31-Jan-2023

ସମ୍ବଲପୁର(ସଂଜୀବ ପାଣିଗ୍ରାହୀ)
 ସମ୍ବଲପୁର ମହାନଗର ନିଗମ ଦାନୀପାଲି ଠାରେ ନବ ନିର୍ମିତ ରଣେଶ୍ୱର ରାମଚଣ୍ଡୀ ମନ୍ଦିର ପ୍ରତିଷ୍ଠା ମହୋତ୍ସବ ଅନୁଷ୍ଠିତ ହୋଇଛି I ଏହି ଅବସରରେ କୁଲତା ସମାଜ ସମ୍ବଲପୁର ପକ୍ଷରୁ ଗତ ତିନି ଦିନ ଧରି ସ୍ୱତନ୍ତ୍ର ପୂଜାର୍ଚ୍ଚନାର ଆୟୋଜନ କରାଯାଇଥିଲା I ଆଜି ସକାଳ ୯ ଘଣ୍ଟାରୁ ଯଥା ରୀତି ଅନୁଯାୟୀ ଦେବଦେବୀଙ୍କ ମନ୍ଦିର ପ୍ରବେଶ ସହିତ ସନ୍ଧ୍ୟାରେ ପୂର୍ଣ୍ଣାହୁତି ପୂଜନୋତ୍ସବ ଅନୁଷ୍ଠିତ ହୋଇଥିଲା I ବିଶିଷ୍ଟ ପଣ୍ଡିତ ସିଦ୍ଧି ମହାପାତ୍ରଙ୍କ ସମେତ ୧୦ ଜଣ ପଣ୍ଡିତ ପୂଜାକାର୍ଯ୍ୟ କରିଥିଲେ I ହାରାଧନ ପ୍ରଧାନ ଓ ତାଙ୍କର ପତ୍ନୀ ଯଶୋବନ୍ତି ନାୟକଙ୍କ  ସମେତ ସମୁଦାୟ ୧୦ ଯୋଡ଼ା ପତି ପତ୍ନୀ କର୍ତ୍ତା କର୍ତ୍ତୀ ଦାୟିତ୍ୱ ତୁଲାଇଥିଲେ I ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ସହିତ ପ୍ରତ୍ୟହ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I