17-Apr-2023

ବଲାଙ୍ଗୀର(ପ୍ରେରଣା ଖବର ବ୍ୟୁରୋ ): ଶିକ୍ଷା ବିଭାଗ ରେ ମାଳ ମାଳ ନକଲି ସାର୍ଟିଫକେଟ ଧାରି ଶିକ୍ଷକ ବର୍ଷ ବର୍ଷ ଧରି ଚାକିରି କରୁଥିବା ବେଳେ ଜିଲ୍ଲା ଶିକ୍ଷାଧିକାରୀ ଙ୍କ ଅବହେଳା ଯୋଗୁ ଆଜି ପର୍ଯ୍ୟନ୍ତ ଶିକ୍ଷକ ସାଜି ଚାକିରି କରୁଛନ୍ତି । ଉଚ୍ଚ ଶିକ୍ଷା ବିଭାଗ ବାରମ୍ବାର ଚିଠି ମାଧ୍ୟମରେ ନକଲି ସାର୍ଟିଫିକେଟ ର ତଦନ୍ତ କରିବାକୁ ଜଣାଇଥିଲେ ମଧ୍ୟ ଜିଲ୍ଲା ଶିକ୍ଷା ବିଭାଗ ସଜାଗ ରହି ନ ଥିବା ବେଳେ ନକଲି ର ପ୍ରଭାବ ଦେଖାଦେଇଛି।ସେହିଭଳି ସ୍ବାସ୍ଥ୍ୟ କ୍ଷେତ୍ର ରେ ମଧ୍ୟ ମାଳ ମାଳ ନକଲି ଡାକ୍ତର ଜିଲ୍ଲାର ସବୁ ସ୍ଥାନରେ ତାଙ୍କର ବ୍ୟବସାୟ ବଳବତ୍ତର ରଖିଛନ୍ତି।ସହର ଠୁଁ ଆରମ୍ଭ କରି ଗ୍ରାମଞ୍ଚଳ ପର୍ଯ୍ୟନ୍ତ ବ୍ୟାପିଛନ୍ତି ନକଲି ଡାକ୍ତର ।ପାଠ ନାହିଁ କି ଶାଠ ନାହିଁ ହେଲେ ନିଜକୁ ଡାକ୍ତର ପରିଚୟ ଦେଇ ବେଶ ମାଲେ ମାଲ୍ ହେଉଥିବା ବେଳେ ରୋଗୀ କଙ୍ଗାଲ । କିଛି ଔଷଧ ଦୋକାନୀ ନିଜର ବ୍ୟବସାୟ ପାଇଁ ଏହି ଠକ ଡାକ୍ତର ମାନଙ୍କୁ ରଖିଥିବା ଏବଂ ଗ୍ରାମାଞ୍ଚଳ ର ରୋଗୀ ମାନଙ୍କୁ ତତକ୍ଷଣାତ୍ ସ୍ବାସ୍ଥ୍ୟ ସେବା ଯୋଗାଇ ରୋଜଗାର କରୁଥିବା ଚର୍ଚ୍ଚା ହେଉଛି । ଏହି ନକଲି ଡାକ୍ତର ମାନେ ସାଧାରଣତଃ ୱେଷ୍ଟ ବେଙ୍ଗଲ ରାଜ୍ୟର ବୋଲି ଜାଣିବାକୁ ମିଳିଛି ।ଏମାନଙ୍କ ପାଖରେ ଶିକ୍ଷାଗତ ଯୋଗ୍ୟତା ପ୍ରମାଣ ପତ୍ର ନ ଥିବା ବେଳେ କୌଣସି ଡାକ୍ତରି ପାସ ପ୍ରମାଣ ପତ୍ର ଏବଂ କ୍ଲିନିକ୍ ଲାଇସେନ୍ସ ମଧ୍ୟ ନାହିଁ । ଡାକ୍ତର ସାଜି ବେଧଡକ ରୋଗୀ ଙ୍କୁ ଲୁଟୁଥିବା ଦେଖିବାକୁ ମିଳୁଛି ।ପାଠ ଜିରୋ ହେଲେ ଡାକ୍ତର ।ବର୍ଷ ବର୍ଷ ଧରି ଡାକ୍ତର ପରିଚୟ ଦେଇ କ୍ଲିନିକ୍ ଖୋଲି ରୋଗୀ ଙ୍କୁ ଠକି ନିଜର ପତିଆରା ବିସ୍ତାର କରିଛନ୍ତି । ପାଥୋ ଲାଇସେନ୍ସ ନାହିଁ ହେଲେ ରକ୍ତ ପରୀକ୍ଷା କରି ନିରୀହ ଲୋକଙ୍କୁ ଚୁନା ଲଗାଉଛନ୍ତି ।ଜିଲ୍ଲାର ମୁରିବାହାଲ,ସଇଁତଳା,ଲୋଇସିଂହା,ଗୁଡିଘାଟ,ମାର୍ଲାଡ୍, ସିନ୍ଧେକେଲା, କୁରସୁଡ଼,ଟିଟିଲାଗଡ଼, ଉଦେପୁର, ବୈରାସର୍ ଇତ୍ୟାଦି ଆହୁରି ଅନେକ ସ୍ଥାନରେ କ୍ଲିନିକ୍ ଖୋଲି ନିଜକୁ ଡାକ୍ତର ପରିଚୟ ଦେଇ ରୋଗୀଙ୍କ ଠାରୁ ସ୍ବାସ୍ଥ୍ୟ ସେବା ନାମରେ ହଜାର ହଜାର ଟଙ୍କା ଲୁଟୁ ଥିବା ଚର୍ଚ୍ଚା ହେଉଛି। କୁରସୁଡ଼ ରେ ଥିବା ଜଣେ ବଙ୍ଗାଳୀ ଡାକ୍ତର କ୍ଲିନିକ୍ ଖୋଲି ନିଜକୁ ଡାକ୍ତର ପରିଚୟ ଦେଇ ରକ୍ତ ପରୀକ୍ଷା ସହ ଔଷଧ ଦେଉଥିବା ଚର୍ଚ୍ଚା ଜୋର୍ ଧରିଛି । ସେହିଭଳି ଟିଟିଲାଗଡ଼ ନିକଟସ୍ଥ ଉଦେପୁର୍ ଗ୍ରାମରେ ତାପସ କୁମାର ବିଶ୍ୱାସ ,ୱେଷ୍ଟ ବେଙ୍ଗଲ ନଦୀଆ ଜିଲ୍ଲା,ରାମେଶ୍ବର ପୂର୍ ର ବାସିନ୍ଦା ନିଜକୁ ଡାକ୍ତର ର ପରିଚୟ ଦେଇ ଏହି ଗ୍ରାମରେ ୧୦/୧୨ବର୍ଷ ହେବ ରହି ରୋଗୀ ଙ୍କୁ ସଲାଇନ୍,ଇଞ୍ଜେକସନ ସହ ମେଲେରିଆ ଏବଂ ଉଚ୍ଚ ରକ୍ତ ଚାପ୍ ର ଔଷଧ ମଧ୍ୟ ଦେଉଥିବା ଚର୍ଚ୍ଚା ହେଉଛି।ଜିଲ୍ଲା ସ୍ବାସ୍ଥ୍ୟ ଅଧିକାରୀ,ପ୍ରଶାସନିକ ଅଧିକାରୀ ମାନେ ଏଭଳି ସଙ୍ଗୀନ ବିଷୟ ଉପରେ ଧ୍ୟାନ ଦେଲେ ଅନେକ ନିରକ୍ଷର,ନିରୀହ ରୋଗୀ ତଥା ଜନତା ଏପରି ଲୁଣ୍ଠନକାରି ଙ୍କ କବଳରୁ ମୁକ୍ତ ହେବେ ।ଜନ ସାଧାରଣ ସୁବିଧାରେ ସ୍ବାସ୍ଥ୍ୟ ସେବା ପାଇବା ପାଇଁ ସରକାର ଜିଲ୍ଲାର ବିଭିନ୍ନ ଅଞ୍ଚଳରେ ଆୟୁଷ ଡାକ୍ତର ମାନଙ୍କୁ ନିଯୁକ୍ତି ଦେଇଥିବା ବେଳେ ଲୋକେ କାହିଁକି ଅସଲି ଡାକ୍ତର ପାଖକୁ ନ ଯାଇ ନକଲି ଡାକ୍ତର ପାଖରେ ସ୍ବାସ୍ଥ୍ୟ ପରୀକ୍ଷା କରୁଛନ୍ତି ଏକ ପ୍ରଶ୍ନବାଚୀ । ତେବେ ଏଠି ପ୍ରଶ୍ନ ଉଠେ ସରକାର ଆୟୁଷ ଡାକ୍ତର ମାନଙ୍କୁ ନିଯୁକ୍ତି ଦେଲା ପରେ ସେହି ଡାକ୍ତର ମାନେ ସେହି ଅଞ୍ଚଳରେ ଠିକ୍ ସମୟରେ ରୋଗୀଙ୍କୁ ଦେଖୁଛନ୍ତି ନା ହସ୍ପିଟାଲ ଖୋଲୁ ନାହାନ୍ତି ଯଦ୍ୱାରା ରୋଗୀମାନେ ବାଧ୍ୟ ହୋଇ ନକଲି ଡାକ୍ତର ମାନଙ୍କ ଆଶ୍ରୟ ନେଉଛନ୍ତି ତଦନ୍ତ ସାପେକ୍ଷ