07-Mar-2023

ବଲାଙ୍ଗିର,  (ପ୍ରେରଣା ଖବର) ବଲାଙ୍ଗିର ଜିଲ୍ଲା ସ୍ତରୀୟ ତ୍ରିବସୀୟ ଜୁନିୟର ରେଡକ୍ରସ ପ୍ରଶିକ୍ଷଣ ଓ ତାଲିମ ଶିବିର ସଇଁନ୍ତଲା ବ୍ଲକ ଅନ୍ତର୍ଗତ ବେଲଗାଁ ସ୍ଥିତ ସରକାରୀ ବିଜୟାନନ୍ଦ ହାଇସ୍କୁଲ ଠାରେ ଉଦ୍‌ଘାଟିତ ହୋଇଯାଇଛି । ଜିଲ୍ଲା ଶିକ୍ଷା ଅଧିକାରୀ ଧୃବଚରଣ ବେହେରାଙ୍କ ଅଧ୍ୟକ୍ଷତା କାର୍ଯ୍ୟକ୍ରମରେ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ମୁଖ୍ୟ ଅତିଥି ଭାବରେ ଯୋଗ ଦେଇ ବିଦ୍ୟାଳୟ ପରିସରରେ ବିଜୁ ବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ, ରେଡକ୍ରସ ପତାକା ଉତ୍ତୋଳନ, ସଂକଳ୍ପ ପଠନ ସହ ଶିବିରକୁ ଉଦ୍‌ଘାଟନ କରିଥିଲେ ।  ରେଡକ୍ରସ ସ୍ୱାସ୍ଥ୍ୟ, ସେବା, ବନ୍ଧୁତାକୁ ଧ୍ୟେୟ କରି ଗୌରବ ଅର୍ଜନ କରିଛି ।  ଦୁର୍ଘଟଣା, ଦୁର୍ବିପାକ, ତଥା ଆବଶ୍ୟକୀୟ ସମୟରେ ରେଡକ୍ରସ ପ୍ରମୁଖ ଭୂମିକା ତୁଲାଇ ଆସିଛି । ମାଧ୍ୟମିକ ବିଦ୍ୟାଳୟ ସ୍ତରରେ ଜୁନିୟର ରେଡକ୍ରସ ସାମିଲ ହୋଇ ଛାତ୍ରଛାତ୍ରୀ, ସେବାବ୍ରତୀ ହୋଇ ନିଜ ତଥା ବିଶ୍ୱକୁ ଆଲୋକ ଦେଖାଇଛନ୍ତି ବୋଲି ଜିଲ୍ଲାପାଳ ଶ୍ରୀରାଣା ମତବ୍ୟକ୍ତ କରିଥିଲେ । ଅନ୍ୟ ଅତିଥି ଭାବରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ କେଶବ ମେହେର, ଜିଲ୍ଲା ଜୁନିୟର ରେଡକ୍ରସ ଅଫିସର ସୁବାଷ ଚନ୍ଦ୍ର ପଟେଲ, ମୁରିବାହାଲ ବ୍ଲକ ଶିକ୍ଷା ଅଧିକାରୀ ପ୍ରବୀର ପଣ୍ଡା, ସଇଁନ୍ତଲା ବ୍ଲକ ଶିକ୍ଷା ଅଧିକାରୀ ଗୋବର୍ଦ୍ଧନ ଭୋଇ, ଜୁନିୟର ରେଡକ୍ରସ ସମ୍ପାଦକ ଅନ୍ତର୍ଯ୍ୟାମୀ ବିଶ୍ୱାଳ ପ୍ରମୁଖ ଯୋଗ ଦେଇଥିଲେ । ବିଜୟାନନ୍ଦ ହାଇସ୍କୁଲର ପ୍ରଧାନ ଶିକ୍ଷକ ନାରାୟଣ ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ ଛତାମଖନା ହାଇସ୍କୁଲର ପ୍ରଧାନଶିକ୍ଷକ ନିଳମଣୀ ପଟେଲ ଧନ୍ୟବାଦ ଅର୍ପଣ କରିଥିଲେ । ଶିବିରରେ ୧୪ଟି ବ୍ଲକରୁ ମୋଟ ୭୨୧ ଜଣ ଜୁନିୟର ଓ କାଉନ୍ସେଲର ଯୋଗ ଦେଇଥିଲେ । କାର୍ଯ୍ୟକ୍ରମରେ ପର୍ଯ୍ୟବେକ୍ଷକ ଦିଗାମ୍ବର ନାଏକ, ସାଧନକର୍ମୀ ରାମ ନାରାୟଣ ଦାଶ, ପ୍ରଭାକର ଛନ୍ଦ, ଘନଶ୍ୟାମ ମେହେର, ରବିନ୍ଦ୍ର ଠେଟୁଆଲ, ଚିତ୍ତ ରଞ୍ଜନ ପଣ୍ଡା, ହେମନ୍ତ ପଧାନ, ଡେଙ୍ଗ ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ର, କେରମେଳି ବିଦ୍ୟାଳୟର ପ୍ରଧାନଶିକ୍ଷକ ସରୋଜ ମିଶ୍ର, ଶିଶକେଲା ବିଦ୍ୟାଳୟର ପ୍ରଧାନଶିକ୍ଷକ ମନୋଜ ବେହେରା, ଏସଏସଡ଼ି ର ପ୍ରଧାନଶିକ୍ଷୟତ୍ରୀ  ନିବେଦିତା ହୋତା,  ଘୁନସର ହାଇସ୍କୁଲର ପ୍ରଧାନଶିକ୍ଷକ ଅଭିମନ୍ୟୁ ସାହୁ, କେଉମାଲ ହାଇସ୍କୁଲର ପ୍ରଧାନଶିକ୍ଷକ ଜୟଶ୍ରୀ ସାହୁ,ଶିକ୍ଷକ ସୁରେଶ ଚନ୍ଦ୍ର ମିଶ୍ର, ଅବସର ପ୍ରାପ୍ତ ଶିକ୍ଷକ ନଗେନ୍ଦ୍ର ପ୍ରସାଦ ବସ୍ତିଆ, ବ୍ଲକ ସଂଯୋଜକ ହେମନ୍ତ ବେମାଲ, ରଞ୍ଜିତା ମିଶ୍ର ,ଦୀପକ ସେନ ଧରୁଆ ତଥା ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ । ଜୁନିୟର ରେଡକ୍ରସର ସମ୍ପାଦକ ଅନ୍ତର୍ଯ୍ୟାମୀ ବିଶ୍ୱାଳ ପ୍ରାରମ୍ଭରେ ବିବରଣୀ ପାଠ କରିଥିବା ବେଳେ ଜୁନିୟର ରେଡକ୍ରସ  ସାଧନକର୍ମୀ ବିକାଶ ରଞ୍ଜନ ସାହୁ କାର୍ଯ୍ୟକ୍ରମକୁ ପରିଚାଳନା କରିଥିଲେ ।