19-Jun-2023

ବଲାଙ୍ଗିର (ପ୍ରେରଣା ଖବର ): ପ୍ରଥମ ଆନ୍ତର୍ଜାତୀୟ ଯୋଗ ଦିବସ ୨୧ ଜୁନ୍ ୨୦୧୫ ରେ ସମଗ୍ର ବିଶ୍ୱରେ ପାଳନ କରାଯାଇଥିଲା | ଏହିଦିନ ଦୁନିଆ ର କୋଟିକୋଟି ଲୋକ  ଯୋଗ କରିଥିଲେ ଯାହା ଏକ ରେକର୍ଡ ଥିଲା | ଯୋଗ ହେଉଛି ବ୍ୟାୟାମର ଏକ ପ୍ରଭାବଶାଳୀ ରୂପ, ଯାହା ମାଧ୍ୟମରେ କେବଳ ଶରୀରର ଅଂଶ ନୁହେଁ, ମନ, ମସ୍ତିଷ୍କ ଏବଂ ପ୍ରାଣରେ ମଧ୍ୟ ସନ୍ତୁଳନ ସୃଷ୍ଟି ହୁଏ | ଶାରୀରିକ ଅସୁସ୍ଥତା ବ୍ୟତୀତ ଯୋଗ ଦ୍ୱାରା ମାନସିକ ସମସ୍ୟା ମଧ୍ୟ ଦୂର ହୋଇପାରିବ |  ଯୋଗ ମନ ଏବଂ ଶରୀରର ଏକତାର ପ୍ରତୀକ ଅଟେ; ମନୁଷ୍ୟ ଏବଂ ପ୍ରକୃତି ମଧ୍ୟରେ ସମନ୍ୱୟ କରି , ସୁସ୍ଥତା ପାଇଁ ଏକ ସାମଗ୍ରିକ ଆଭିମୁଖ୍ୟ ରଖି ଥାଏ | ଯୋଗ ଆମ ଭିତରେ ଏକତାର ଭାବନା ସୃଷ୍ଟି କରି ଜଳବାୟୁ ପରିବର୍ତ୍ତନ ସହିତ ମୁକାବିଲା କରିବାରେ ସାହାଯ୍ୟ କରିଥାଏ | ୨୧ ଜୁନ୍ ୨୦୨୩ ସକାଳ 6 ରୁ ୮ ଟା ପର୍ଯ୍ୟନ୍ତ ଗାନ୍ଧୀ ଷ୍ଟାଡିୟମରେ ସହଯୋଗ ଫାଉଣ୍ଡେସନ ଏବଂ ଅନ୍ୟାନ୍ୟ ୨୩ ସଂଗଠନ ମିଶି  ଆନ୍ତର୍ଜାତୀୟ ଯୋଗ ଦିବସ ପାଳନ କରିବେ |
ମୁଙ୍ଗେର  ଯୋଗଗୁରୁ ସ୍ୱାମୀ ବିଜ୍ଞାନ ଚୈତନ୍ୟ ଜୀ ଙ୍କ ଦ୍ୱାରା ଏହି ଯୋଗ ଶିବିର ପରିଚାଳିତ ହେବ | ଏହି ଦିବସରେ ବଲାଙ୍ଗିର ସାଂସଦ ଶ୍ରୀମତୀ ସଂଗୀତା ସିଂଦେଓ , ବଲାଙ୍ଗିର ଜିଲ୍ଲାପାଲ  ଚଞ୍ଚଲ ରାଣା, ପୋଲିସ ଅଧୀକ୍ଷକ ଋଷିକେଶ  ଖିଲାରୀ, ନଗରପାଳିକା ଅଧ୍ୟକ୍ଷ  ଶ୍ରୀମତୀ ଲିକା ସାହୁ ଅତିଥି ଭାବରେ ଯୋଗଦେବେ। ଆନ୍ତର୍ଜାତୀୟ ଯୋଗ ଦିବସ ରେ  ଅଧିକ ରୁ ଅଧିକ ଲୋକ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିବା ପାଇଁ ଡ଼କ୍ଟର ପଞ୍ଚାନନ ପ୍ରଧାନ ,ଆର୍ତତ୍ରାଣ ପାଢ଼ୀ , ପୀୟୁଷ ଅଗ୍ରୱାଲ, ଅବ୍ନିଶ ଅଗ୍ରୱାଲ, ପରେଶ ଅଗ୍ରୱାଲ , ପ୍ରଭାତ ଶ୍ରୀବାସ୍ତବ ଏବଂ  ସହଯୋଗ ଫାଉଣ୍ଡେସନର ସମ୍ପାଦିକା ପିଙ୍କି ମୋଦି ଅନୁରୋଧ କରିଛନ୍ତି l