03-Feb-2023

ସୋନପୁର (ମନୋରଞ୍ଜନ ତ୍ରିପାଠୀ) : ସୋନପୁର ଜିଲ୍ଲା ତରଭା ବ୍ଲକ ରାଣିସର୍ଡା ଗ୍ରାମ ସ୍ଥିତ ପ୍ରସିଦ୍ଧମା ମାହେଶ୍ବରୀ ଙ୍କ ର ନୂତନ ଭବ୍ୟ ମନ୍ଦିର ର ପ୍ରତିଷ୍ଠା ଉତ୍ସବ ମହାସମାରୋହରେ ଗତ ତା ୩୦.୦୧.୨୦୨୩ ସୋମବାର ଦିନ ଠାରୁ ଆରମ୍ଭ ହୋଇଯାଇଛି।  ତା ୨୯.୦୧.୨୦୨୩ ରବିବାର ଦିନ କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି | ଚବିଶ ପ୍ରହରୀ ନାମଜଜ୍ଞ ,  ପ୍ରବଚନ , ଚଣ୍ଡିପାଠ , ତୁଳସୀ ରାମାୟଣ ପାରାୟଣ , ମହିଷାସୁର ଦରବାର ,ସାଂସ୍କୃତିକ

କାର୍ଯ୍ୟକ୍ରମ ସହ ଅନ୍ନ ପ୍ରସାଦ କାର୍ଯ୍ୟକ୍ରମ ଅନୁଷ୍ଠିତ ହେଉଛି। ମା ମାହେଶ୍ଵରୀଙ୍କ   ନୂତନ ଭବ୍ୟ ମନ୍ଦିର ର ପ୍ରତିଷ୍ଠା ଉତ୍ସବ ଦେଖିବା ପାଇଁ ବହୁ ଭକ୍ତଙ୍କର ସମାଗମ ହେଉଛି  | ରାଧାଗୋବିନ୍ଦ ମଠ , ସୁଲେଇ ର ଶ୍ରୀ ଯଶୋଦା ନନ୍ଦନ ବୃନ୍ଦାବନ ଚନ୍ଦ୍ର ଦାସ ମହାରାଜ ଙ୍କ ର ପ୍ରତ୍ୟକ୍ଷ ତତ୍ତ୍ଵାବଧାନରେ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେଉଛି | ରାଣିସର୍ଡା ଗ୍ରାମରେ ଭକ୍ତି ଭାବର ଅନନ୍ୟ ପରିବେଶ ଦେଖିବାକୁ ମିଳୁଛି | ରାଣିସର୍ଡା ଗ୍ରାମ ର ସମସ୍ତ ବାସିନ୍ଦା ସହଯୋଗ କରୁଥିବାବେଳେ ଆସନ୍ତା ତା ୦୫.୦୨.୨୦୨୩ ରବିବାର ଦିନ ପ୍ରତିଷ୍ଠା ଉତ୍ସବ ସମାପନ ହେବ।