22-Feb-2023

ସୁବର୍ଣ୍ଣପୁର( ମନୋରଞ୍ଜନ ତ୍ରିପାଠୀ) ବିନିକା ବ୍ଲକର ସେଲେଡି ଠାରେ ଅବସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣ।ଙ୍ଗ ଶିକ୍ଷାକେନ୍ଦ୍ର ର ୧୨ତମ  ବାର୍ଷିକ ଉତ୍ସବ ଓ ଶ୍ରୀମା ଙ୍କର ଜୟନ୍ତୀ ପାଳନ ହୋଇଯାଇଛି। ମେନେଜିଂ ଟ୍ରଷ୍ଟି ଶାସ୍ୱତ କୁମାର ତ୍ରିପାଠୀ ଙ୍କ ସଭାପତିତ୍ୱ ରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଜିଲ୍ଲା ଉନ୍ନୟନ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ ନିହାର ରଞ୍ଜନ କହଁର ଓ ଅନ୍ୟତମ ଅତିଥି ଭାବରେ ସହ ଜିଲ୍ଲାପାଳ ଅଭିଳାଷ ପୁରୋହିତ, ବିନିକା ବିଡ଼ିଓ ଡ଼ .ବ୍ୟାସଦେବ ବେହେରା, ଶିକ୍ଷାକେନ୍ଦ୍ର ର ପ୍ରତିଷ୍ଠାତା ଲମ୍ବୋଦର ତ୍ରିପାଠୀ, ଶ୍ରୀ ଅରବିନ୍ଦ ପାଠଚକ୍ର ଜିଲ୍ଲା ସଂଗଠକ ଲଳିତ ମୋହନ ପୂଜାରୀ ଓ ମୁଖ୍ୟବକ୍ତା ଭାବରେ ବରୀଷ୍ଠ ଆଇନଜୀବୀ ଆନନ୍ଦ ହୋତା ଯୋଗଦେଇ ସାଂପ୍ରତିକ ପରିସ୍ଥିତି ରେ ଛାତ୍ର ସମାଜ ଚରିତ୍ର ଗତ ସୁଧାରଆଣି ଶିକ୍ଷା ଗ୍ରହଣକରି ନିଜକୁ ଏକ ସଫଳ ବ୍ୟକ୍ତିତ୍ୱର ଆଧାର ଭାବରେ  ଗଢ଼ି ତୋଳିବା ପାଇଁ ଶ୍ରୀମା ଙ୍କର ଯେଉଁ ଅମୂଲ୍ୟବାଣୀ ରହିଛି ତାହାଙ୍କୁ ଅଧ୍ୟୟନ କରି ଅନୁକରଣ କଲେହିଁ ଉପଯୁକ୍ତ ଚରିତ୍ର ବାନ ଛାତ୍ରଛାତ୍ରୀ ଆଗାମୀ ଦିନରେ ସମାଜର ଅବହେଳିତ ନିଷ୍ପେସିତ ବର୍ଗ ଙ୍କର କାମରେ ଆସିପାରିବେ ବୋଲି ମତବ୍ୟକ୍ତ କରିଥିଲେ। ଶିକ୍ଷାକେନ୍ଦ୍ର ର ଅଧ୍ୟକ୍ଷ ସନ୍ତୋଷ କୁମାର ସାଲମା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ସଭାପତି ମଧୁମିତା ପରମଗୁରୁ ଧନ୍ୟବାଦ ପ୍ରଦାନ କରିଥିଲେ। ପରେ ଶିକ୍ଷାକେନ୍ଦ୍ର ର  ବିଭିନ୍ନ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ଙ୍କୁ ପୁରସ୍କୃତ କରିଥିଲେ। ଚଳିତ ବର୍ଷର ଶ୍ରେଷ୍ଠ ଛାତ୍ର ଭାବରେ ଅଙ୍କିତ କର୍ଣ୍ଣ ଙ୍କୁ ବେଦପାଠ ଉପରେ ପାରଦର୍ଶୀତା ପାଇଁ ଚତୁର୍ଥ ଶ୍ରେଣୀ ଛାତ୍ରୀ ରିତାମ୍ବର ଦେବତା ଙ୍କୁ ଅତିଥି ଙ୍କ ଦ୍ୱାରା ପୁରସ୍କୃତ କରାଯାଇଥିଲା। ଶେଷରେ ସପ୍ତମ ଓ ଅଷ୍ଟମ ଛାତ୍ରଛାତ୍ରୀ ଙ୍କ ଦ୍ୱାରା ଶ୍ରୀମା ଙ୍କ  ଜନ୍ମ ଉପରେ ଆଧାରିତ ଏକ ନାଟକ  ଅନୁଷ୍ଠିତ ହୋଇଥିଲା ପରେ  ଶିକ୍ଷାକେନ୍ଦ୍ର ର ଛାତ୍ରଛାତ୍ରୀ ଙ୍କ ଦ୍ୱାରା ବିଭିନ୍ନ ରଙ୍ଗାରଙ୍ଗ ନାଚଗୀତ ପରିବେଷଣ ହୋଇଥିଲା।