ତ, ଭାରପ୍ରାପ୍ତ ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ କମଳାକାନ୍ତ ବାରିକ, ଜିଲ୍ଲା ଯୋଗାଣ ଅଧିକାରୀ ମୀର ଅଲ୍ଲୀ, ବଲାଙ୍ଗିର ବନଖଣ୍ଡ ଅଧିକାରୀ ନିତିଶ କୁମାର, ପାଟଣାଗଡ଼ ଉପଜିଲ୍ଲାପାଳ ବିଜୟାନନ୍ଦ ସେଠୀ, ଉପଖଣ୍ଡ ଆରକ୍ଷୀ ଅଧିକ୍ଷକ ଜ୍ୟୋତିର୍ମୟ ଭୁକ୍ତା, ଉପଖଣ୍ଡ ଅବକାରୀ ଅଧିକ୍ଷକ ସତ୍ୟନାରାୟଣ ଦାସ,ଲାଠୋର ରେଞ୍ଜର ପ୍ରଭାତୀ ସେଠୀ, କଣ୍ଟାବାଞ୍ଜି ରେଞ୍ଜର ଶ୍ରଦ୍ଧାକର ବଡମାଳୀ, ପାଟଣାଗଡ଼ ରେଞ୍ଜର ଆନନ୍ଦ ଚନ୍ଦ୍ର ବିଶି ,ବେଲପଡା  ତହସିଲଦାର ପ୍ରଶାନ୍ତି ପ୍ରଧାନ,ବେଲପଡା ଗୋଷ୍ଠୀ ଉନ୍ନୟନ ଅଧିକାରୀ ଭିକ୍ଟୋର ସୋରେଙ୍ଗ, ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର, ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ବ୍ଳକ ସାମାଜିକ ସୁରକ୍ଷା ଅଧିକାରୀ ସୁରଜ୍ ପଟେଲ, ଯୋଗାଣ ଅଧିକାରୀ ବିଶ୍ବଜିତ ରାଉତ,ଏସିଷ୍ଟାଣ୍ଡ  ଇଞ୍ଜିନିୟର ଟଙ୍କଧର କାଲୁ,ଜିପିଇଓ ଗୋବିନ୍ଦ ଭୋଇ, ସମସ୍ତ କନିଷ୍ଠ ଯନ୍ତ୍ରୀ, ସମସ୍ତ ପିଇଓ, ସମସ୍ତ କ୍ଳାର୍କ ଉପସ୍ଥିତ ଥିବା ବେଳେ ବେଲପଡା ଥାନା ଅଧିକାରୀ ରାଜେନ୍ଦ୍ର ବେହେରା ଉପସ୍ଥିତ ରହି ଆଇନ ଶୃଙ୍ଖଳା ସ୍ଥିତି ସମୀକ୍ଷା କରୁଥିଲେ। ଜନଶୁଣାଣୀ ଶିବିରରେ ମାତ୍ର ୧୨ ଟି ଅଭିଯୋଗ ଦାଖଲ କରାଯାଇଛି।ବେଲପଡା ବ୍ଳକ ଏକ ଦାଦନ ପ୍ରବଣ ଅଞ୍ଚଳ ହୋଇଥିବା ବେଳେ ଏଠାରେ ଲୋକଙ୍କ ଅନେକ ସମସ୍ୟା ରହିଆସିଛି। ଯାହାକି ଲୋକେ ଜନଶୁଣାଣୀ ଶିବିରରେ ଉପସ୍ଥାପନା କରିଥାନ୍ତି। ହେଲେ ପ୍ରଚାର ପ୍ରସାର ଅଭାବ ଯୋଗୁଁ ଲୋକଙ୍କ ପାଖରେ ପହଞ୍ଚି ପାରିନାହିଁ ଜନଶୁଣାଣୀ ଶିବିର କାର୍ଯ୍ୟକ୍ରମ। ବ୍ଳକ ପ୍ରଶାସନ ପକ୍ଷରୁ କୌଣସି ଗଣମାଧ୍ୟମ ପ୍ରତିନିଧି କିମ୍ବା ଜନପ୍ରତିନିଧି ମାନଙ୍କୁ ଆଗତୁରା ଏବିଷୟରେ ସୂଚନା ଦିଆଯାଇନଥିଲା। କାରଣ କାଳେ ବ୍ଳକ ପ୍ରଶାସନ ର ଦୁର୍ନୀତି ବିଷୟ ପଦାକୁ ଆସିଯିବ ବୋଲି ନାଁ ଲୋକ ଦେଖାଣିଆ ଜନଶୁଣାଣୀ ଶିବିର କାର୍ଯ୍ୟକ୍ରମ ସରିଯାଉ ବୋଲି ତାହା ଜନସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି। ନଚେତ୍ ଏହା ବ୍ଳକ ପ୍ରଶାସନ ର ମନମୁଖୀ ନୀତି ନୁହେଁ ତ ; ଏହାକୁ ଜିଲ୍ଲାପାଳ ମହୋଦୟ ସ୍ବତନ୍ତ୍ର ଦୃଷ୍ଟି ଆକର୍ଷଣ କରି ଆଗାମୀ ଦିନରେ ଏଭଳି ପରିସ୍ଥିତି ସୃଷ୍ଟି ହେଉନାହିଁ ବୋଲି ତାଗିଦ୍ କରିବା ନିହାତି ଆବଶ୍ୟକ।