17-Apr-2023

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କମିରା ଗ୍ରାମର ରାସେଶ୍ୱରୀ କ୍ଳବ ଆନୁକୁଲ୍ୟରେ ୨୪ ପ୍ରହରୀ ନାମ ଯଜ୍ଞ ପାଇଁ କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି।  ସକାଳୁ ‌ନିକଟସ୍ଥ ସୁରୁବାଲି ଜୋର ଠାରେ ରୀତିନୀତି ଅନୁସାରେ ପୂଜାର୍ଚ୍ଚନା କରି ଗଙ୍ଗା ମାତାଙ୍କୁ ଆବାହନ କରି ଏକ ଆଧ୍ୟାତ୍ମିକ ପରିବେଶରେ ବହୁ ସଂଖ୍ୟକ ମହିଳା ପୂର୍ଣ୍ଣ କଳସି ଧରି ନଗର ପରିକ୍ରମା କରାଯାଇଥିଲା। ହରିବୋଲ ହୁଳହୁଳି ଶଙ୍ଖ ଧ୍ବନି ଓ ନାମ ସଂକୀର୍ତ୍ତନରେ ଶୋଭାଯାତ୍ରା ବାହାରି ନାମ ମଣ୍ଡପ ସ୍ଥାପନ କରିଥିଲେ। ସୋମବାର ସକାଳ ଠାରୁ ଅଧିବାସ ( ନାମ ଯଜ୍ଞ ଆରମ୍ଭ) ହେବାର କାର୍ଯ୍ୟକ୍ରମ ରହିଛି। ଏଥିରେ ପୂଜକ ଶୀତାରାମ ପାଢୀ ପୂଜା କାର୍ଯ୍ୟ ତୁଲାଇଥିବା ବେଳେ ଅମରେନ୍ଦ୍ର ପଧାନ କର୍ତ୍ତା ଦାଇତ୍ୱ ତୁଲାଉଛନ୍ତି। ଏଥିରେ ସ୍ଥାନୀୟ ସରପଞ୍ଚ ଅନୁସୟା ପଧାନ, ସମାଜସେବୀ ସପନ ପଧାନ, ରାସେଶ୍ୱରୀ କ୍ଳବର ସଭାପତି ଧରଣୀଧର ପାଢ଼ୀ ଓ ଗ୍ରାମବାସୀ ସାମିଲ ହୋଇଥିବା ବେଳେ ରାସେଶ୍ୱରୀ କ୍ଳବର ସଦସ୍ୟ ମାନେ ଉପସ୍ଥିତ ରହି ସହଯୋଗ କରିଥିଲେ। ପୂର୍ବାହ୍ନରେ ଉକ୍ତ ସ୍ଥାନରେ ଲକ୍ଷାଧିକ ଟଙ୍କା ବ୍ୟୟରେ ନିର୍ମିତ ହୋଇଥିବା ରାସେଶ୍ୱରୀ ନାମ ମଣ୍ଡପକୁ କମିରା ସରପଞ୍ଚ ଅନୁସୁୟା ପଧାନ ରୀତିନୀତି ଅନୁସାରେ ପୂଜାର୍ଚ୍ଚନା କରି ଏହାର ଶୁଭ ଉଦଘାଟନ କରିଥିଲେ।