08-Mar-2023

ବିନିକା(ହିମାଂଶୁ ଶେଖର ପୁଟେଲ)ସମ୍ବଲପୁର ବିଶ୍ଵ ବିଦ୍ୟାଳୟ ଆନୁକୁଲ୍ୟରେ ବିନିକା ସିଦ୍ଧାର୍ଥ ଡିଗ୍ରୀ କଲେଜ ଠାରେ ଚାଲିଥିବା ୩ଦିନିଆ ଏନଏସଏସ ନେତୃତ୍ଵ ବିକାଶ ତାଲିମ ଶିବିର ମଙ୍ଗଳବାର ଉଦଯାପିତ ହୋଇଯାଇଛି ।ଉଦଯାପନୀ ସମାରୋହରେ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ ମୁଖ୍ୟଅତିଥି ଭାବେ ଯୋଗଦେଇ ଶିବିରରେ ଦିଆଯାଇଥିବା ସମସ୍ତ ଶିକ୍ଷାକୁ ଉପସ୍ଥିତ ସ୍ବେଚ୍ଛାସେବୀ ମାନେ ଅନୁକରଣ କରି ତାକୁ ଠିକ ଭାବରେ ସମ୍ପାଦିତ କରିପାରିଲେ  ସୁସ୍ଥ ସମାଜ ଗଠନ ହୋଇପାରିବ ବୋଲି ଆହ୍ୱାନ ଦେଇଥିଲେ ।ଏଥିରେ ସମ୍ମାନିତ ଅତିଥି ଭାବେ ଡିପିଓ ଏନଏସଏସ ସୁବର୍ଣ୍ଣପୁର ଡ଼ ମନୋରଞ୍ଜନ ଘଡେଇ,ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ସିଦ୍ଧାର୍ଥ ଡିଗ୍ରୀ କଲେଜ ଇତିହାସ ବିଭାଗ ମୁଖ୍ୟ ଗୋପାଳକୃଷ୍ଣ ଦାଶ ଯୋଗଦେଇ ସ୍ବେଚ୍ଛାସେବୀ ମାନଙ୍କୁ ଉତ୍ସାହିତ କରିଥିଲେ ।କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ଉଦଯାପନୀ ସମାରୋହରେ ସଭାପତିତ୍ବ କରି ତାଲିମ କାର୍ଯ୍ୟକ୍ରମର ମହତ ଉଦ୍ଦେଶ୍ୟ ଏବଂ ତାର ସଫଳତା ଉପରେ ସୂଚନା ଦେଇଥିଲେ ।ପ୍ରାରମ୍ଭରେ ଷ୍ଟୁଡେଣ୍ଟସ ୟୁନିୟନ ଏଡଭାଇଜର,ୟୁଦ ରେଡକ୍ରସ କାଉନସିଲର ତଥା ଅର୍ଥନୀତି ଅଧ୍ୟାପକ ବିଶ୍ଵନାଥ ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ ଅଧ୍ୟାପିକା ଜାନକୀ ସାମନୀ ଓ ଭାରତୀ ବାବୁଙ୍କ ନେତୃତ୍ଵରେ ଛାତ୍ରୀମାନେ ଆବାହନୀ ଓ ଉଦଯାପନୀ ସଙ୍ଗୀତ ଗାନ କରିଥିଲେ ।ଶେଷରେ କାର୍ଯ୍ୟକ୍ରମର ପ୍ରୋଗ୍ରାମ ଅଧିକାରୀ ତଥା ସଂସ୍କୃତ ଅଧ୍ୟାପକ ହରିଶ୍ଚନ୍ଦ୍ର ହୋତା ଧନ୍ୟବାଦ ଅର୍ପଣ କରିଥିଲେ । ପରେ ଆସିଥିବା ସ୍ବେଚ୍ଛାସେବୀ ଓ କଲେଜ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିବା ବେଳେ  ଓ ରିସୋର୍ସ ପର୍ସନ ଉଦ୍ଧବ ପ୍ରଧାନଙ୍କ ବିଭିନ୍ନ ପ୍ରକାରର ଚମତ୍କାର ଯାଦୁ ସମସ୍ତଙ୍କୁ ବେଶ ମୋହିତ କରିଥିଲା ।ଏହି ଅବସରରେ ପ୍ରତିଦିନ ପ୍ରାତଃ ସକାଳୁ ସ୍ୱାସ୍ଥ୍ୟର ହିତ ପାଇଁ ଯୋଗଦେଇଥିବା ୧୦ଟି କଲେଜର ସ୍ବେଚ୍ଛାସେବୀ ମାନଙ୍କୁ  ଖେଳଶିକ୍ଷକ ନାରାୟଣ ଚୌଧୁରୀ ଓ ଯୋଗଗୁରୁ ବାଳମୁକୁନ୍ଦ ବିଭିନ୍ନ ପ୍ରକାରର ବ୍ୟାୟାମ ଉପରେ ତାଲିମ ପ୍ରଦାନ କରିଥିଲେ ।ଅନୁଷ୍ଟିତ ଏହି ତାଲିମ ଶିବିର ପରିଚାଳନାରେ କଲେଜର ସମସ୍ତ ଅଧ୍ୟାପକ/ଅଧ୍ୟାପିକା ଓ କର୍ମଚାରୀ ସହଯୋଗ କରିଥିଲେ ।