06-Apr-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଅନ୍ତର୍ଗତ ନୁଁନିଆପାଲି ପଂଚାୟତ ଅନ୍ତର୍ଗତ ଶ୍ରଦ୍ଧାପାଲି ଠାରେ ସ୍ଵପ୍ନେଶ୍ଵର ବାବା କଳା ପରିଷଦ ଓ ପଞ୍ଚୁ ସେବା ସଦନ ତରଫରୁ ଏକ ବିରାଟ କଳାକାର ସମର୍ଦ୍ଧନା ଓ ଉତ୍ସବ ପାଳିତ ହୋଇଛି, ସଭା ଆରମ୍ଭ ହେବା ପୂର୍ବ ରୁ କଳାକାର ମାନେ ଏକ ମସାଲ ଶୋଭାଯାତ୍ରା କରିଥିଲେ l ଏହାପରେ ଅତିଥି ମାନଂକୁ ଏକ ବିରାଟ ପଟୁଆର ର କଳାକାର ମାନେ ସଭା ମଞ୍ଚ କୁ ପାଛୋଟି ନେଇଥିଲେ, ଏହି ସଭାରେ ହାରାହାରି 500 କଳାକାର ଯୋଗଦାନ କରି କି ତାଙ୍କ କଳା ପ୍ରଦର୍ଶନୀ କରିଥିଲେ l 2019 ବର୍ଷରୁ ଯୋଉମାନେ ମୁଖ୍ୟମନ୍ତ୍ରୀ କଳାକାର ଭତ୍ତା ପାଇ ଆସୁଛନ୍ତି ସେମାନଙ୍କୁ ସମର୍ଦ୍ଧନା କରାଯାଇଥିଲା, ତାଙ୍କ ବ୍ୟତୀତ ଅନ୍ୟାନ୍ୟ ବ୍ୟକ୍ତି ବିଶେଷ ମାନଂକୁ ମଧ୍ୟ ସମ୍ବର୍ଦ୍ଧନା କରାଯାଇଥିଲା l

ଆଜିକାର ଉତ୍ସବ ରେ ବିଗତ ଦିନର କଳାକାର ମାନଙ୍କ କଳା ଯେଉଁ ହଜି ଯାଉଛି ତାହାକୁ ଲୋକଲୋଚନ କୁ ଆଣିବା ଓ ପ୍ରଚାର ପ୍ରସାର କରିବା ପାଇଁ ଏହା ଚେଷ୍ଟା ଥିଲା, ଆଜିକାର ଏହି ସଭାରେ ମୁଖ୍ୟଅତିଥି ଭାବରେ ଭଟଲି ବିଧାୟକ ତଥା ବିଜୁ ଜନତା ଦଳ ବଲାଙ୍ଗୀର ଜିଲ୍ଲା ପର୍ଯ୍ୟବେକ୍ଷକ ସୁଶାନ୍ତ ସିଂ ଯୋଗଦେଇ ମୁଖ୍ୟମନ୍ତ୍ରୀ କଳାକାର ମାନଂକୁ କେତେ ଯେ ଭଲ ପାନ୍ତି ଓ ସେଥିପାଇଁ କଳାକାର ସହାୟତା ପ୍ରଦାନ କରିଛନ୍ତି ବୋଲି ତାଙ୍କ ବକ୍ତବ୍ୟ ର କହିଥିଲେ l ସମ୍ମାନିତ ଅତିଥି ଭାବରେ ରାଜ୍ୟ ପରିଷଦ ସଦସ୍ୟ ଲୋଇସିଂହା ନିର୍ବାଚନ ମଣ୍ଡଳୀ ର ଯୁବନେତା ନିହାର ରଞ୍ଜନ ବେହେରା ଯୋଗଦେଇ କଳାକାର ମାନଙ୍କ ସମାଜ ପ୍ରତି କଣ ଅବଦାନ ଅଛି ବୋଲି କହିଥିଲେ l ଅନ୍ୟାନ୍ୟ ଅତିଥି ଭାବରେ ଆଗଲପୁର ବ୍ଲକ ଉପାଧ୍ୟକ୍ଷା ନିରୁପମା ପଧାନ,ରିନବଚନ ପଂଚାୟତ ସମିତି ପ୍ରତିନିଧି ପ୍ରଶାନ୍ତ ସମିତି ଆଗଲପୁର ବ୍ଲକ କଳାକାର ସଙ୍ଘ ସଭାପତି ବଂଶୀଧର ବେହେରା,ସ୍ଵପ୍ନେଶ୍ଵର ବାବା କଳା ପରିଷଦ ସଭାପତି,ଭରତ ସାହୁ,ବିଜୁ ସାଂସ୍କୃତିକ ସମ୍ମନ୍ଵୟ ସମିତି ଲୋଇସିଂହା ନିର୍ବାଚନ ମଣ୍ଡଳୀ ର ସଂଯୋଜକ ବ୍ରଜମୋହନ ବିଶୋଇ,, ପ୍ରମୁଖ ଉପସ୍ଥିତି ହୋଇ କଳାକାର ମାନଙ୍କୁ ଉତ୍ସାହିତ କରିଥିଲେ l ଏଥିରେ ମୋହନଲାଲ ସିକ୍କା, ବୁଧଦେବ ସାହୁ, ସଂଯୋଗ ସାହୁ,ନାରାୟଣ ସାହୁ, ବିକାଶ ମହାକୁଡ଼,ହେମକାନ୍ତ ସାହୁ,ଟିକେଶ୍ୱର ତ୍ରିପାଠୀ ପ୍ରମୁଖ ଉକ୍ତ କାର୍ଯ୍ୟକ୍ରମରେ ସହାୟତା ପ୍ରଦାନ କରିଥିଲେ l