08-Feb-2023

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )                                                                           
ଆଜାଦି କି ଅମୃତ ମହୋତ୍ସବ ଉପଲକ୍ଷେ ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟ ଦ୍ବାରା ଜାତୀୟ ସ୍ତରରେ ୟୁନିଟୀ ଇନ୍ କ୍ରିଏଟିଭିଟି କଣ୍ଟେଷ୍ଟ୍  ଆୟୋଜିତ ହୋଇଯାଇଛି । ଏଥିରେ କଳାହାଣ୍ଡି ଜିଲ୍ଲା ର ଶିକ୍ଷକ ଶିଶିର କୁମାର ପାଣିଗ୍ରାହୀ ଜାତୀୟ ସ୍ତରରେ ପୁରସ୍କୃତ ହୋଇଛନ୍ତି।ଯାହାକୁ ନେଇ ସାରାଜିଲ୍ଲା ରେ ଉତ୍ସାହ ଦେଖାଦେଉଛି।ପ୍ରତିଯୋଗିତାରେ ତିନୋଟି ବିଭାଗକୁ ନେଇ ପ୍ରତିଦ୍ବନ୍ଦିତା ହୋଇଥିଲା।ସେଥିମଧ୍ୟରୁ  ରଙ୍ଗୋଲି ,ଦେଶଭକ୍ତି  କବିତା,ଓ ଲୋରି କୁ ନେଇ ପ୍ରତିଯୋଗିତା ହୋଇଥିଲା ।ତେବେ ଶ୍ରୀ ପାଣିଗ୍ରାହୀ  ରାଜ୍ୟ ସ୍ତରରେ ପ୍ରଥମ ସ୍ଥାନ ନେଇ ଉତିର୍ଣ୍ଣ ହୋଇଥିବା ବେଳେ  ଜାତୀୟ ସ୍ତରରେ ୪ର୍ଥ ସ୍ଥାନ ଅଧିକାର କରିଛନ୍ତି।ସେ ବରଗଡ଼  ଜିଲ୍ଲାର ହୋଇଥିବା ବେଳେ ବର୍ତ୍ତମାନ ଧର୍ମଗଡ଼ ଗୋଷ୍ଠୀ ଶିକ୍ଷା ଅଧୀନ ପଲସପାଣି ପ୍ରାଥମିକ ବିଦ୍ୟାଳୟରେ ଶିକ୍ଷକ ଭାବେ କାର୍ଯ୍ୟରତ ରହିଛନ୍ତି । ଗତ  ୫ ରିଖ ଦିନ ସଂସ୍କୃତି ମନ୍ତ୍ରଣାଳୟ ପକ୍ଷରୁ  ନୂଆ ଦିଲ୍ଲୀର ନେହେରୁ ପାର୍କ , ଚାଣକ୍ୟ ପୁରୀ ଠାରେ ପୁରସ୍କାର ବିତରଣି ସମାରୋହ ରେ ଯୋଗ ଦେଇ ଭାରତ ସରକାର ଙ୍କ ସଂସଦୀୟ ବ୍ୟାପାର ଓ ସଂସ୍କୃତି ମନ୍ତ୍ରୀ ଅର୍ଜୁନ ରାମ ମେଘୱଲ୍ ଙ୍କ ଠାରୁ ପୁରସ୍କାର ଗ୍ରହଣ କରିଛନ୍ତି ।ଶିଶିର କୁମାର ପାଣିଗ୍ରାହୀ ଙ୍କ ଲୋରି କୁ ସଙ୍ଗୀତ ମନ୍ତ୍ରଣାଳୟ ତରଫରୁ ସଙ୍ଗୀତ ନାଟକ ଏକାଡେମୀ ର କଳାକାର ମାନଙ୍କ ଦ୍ଵାରା ପ୍ରସ୍ତୁତ ଏବଂ ରୂପାନ୍ତରିତ ହୋଇଥିଲା ।ଖବର ପ୍ରଚାରିତ ହେବା ପରେ ବିଭିନ୍ନ ମହଲରୁ ଶୁଭେଚ୍ଛା ଅଭିନନ୍ଦନ ସୁଅଛୁଟୁଛି।