17-Jun-2023

ବଲାଙ୍ଗୀର, ସ୍ଥାନୀୟ ଟିକ୍ରାପଡାନିବାସୀ ସ୍ୱର୍ଗତ ହରେକୃଷ୍ଣ ପଣ୍ଡାଙ୍କ ପତ୍ନୀ ଯଶୋବନ୍ତି ପଣ୍ଡାଙ୍କ  ଆଜି ସକାଳ ୮ଟାରେ ନିଜ ବାସଭବନରେ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୯୧ବର୍ଷ ବୟସ ହୋଇଥିଲା । ସେ ଜଣେ ଧର୍ମପରାୟଣ ମହିଳାଭାବରେ ପରିଚିତ ଥିଲେ । ଦୀର୍ଘ ଦିନ ଧରି ସେ ବାର୍ଦ୍ଧକ୍ୟଜନିତ ରୋଗରେ ପୀଡିତ ଥିଲେ ମୃତ୍ୟୁ ଶର୍ଯ୍ୟାରେ ତାଙ୍କ ବଡ ପୁଅ ପୀତବାସ ପଣ୍ଡା, ପୁତ୍ରବଧୁ ତୃପ୍ତିମୟୀ ଉପସ୍ଥିତ ଥିବା ବେଳେ ଶେଷ ଦର୍ଶନ ଓ ଶ୍ରଦ୍ଧାଞ୍ଜଳି ଜ୍ଞାପନ କରିବା ପାଇଁ ପ୍ରଫେସର ମଧୁସୂଦନ ପତି,

ନାଗରିକ କମିଟିର ସାଧାରଣ ସଂପାଦକ ମନୋରଂଜନ ସାହୁ, ଆଇନଜୀବୀ ଗୋପାଳ ପାଣିଗ୍ରାହୀ, ଗୋବିନ୍ଦ ପାଣିଗ୍ରାହୀ, ବିଶ୍ୱନାଥ ତ୍ରିପାଠୀ, ସୁଧାନିଧି ହୋତା, ଧର୍ମେନ୍ଦ୍ର ନନ୍ଦ, ଶ୍ରୀକାନ୍ତ  ଶର୍ମା ତଥା ପଡାବାସୀ ଉପସ୍ଥିତ ଥିଲେ । ସ୍ୱର୍ଗତା ଯଶୋବନ୍ତିଙ୍କ ଅନ୍ୟ ଦୁଇ ପୁ୍‌ତ୍ର ଶ୍ରୀନିବାସ, ବିଶ୍ୱବାସଙ୍କ  ସହ ୪ ଜଣ ଝିଅ ଅଛନ୍ତି । ମୃତ୍ୟୁ ଖବର ପାଇବା ପରେ ଟିକ୍ରାପଡା ଅଂଚଳରେ ଶୋକର ଛାୟା ଖେଳିଯାଇଛି । ସଂଧ୍ୟା ୬ ଟା ସମୟରେ ସ୍ଥାନୀୟ ବିଭୁତିପଡା ସ୍ମଶାନ ଠାରେ ତାଙ୍କର ଶେଷକୃତ୍ୟ ସଂପନ୍ନ କରାଯିବ ବୋଲି ପରିବାର ସୂତ୍ରରୁ ପ୍ରକାଶ ।