22-Feb-2023

ଗୁଡ଼ଭେଲା(ପଞ୍ଚାନନ ନାଏକ) ଗୁଡ଼ଭେଲା ଗ୍ରାମପଞ୍ଚାୟତର ସମିତିସଭ୍ଯା ପ୍ରମିଳା ରଣାଙ୍କ ସ୍ବାମୀ ସୁନାଧର ରଣାଙ୍କୁ ବେଆଇନ ମଦ ରଖିଥିବା ଅଭିଯୋଗରେ ବୁଧବାର ତୁଷୁରା ଅବକାରୀ ବିଭାଗ ପକ୍ଷରୁ ଗିରଫ କରାଯାଇ ବଲାଙ୍ଗୀର କୋର୍ଟ ଚାଲାଣ କରାଯାଇଛି।  ଜାମିନ ନାମଞ୍ଜୁର ହେବାରୁ ବିଭାଗୀୟ ହାଜତକୁ ପଠାଇଦିଆ ଯାଇଥିବା ଅବକାରୀ ଅଧିକାରୀ ବୀଣା ସୁନା ପ୍ରକାଶ କରନ୍ତି। ପ୍ରାପ୍ତ ସୂଚନା ଅନୁଯାଇ ବିଶେଷ ସୂତ୍ରରୁ ଖବର ପାଇ ଜିଲା ଅବକାରୀ ଅଧିକ୍ଷକ ସୀତାକାନ୍ତ ମୁଦୁଲିଙ୍କ ନିର୍ଦ୍ଦେଶ କ୍ରମେ ତୁଷୁରା ଅବକାରୀ ବିଭାଗ ପକ୍ଷରୁ  ଗୁଡ଼ଭେଲା ଗ୍ରାମର ସୁନାଧରଙ୍କ ଘରରେ ଚଢାଉ କରାଯାଇଥିଲା। ତାଙ୍କ ଠାରୁ ୨୨ଲିଟର ବେଆଇନ ଦେଶୀ ମଦ ଜବତ ହେଇଥିଲା। ଏହା ପରେ ଅବକାରୀ ବିଭାଗ ପକ୍ଷରୁ ଏକ ମାମଳା ରୁଜୁ କରାଯାଇ ଅଭିଯୁକ୍ତଙ୍କୁ ଗିରଫ କରାଯାଇଥିଲା। ଏହି ଚଢାଉ ରେ ଏଏସଆଇ ଅଲେଖ ପୁଟେଲ, କନେଷ୍ଟବଳ ଆର୍ତ୍ତତ୍ରାଣ ବହିଦାର, ବିଭୂତି ଭୂଷଣ ଭୋଇ, ଭୋଜରାଜ ବଢେଇ  ଆଦି ସାମିଳ ଥିଲେ।