23-Feb-2023

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)ସୁବର୍ଣ୍ଣପୁର ପୌର ପରିଷଦ ର ଠିକା ସଫେଇ କର୍ମଚାରୀଙ୍କ  ପକ୍ଷରୁ  ଦିଆ ଯାଇଥିବା ସୋନପୁର ବନ୍ଦ ଡାକରା ପୋଲିସ ପ୍ରଶାସନ  ସ୍ଥାନୀୟ ଆନ୍ଦୋଳନକାରୀଙ୍କୁ ରାସ୍ତାରୁ ହଟାଇବା ଓ ଗିରଫ କରିବା ସତ୍ୱେ ମଧ୍ୟ ଆଜି ବନ୍ଦକୁ ପ୍ରାୟତଃ ସଫଳ କରିଛନ୍ତି l ସହର ର ଅଳ୍ପ କିଛି  ଦୋକାନ ବଜାର, ବାହାଘରିଆ ଗାଡି ମୋଟର ଓ  ସ୍କୁଲ ମାନଙ୍କର ୧୦ କ୍ଲାସ ପରୀକ୍ଷା, ଓ ସରକାରୀ ଅଫିସ ବ୍ୟତୀତ ବାକି ସବୁ ସ୍କୁଲ କଲେଜ, ଦୋକାନ ବଜାର, ବସ, ଚଳାଚଳ ବନ୍ଦ ରହିଥିଲା l ବସ ବନ୍ଦ ଯୋଗୁଁ ତେଲ ନଦୀ, ମହାନଦୀ ଓ ବାଲାଙ୍ଗୀର ରାସ୍ତାରେ ଶହ ଶହ

ଯାତ୍ରୀ  ଚାଲି ଚାଲି ହନ୍ତ ସନ୍ତ ହେବାକୁ ପଡିଛି l ପୋଲିସସଫେଇ କର୍ମଚାରୀଙ୍କୁ ଗିରଫ କରିବା ପରେ ଜ଼ିଲ୍ଲା ର ସମସ୍ତ ଅଞ୍ଚଳ ଓ ବାହାର ଜ଼ିଲ୍ଲା ର ବିଭିନ୍ନ ସଂଗଠନ ଏ କର୍ମଚାରୀ ଙ୍କ ସପକ୍ଷ ରେ  ଆସି  ପୌର ପରିଷଦ ଆଗରେ ରାସ୍ତା ରୋ୍କ କରି  ସନ୍ଧ୍ୟା ଯାଏ  ନିଜ ଦାବୀ ହାସଲ ପାଇଁ ବିକ୍ଷୋଭ କରିଥିଲେ l ଯା ଫଳରେ କି କିଛି ସାମାନ୍ୟ ଉତ୍ତେଜନା ସୃଷ୍ଟି ହୋଇଥିଲା l  ପୋଲିସ  ଓ ପୌର ପ୍ରଶାସନ ବିରୁଦ୍ଧରେ ଏ କର୍ମଚାରୀ ମାନେ ବିଭିନ୍ନ ନାରା ଦେଇଥିଲେ l  ଆଇନ ଶୃଙ୍ଖଳା ପରିସ୍ଥିତି କୁ ନିୟନ୍ତ୍ରଣ କରିବାକୁ  ଜ଼ିଲ୍ଲାର

ସମସ୍ତ ଥାନା ଅଞ୍ଚଳରୁ ପୋଲିସ ଅଫିସର ମାନେ ପହଞ୍ଚି ଥିଲେ l ଠିକା କମ୍ପାନୀର ଟେଣ୍ଡର ବାତିଲ ପରେ ନୁଆଁ ଟେଣ୍ଡର ରେ  ନିଯୁକ୍ତି ବେଳେ ଲାଞ୍ଚ କାରବାର ନ କରିବା,୧୪ ବର୍ଷ ରୁ ଉର୍ଧ୍ଵ ବର୍ଷ କାର୍ଯ୍ୟ କରିଥିବା ସମସ୍ତ କର୍ମଚାରୀଙ୍କ ସହିତ ଛଟେଇ କର୍ମଚାରୀ ଙ୍କୁ ମଧ୍ୟ ନିଯୁକ୍ତି ଦେବା,   ଇ ପି ଏଫ ଟଙ୍କା ପ୍ରଦାନ କରିବା, ଏବଂ  ବିଭାଗୀୟ ଅଫିସର ଙ୍କ ପାଖ ରୁ ଦୁର୍ବ୍ୟବହାର ଓ ନିର୍ଯାତନା  ଶିକାର ହୋଇଥିବା ଘଟଣା ର ପ୍ରକୃତ ନ୍ୟାୟ ପାଇବା  ଆଜି ବନ୍ଦ ଡାକରାର  ମୂଳ ଲକ୍ଷ୍ୟ ଥିଲl l ପୌର ପ୍ରଶାସନ  ଓ ଜ଼ିଲ୍ଲା ପ୍ରଶାସନ  ଏ ସମସ୍ୟା ର ସମାଧାନ ନ କରିବା ଯୋଗୁଁ  ଏ ପଟେ ସହର ର ପରିମଳ ବ୍ୟବସ୍ଥା  ଦିନକୁ ଦିନ ବିପର୍ଯ୍ୟସ୍ଥ ହେବାରେ ଲାଗିଛି l ବାହାର ପର୍ୟ୍ୟଟକ ମାନେ  ସହରବାସୀଙ୍କୁ ପରିହାସ କରୁଛନ୍ତି l ଶାରୀରିକ, ମାନସିକ ଓ ଅର୍ଥ ନୈତିକ ଚାପ ରେ  ଥିବା  ସଫେଇ କର୍ମଚାରୀଙ୍କ ଏହି ଶହ ଶହ ପରିବାର ର ସମସ୍ୟା ଓ ପେଟ ପାଟଣା ପ୍ରତି  ଜ଼ିଲ୍ଲାପାଳ ଓ ସ୍ଥାନୀୟ ଜନ ପ୍ରତିନିଧି ହସ୍ତକ୍ଷେପ କରିବାକୁ  ବୁଦ୍ଧିଜୀବୀ ଦାବୀ କରିଛନ୍ତି l