07-Feb-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)  ପାଟଣାଗଡ ବ୍ଲକ୍ ଅନ୍ତର୍ଗତ ଖୁଟୁଣାପାଣି ସରକାରୀ ଉଚ୍ଚ ପ୍ରାଥମିକ ବିଦ୍ଯାଳୟ ଠାରେ ବାର୍ଷିକ ଉତ୍ସବ ପାଳିତ ହୋଇ ଯାଇଛି। ଏଥିରେ ମୁଖ୍ୟ ଅତିଥି ଭାବେ ପାଟଣାଗଡ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଶଙ୍କର ପ୍ରସାଦ ମାଝୀ ଯୋଗଦାନ କରିଥିବା ବେଳେ ଅତିରିକ୍ତ ସହ ଶିକ୍ଷା ଅଧିକାରୀ ରତନ ଧରୁଆ ମୁଖ୍ଯ ବକ୍ତା ଭାବରେ ଯୋଗ ଦେଇଥିଲେ।ଅନ୍ଯମାନଙ୍କ ମଧ୍ଯରେ ସାଧନ କେନ୍ଦ୍ର ସଂଯୋଜକ ଅନାଦି ବିଶି,ଦୀପ୍ତି ପ୍ରକାଶ ଦାଶ,ସରପଞ୍ଚ ଶ୍ରୀମତୀ ପୁଷ୍ପବତୀ ମେହେର, ସଭାପତି ଅମରେଶ ମହାଲିଙ୍ଗ, ଶିକ୍ଷକ ବିଘ୍ନେଶ୍ବର ଯୋଷୀ,ତଥା ଗ୍ରାମର ଭଦ୍ରବ୍ଯକ୍ତି ମଞ୍ଚାସୀନ ଥିଲା ବେଳେ ପ୍ରଧାନ ଶିକ୍ଷକ ଲାଲଚନ ବଗର୍ତ୍ତୀ ସ୍ବାଗତ ଭାଷଣ ଦେଇଥିଲେ। ଶିକ୍ଷା ହିଁ ଆମକୁ ଉଚିତ୍ ମାର୍ଗରେ ନେଇ ପାରିବ ଓ ମୁକ୍ତି ଦେଇ ପାରିବ। ଆମେ ଶିକ୍ଷିତ ହେଲେ ସୁନାଗରିକ ହୋଇପାରିବା ବୋଲି ଗୋଷ୍ଠୀ ଶିକ୍ଷା ଅଧିକାରୀ ମହୋଦୟ ପ୍ରେରଣା ଦେଇଥିଲେ। ପରେ ବାର୍ଷିକ କ୍ରୀଡ଼ାର ସମସ୍ତ ବିଜେତାଙ୍କୁ ପୁରସ୍କୃତ କରାଯାଇଥିଲା। ଦ୍ବିତୀୟ ପର୍ଯ୍ଯାୟରେ ବିଦ୍ଯାଳୟର ଛାତ୍ରଛାତ୍ରୀ ମାନଙ୍କ ଦ୍ବାରା ସାଂସ୍କୃତିକ କାର୍ଯ୍ଯକ୍ରମ ପରିବେଷିତ ହୋଇଥିଲା। ସଂଯୋଜନା କରିଥିଲେ ଶିକ୍ଷକ ବଜମ ମେହେର ଓ ଶିକ୍ଷୟତ୍ରୀ ଚିନ୍ମୟୀ ସାହୁ। କାର୍ଯ୍ଯକ୍ରମ ଶେଷରେ ଶ୍ରୀ ବ୍ରଜ ମେହେର ଧନ୍ଯବାଦ ଅର୍ପଣ କରିଥିଲେ ।