18-Apr-2023

ବଲାଙ୍ଗିର (ପ୍ରେରଣା ଖବର ): ନବମ ଶ୍ରେଣୀର ନାବାଳକଙ୍କୁ ମାଡ ମାରି କାନ ଫଟାଇଦେଲେ ଖୋଦ ଘରୋଇ ସ୍କୁଲର ନିର୍ଦେଶକ | ଏପରି ଏକ ସମ୍ବେଦନଶୀଳ ଘଟଣା ଘଟିଛି ବଲାଙ୍ଗୀର ସହର ଉପକଣ୍ଠ ରେ | ଅଭିଯୋଗ ଆସିଛି ସଦରଥାନା ବାଗଭାଡି ଗାଁ ନିକଟରେ ଥିବା ଆଇ.ଡ଼ି. ଏମ ପବ୍ଲିକ ସ୍କୁଲ ନାଁରେ | ଗତ ୬ ତାରିଖ ଦିନ ପାଟଣାଗଡ ସହର ଜଣେ ନବମ ଶ୍ରେଣୀର ଛାତ୍ର ଆଇ. ଡ଼ି. ଏମ ପବ୍ଲିକ ସ୍କୁଲରେ ନାମ ଲେଖାଇବା ସହିତ ହଷ୍ଟେଲରେ ରହୁଥିଲେ | ଗତ  ୧୨ ତାରିଖ ରାତିରେ ଆଇ. ଡ଼ି. ଏମ ପବ୍ଲିକ ସ୍କୁଲର ନିର୍ଦେଶକ ଶଶୀଭୂଷଣ ଦିକ୍ଷିତ ହଷ୍ଟେଲ ଭିତରକୁ ଯାଇଥିଲେ | ନାବାଳକ ଜଣକୁ ବେଡ଼ ଦିଆଯାଇନଥିବାରୁ ସାଙ୍ଗର ବେଡ଼ରେ ଶୋଇଥିଲେ | ହଠାତ ନିର୍ଦେଶକ ଜଣକ ରାଗିଯାଇ ନାବାଳକକୁ ମାଡ ମାରିବା ଆରମ୍ଭ କରିଥିଲେ | ମାଡ଼ରେ କାନ ଫାଟି ରକ୍ତ ବାହାରିବ ଅଭିଯୋଗ ହୋଇଛି | ମାଡ ମାରିବା ପରେ ନିର୍ଦେଶକ କାନ ଧରି ୩୦ଥର ଉଠବସ କରାଇଥିଲେ | ଛାତ୍ର ଜଣକ ଏନେଇ ବାପା ମାଁଙ୍କୁ କହିବା ପରେ ଛାତ୍ରଙ୍କୁ ଡାକ୍ତରଖାନାକୁ ନେଇ ଚିକିତ୍ସା କରାଇଥିଲେ | ଆଜି ସ୍କୁଲରୁ ଟି. ସି ନେବାକୁ ବାପା ମା ଆସିଥିବା ବେଳେ ଓଲଟା ସ୍କୁଲର ପ୍ରିନସିପାଳ ବବିତା ମିଶ୍ର ଧମକ ଚମକ ଦେଇଥିବା ଅଭିଯୋଗ ହୋଇଛି | ଏନେଇ ସଦର ଥାନାରେ ନାବାଳକଙ୍କ ବାପା ମାଁ ଲିଖିତ ଭାବରେ ଅଭିଯୋଗ କରିଛନ୍ତି | ଚାଇଲଡ ଲାଇନ ଘଟଣାର ତଦନ୍ତ ଆରମ୍ଭ କରିଛି | ସେପଟେ ସ୍କୁଲ କତୃପକ୍ଷଙ୍କ କୌଣସି ମତାମତ ମିଳିପାରିନାହିଁ |