24-Feb-2023

ଲୋଇସିଂହା(ବିନୋଦ ଦୀପ):ସ୍ଥାନୀୟ ବାବା ମଠ ଠାରେ ସଭାପତି ମାଧବୀ ବେହେରାଙ୍କ ନେତୃତ୍ୱରେ ନିଖିଳ ଓଡିଶା ଆଶା କର୍ମୀ ସଂଘ, ଲୋଇସିଂହା ବ୍ଲକ କମିଟୀର ବୈଠକ ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ଲୋଇସିଂହା ବ୍ଲକ କମିଟୀର ସମସ୍ତ ଆଶା କର୍ମୀଙ୍କୁ  ଆସନ୍ତା ତା ୨୭/୦୨ /୨୦୨୩ ଦିନ ଜିଲ୍ଲା କମିଟୀର ଆହ୍ୱାନ କ୍ରମେ ବଲାଙ୍ଗୀର ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ବିରାଟ ରାଲି ଓ ବିକ୍ଷୋଭ ସଭାରେ  ଯୋଗ ଦେବା ପାଇଁ ଆହ୍ୱାନ ଦେଇଥିଲେ l ବଲାଙ୍ଗିର ଜିଲ୍ଲା ସଂଘ କମିଟୀର ସଭାପତି ତଥା ଜିଲ୍ଲା ଏ ଆଇ ଟି ୟୁ ସି ର କାର୍ଯ୍ୟକାରୀ ସଭାପତି ସାଥୀ ତୀର୍ଥ ପଧାନ ମୁଖ୍ୟ ଅତିଥି ଭାବେ ଯୋଗ ଦେଇ ଉଭୟ ରାଜ୍ୟ ସରକାର ଓ କେନ୍ଦ୍ର ସରକାର ଆଶା କର୍ମୀମାନଙ୍କୁ ଶ୍ରମିକର ମାନ୍ୟତା ପ୍ରଦାନ କରିବାରେ ବୈମାତୃକ ଭେଦ ଭାବ ରଖି ବିଳମ୍ବ କରୁଥିବାରୁ ସଭାରେ ଦୃଢ ନିନ୍ଦା କରିଥିଲେ l ଉଭୟ ସରକାର ଯଦି ଆଶା କର୍ମୀ ମାନଙ୍କ ସର୍ବନିମ୍ନ ଦାବୀ ଯଥା ଶ୍ରମିକର ମାନ୍ୟତା, ସର୍ବନିମ୍ନ ମଜୁରୀ ମାସକୁ ୨୬୦୦ ଟଙ୍କା ପ୍ରଦାନ କରିବା, କାମରୁ ଅବ୍ୟାହୁତି ନେଲାପରେ ସାମାଜିକ ସୁରକ୍ଷାରେ ଅନ୍ତର୍ଭୁକ୍ତ କରାଯାଇ ପ୍ରତି ମାସ ଭତ୍ତା ୧୦,୦୦୦ ଟଂକା ପ୍ରଦାନ 

କରିବା , ବୟସ ସୀମା  ୬୫ ବର୍ଷ କୁ ବୃଦ୍ଧି କରିବା ଇତ୍ୟାଦି ଦାବୀ ନେଇ ଆସନ୍ତା ତା ୨୭.୦୨.୨୦୨୩ ଦିନ ବଲାଙ୍ଗିର ଜିଲ୍ଲପାଳ କାର୍ଯ୍ୟାଳୟ ଘେରାଉ କରିବା ପାଇଁ ସମସ୍ତ ଆଶା କର୍ମୀଙ୍କୁ ଆହ୍ୱାନ ଦେଇଥିଲେ l

  ଜିଲ୍ଲା ସଂଘ ସମ୍ପାଦିକା ଓମୀ ଗୁପ୍ତା ଜିଲ୍ଲା, ରାଜ୍ୟ ଓ ଜାତୀୟ ସ୍ଥରରେ ଉଭୟ ସରକାରଙ୍କ ଠାରେ ନିଜର ସର୍ବନିମ୍ନ ହକ ପାଇବାକୁ ହେଲେ ଲଢେଇ କରିବା ପାଇଁ ସମସ୍ତ ଆଶା କର୍ମୀଙ୍କୁ ଆହ୍ୱାନ ଦେଇଥିଲେ l ଜିଲ୍ଲା ଉପଦେଷ୍ଟା ସାଥୀ ସାଇବୁ ନନ୍ଦ ଓଡିଶା ସରକାରଙ୍କ ଠାରେ ଅନିଦିଷ୍ଟ ସମୟ ପର୍ଯ୍ୟନ୍ତ ଆଶା କର୍ମୀଙ୍କୁ ଧାରଣା ଦେବାକୁ ପଡିବ ବୋଲି ନିଜର ମତ ରଖି ସମସ୍ତ ଆଶାକର୍ମୀଙ୍କୁ ରାଲିରେ ଯୋଗ ଦେବାକୁ ଆହ୍ୱାନ ଦେଇଥିଲେ l ସହ ସମ୍ପାଦିକା ସାଥୀ ମୁକ୍ତା ଉଦୁରକୁଲିଆ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ l

କରିଥିଲେ l