19-Mar-2023

ବଙ୍ଗୋମୁଣ୍ଡା (ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଝରିଆଲ ପଞ୍ଚାୟତ ଅଧିନସ୍ଥ ବାହାବଳ ଗ୍ରାମର ନରହରି ବାଗଙ୍କ ପରିବାର ଆଠ ମାସ ତଳେ ବେଶ ହସଖୁସିରେ ଚଳୁଥିଲା। ପରିବାର କହିଲେ ନିଜ ଧର୍ମପତ୍ନୀ ପୁଷ୍ପାଞ୍ଜଳୀ ୩୨ (ବର୍ଷ) ଙ୍କ ସହ ୪ ଝିଅ ସାଏବତୀ (୧୪) ବର୍ଷ, ତୃପ୍ତି ୧୨ ବର୍ଷ, ଭାଗ୍ଯ (୧୦) ବର୍ଷ ଦୁର୍ମୀଲା ୮ (ବର୍ଷ) । ହେଲେ ବିଧିରବିଧାନ କିଛି ଅଲଗା ଥିଲା । ଗତ ନୁଆଖାଇ ର କିଛିଦିନ ଆଗରୁ ନରହରି ବାଗ ମୃତ୍ଯୁବରଣ କଲେ ଏହାପରେ ପରିବାର ଉପରେ ଚଡକ ପଡିଥିଲା। ସ୍ତ୍ରୀ ପୁଷ୍ପାଞ୍ଜଳୀ ଙ୍କ ପାଦତଳୁ ମାଟି ଖସିଗଲା। ଚାରୋଟି ଛୋଟ ଛୋଟ ପୁଅଝିଅଙ୍କ ପେଟ ଚଳାଇବା ଓ କେମିତି ପାଠ ପଢାଇ ଛୁଆ ମାନଙ୍କୁ ମଣିଷ କରିବେ ଏହାକୁନେଇ ସେ ଏବେ ଘୋର ଚିନ୍ତାରେ। ସ୍ବାମୀ ନରହରି ବଞ୍ଚିଥିବା ବେଳେ ଦିନମଜୁରିଆ କାମକରି ପରିବାର ପ୍ରତିପୋଷଣ କରି ବେଶ ଆରାମରେ ଚଳି ଯାଉଥିଲେ। କିନ୍ତୁ ବର୍ତ୍ତମାନ ପରିବାର ପ୍ରତିପୋଷଣ କରିବା ପାଇଁ ପୁଷ୍ପାଞ୍ଜଳୀ କୁଲି ଭୁତି ଲାଗି ମଜୁରି କରି ବହୁ କଷ୍ଟରେ ଛୁଆ ମାନଙ୍କ ପାଇଁ ଦି ମୁଠା ଖାଦ୍ୟ ଯୋଗାଡ କରୁଥିବା କହିଛନ୍ତି ପୁଷ୍ପାଞ୍ଜଳୀ ସରକାରୀ ସୁବିଧା କହିଲେ କେବଳ ପରିବାରର ୫ ଜଣଙ୍କୁ ୨୫ କେଜି ଚାଉଳ ବ୍ଯତିତ ଆଉ କିଛି ମିଳୁନଥିବାରୁ ପୁଷ୍ପାଞ୍ଜଳୀଙ୍କୁ

ସରକାରଙ୍କ ମହିଳା ସଶକ୍ତିକରଣ ଅନୁଯାଇ ପଞ୍ଚାୟତ ଲେବେଲ ରେ କୌଣସି ଏକ ବିଭାଗରେ ସ୍ଥାୟୀ ହେଉ ଅବା ଅସ୍ଥାଇ କାମରେ ନିଯୁକ୍ତି ଯୋଗାଇ ଦେବା, ବିଧବା ଭତ୍ତା ପ୍ରଦାନ କରିବା, ଚାରି ଝିଅଙ୍କୁ ପାଠ ପଢାଇବା ପାଇଁ ସୁବିଧା ଓ ରେଡକ୍ରସ ଫଣ୍ଡ ରୁ କିଛି ଆର୍ଥିକ ସାହାଯ୍ଯ ପ୍ରଦାନ କଲେ ଚାରି ଝିଅଙ୍କ ସହ ମାଁ ବି ଉପକୃତ ହୋଇପାରନ୍ତି ବୋଳି ପୁଷ୍ପାଞ୍ଜଳୀଙ୍କ ସହ ଗ୍ରାମବାସୀ ଆମ ଜରିଆରେ ବ୍ଲକ ଓ ଜିଲ୍ଲା ପ୍ରଶାସନକୁ ନିବେଦନ କରିଛନ୍ତି। ତେବେ ଏହାକୁନେଇ ବଙ୍ଗୋମୁଣ୍ଡା ବିଡିଓ ରିପୁନାଥ ସୁନାଙ୍କ ପ୍ରତିକ୍ରିୟା ନେବାରୁ ପୁଷ୍ପାଞ୍ଜଳୀ ଯଦି ଏସଏଚଜି ମେମ୍ବର ଅଟନ୍ତି ତେବେ ତାଙ୍କୁ ରିଭଲଭିଙ୍ଗ ଫଣ୍ଡ ରୁ ସାହାଯ୍ଯ କରିହେବ ସେଥିପାଇଁ ବାହାବଳକୁ ଓଏଲଏମ ବିଭାଗର କର୍ମଚାରୀଙ୍କୁ ପଠାଯିବ ଏବଂ ତାଙ୍କ ବିଧବା ଭତ୍ତା ଗ୍ରାଣ୍ଟ ହୋଇଯାଇଛି ଶିଘ୍ର ତାଙ୍କୁ ପ୍ରଦାନ କରାଯିବ ଓ ଝିଅ ମାନଙ୍କୁ ମଧ୍ଯ ବାହାରେ ପାଠ ପଢାଇବା ପାଇଁ ପରିବାର କୁ ଭେଟିବା ପରେ ସେମାନେ ରାଜି ହେଲେ ବ୍ୟବସ୍ଥା କରାଯିବ ବୋଲି କହିଥିଲେ।