08-Feb-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ)
ବଲାଙ୍ଗିର ଜିଲ୍ଲାର ଚତୁର୍ଥ ନମ୍ବର ମହାବିଦ୍ୟାଳୟ ହେଉଛି ବେଲପଡା ପଞ୍ଚାୟତ ସମିତି ମହାବିଦ୍ୟାଳୟରେ ଆଜି ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଉତ୍ସବ ରେ‌ ପାଟଣାଗଡ଼ ବିଧାୟକ ତଥା ଓଡ଼ିଶା ସରକାର ଙ୍କ ଉପମୁଖ୍ୟ ସଚେତକ ଶ୍ରୀ ଯୁକ୍ତ ସରୋଜ କୁମାର ମେହେର ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ସମ୍ମାନିତ ଅତିଥି ଭାବେ ଆସ୍ଥା ପଲ୍ଳିକ ସ୍କୁଲ ର ଚ୍ୟାରମେନ ଶ୍ରୀ ଯୁକ୍ତ ଶଙ୍କର ପ୍ରସାଦ ଜୈନ , କେ,ଭି କଲେଜର ଅଧ୍ୟାପକ ସତ୍ୟବ୍ରତ ମିଶ୍ର ଯୋଗଦାନ କରିଥିଲେ।ବେଲପଡା କଲେଜ ଅଧ୍ୟକ୍ଷ ନବୀନ କୁମାର ମେହେର, ଯୁକ୍ତ ଦୁଇ ସାଂସ୍କୃତିକ ସଭାପତି ମନୋଜ କୁମାର ମହାଖୁଡ, କଲେଜ ଅଧ୍ୟାପକ ସୁଦାମ ଚରଣ ମହାପାତ୍ର ମଞ୍ଚାସୀନ ଥିଲେ। ସମସ୍ତ ଅତିଥି ମାନଙ୍କୁ କଲେଜର ଛାତ୍ରୀ ମାନେ ଫୁଲତୋଡ଼ା ଦେଇ ସ୍ୱାଗତ କରିଥିଲେ। ଉକ୍ତ କାର୍ଯ୍ୟକ୍ରମରେ ଅଧ୍ୟାପକ ସୁରେଶ ମେହେର ସଭା ପରିଚାଳନା କରିଥିବା ଜଣାପଡିଛି। ପ୍ରଥମେ ସମସ୍ତ ଅତିଥି ମାନଙ୍କ ଦ୍ଵାରା ଦୀପ ପ୍ରଜ୍ବଳନ କରାଯାଇଥିଲା ତାବାଦ ସମସ୍ତ ଅତିଥି ନିଜ ନିଜର ସମ୍ଭାଷଣ ପ୍ରକାଶ କରିଥିଲେ। ମୁଖ୍ୟ ଅତିଥି ଙ୍କ କରକମଳରେ ବିଭିନ୍ନ ବିଭାଗ ର ଚମ୍ପିୟାନ ଛାତ୍ରଛାତ୍ରୀ ଙ୍କୁ ମାନପତ୍ର ଓ ଟ୍ରଫି ପ୍ରଦାନ କରାଯାଇଛି।ପରେ କଲେଜର ଛାତ୍ରଛାତ୍ରୀ ମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଏହି କାର୍ଯ୍ୟକ୍ରମ କୁ ଉପଭୋଗ କରିବା ପାଇଁ କଲେଜର ସମସ୍ତ ଛାତ୍ରଛାତ୍ରୀ  ଓ ଅଧ୍ୟାପକ ଅଧ୍ୟାପିକା ଉପସ୍ଥିତ ଥିଲେ। ସେଠାରେ ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ ( ବାପି), ଗଣେଶ ମେହେର, ରବିନ୍ଦ୍ର ମେହେର,ମୁନା ମେହେର, ବିଜୁ ଜନତା ଦଳର ବ୍ଳକ ସଭାପତି ଲକ୍ଷ୍ମଣ ମେହେର ଓ ବେଲପଡା ବ୍ଳକ ବିଜେଡି ନେତା ମାନେ ଉପସ୍ଥିତ ଥିଲେ।