26-Jun-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ କାର୍ଯ୍ୟାଳୟ ଠାରେ ଆଜି ଜନଶୁଣାଣୀ ଶିବିର ଥିବା ବେଳେ ଏହି ଅବସରରେ କୃଷି ବିଭାଗ ପକ୍ଷରୁ ଏକ ମାଣ୍ଡିଆ ରଥ ଉଦ୍ଘାଟନ କରାଯାଇଛି। ଏଥିରେ ମୁଖ୍ୟ ଅତିଥି ଭାବେ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ଯୋଗଦେଇ କାର୍ଯ୍ୟର ଶୁଭାରମ୍ଭ କରିଥିଲେ। ସମ୍ମାନୀତ ଅତିଥି ଭାବେ ତହସିଲଦାର ପ୍ରଶାନ୍ତି ପ୍ରଧାନ, ଅଧ୍ୟକ୍ଷା କୁମାରୀ ଟିନା କୁମ୍ଭାର,

ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ଗୋଷ୍ଠୀ ଉନ୍ନୟନ ଅଧିକାରୀ ଭିକ୍ଟୋର ସୋରେଙ୍ଗ ଯୋଗଦାନ କରିଥିଲେ। ବ୍ଳକ କୃଷି ଅଧିକାରିଣୀ ଅଙ୍କିତା ମହାପାତ୍ର ଓ ସ୍କିମ ଅଧିକାରୀ ସୁନନ୍ଦା ଦାସ ଉପସ୍ଥିତ ରହି ମାଣ୍ଡିଆ,କୁଦୋ,ରକ୍ସି,ଗୁର୍ଜି ଚାଷ କରିବା ପାଇଁ ପ୍ରବର୍ତ୍ତାଇ ଥିବା ବେଳେ ଏହାକୁ ସରକାରୀ ମଣ୍ଡିରେ ବିକ୍ରି

କରିବା ପାଇଁ ସଚେତନ କରିଥିଲେ। ଏହି ରଥ ଟି ବେଲପଡା ବ୍ଳକ ର ସମସ୍ତ ଗ୍ରାମ କୁ ପହଞ୍ଚାଇ ଲୋକଙ୍କୁ ସଚେତନତା କରିବା ପାଇଁ ପ୍ରୟାସ କରାଯାଇଛି।ଜନଶୁଣାଣୀ କେନ୍ଦ୍ର ରେ ଦୁଇଟି ମଣ୍ଡିଆ ଚୁଣା ଯନ୍ତ୍ର ଓ ଏକ କୃଷି ଯନ୍ତ୍ରପାତି ଭଡ଼ାକେନ୍ଦ୍ର ପତ୍ରାପାଲି ରୁ କପାଣି ଓ ଜାମଯୁରୀ  ସ୍ବୟଂ ସହାୟକ ଗୋଷ୍ଠୀଙ୍କୁ ହସ୍ତାନ୍ତର କରାଯାଇଛି।