07-Mar-2023

ସୁବର୍ଣ୍ଣପୁର / ପ୍ରବାଦ ପୁରୁଷ ବିଜୟାନନ୍ଦ ପଟ୍ଟନାୟକଙ୍କ ୧୦୭ ତମ ଜନ୍ମଜୟନ୍ତୀ ଅବସରରେ ମାର୍ଚ୍ଚ ୫ ତାରିଖ  ରାଜ୍ୟସ୍ତରୀୟ  ପଞ୍ଚାୟତିରାଜ ଓ ଲୋକ ସେବା ଦିବସ ଉତ୍ସବରେ ନିମ୍ନଲିଖିତ ବିଜୁ ପଟ୍ଟନାୟକ ପଞ୍ଚାୟତ ସଶକ୍ତିକରଣ ପୁରସ୍କାର ମାନ୍ୟବର ପଞ୍ଚାୟତିରାଜ ଏବଂ ପାନୀୟ ଜଳ ଯୋଗାଣ ମନ୍ତ୍ରୀ ପ୍ରଦୀପ କୁମାର ଅମାତଙ୍କ ଶୁଭ କରକମଳରେ ପ୍ରଦାନ କରାଗଲା।
ଜିଲ୍ଲା ପଞ୍ଚାୟତ ସୁବର୍ଣ୍ଣପୁର ରାଜ୍ୟସ୍ତରରେ ସମସ୍ତ ୯ ଟି ଥିମ (ଏସ. ଡି.ଜି) ବର୍ଗରେ  ଦ୍ଵିତୀୟ ସ୍ଥାନ ଅଧିକାର କରି ୪୦ ଲକ୍ଷ ଟଙ୍କା ପୁରସ୍କାର ରାଶି ହାସଲ କଲେ।
ଡୁଙ୍ଗୁରିପାଲି ପଞ୍ଚାୟତ ସମିତିର ସୁଖା ଗ୍ରାମ ପଞ୍ଚାୟତ ସମସ୍ତ ୯ ଟି ଥିମ୍ ରେ (ଏସ.ଡି.ଜି) ରାଜ୍ୟସ୍ତରରେ ତୃତୀୟ ସ୍ଥାନ ହାସଲ କରି ୧୦ ଲକ୍ଷ ଟଙ୍କା ପୁରସ୍କାର ରାଶି ପ୍ରାପ୍ତ ହେଲେ।
ଉଲୁଣ୍ଡା ପଞ୍ଚାୟତ ସମିତିର ଉଲୁଣ୍ଡା ଗ୍ରାମ ପଞ୍ଚାୟତ woman friendly panchayat ବର୍ଗରେ ରାଜ୍ୟସ୍ତରରେ ପ୍ରଥମ ସ୍ଥାନ ଅଧିକାର କରି ୫ ଲକ୍ଷ ଟଙ୍କା ପୁରସ୍କାର ରାଶି ପ୍ରାପ୍ତ ହେଲେ।
ବିନିକା ପଞ୍ଚାୟତ ସମିତିର ସିଲାଟି ଗ୍ରାମ ପଞ୍ଚାୟତ self sufficient infrastructure gram panchayat ବର୍ଗ ରେ ରାଜ୍ୟସ୍ତରରେ ତୃତୀୟ ସ୍ଥାନ ଅଧିକାର କରି ୩ ଲକ୍ଷ ଟଙ୍କା ପୁରସ୍କାର ରାଶି ପ୍ରାପ୍ତ ହେଲେ ।
ଜିଲ୍ଲା ର ସମସ୍ତ ଜନସାଧାରଣ , ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥା ର ସମସ୍ତ ଜନପ୍ରତିନିଧି, ସମସ୍ତ ବିଭାଗୀୟ ଅଧିକାରୀ ଙ୍କ ଉଦ୍ୟମ, ସହଯୋଗ ଯୋଗୁଁ ସୁବର୍ଣ୍ଣପୁର ଜିଲ୍ଲା ରାଜ୍ୟସ୍ତର ରେ ସମ୍ମାନିତ ହେବା ଜିଲ୍ଲା ପାଇଁ ଏକ ଐତିହାସିକ ଘଟଣା ଏବଂ ଗର୍ବ ଏବଂ ଗୌରବର ବିଷୟ ବୋଲି ଜିଲ୍ଲାପାଳ ଶ୍ରୀମତୀ ଅବୋଲି ସୁନିଲ ନର୍ବନେ ପ୍ରକାଶ କରିଛନ୍ତି।
ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ  ଓ କାର୍ଯ୍ୟ ନିର୍ବାହୀ ଅଧିକାରୀ ନିହାର ରଞ୍ଜନ କହଁର , ଓ.ପ୍ର.ସେ (ବରିଷ୍ଠ) ସମସ୍ତ ବି ଡି ଓ ସମସ୍ତ ସରକାରୀ ଅଧିକାରୀ, ଜନ ପ୍ରତିନିଧି ଓ ଜନ ସାଧାରଣଙ୍କୁ କୃତଜ୍ଞତା ପ୍ରକାଶ କରିଛନ୍ତି।