23-Jan-2023

ବଲାଙ୍ଗୀର:- ଆଜି ଅପରାହ୍ନରେ ସ୍ଥାନୀୟ ସାମ୍ବାଦିକ ଭବନ ଠାରେ ଏନ୍ ୟୁ ଜେ ( ଆଇ) ର ପ୍ରତିଷ୍ଠା ଦିବସ ପାଳନ କରାଯାଇଛି ।ଜାତୀୟ ସାମ୍ବାଦିକ ୟୁନିଅନ (ଏନ୍ ୟୁ ଜେ ( ଆଇ)) ର  ଏକମାତ୍ର ସ୍ବୀକୃତି ପ୍ରାପ୍ତ ରାଜ୍ୟସ୍ତରୀୟ ସଙ୍ଗଠନ ହେଉଛି ଏସ ୟୁ ଜେ ( ଓ) ।ରାଜ୍ୟ ସାମ୍ବାଦିକ ସଂଘ ,ବଲାଙ୍ଗୀର ଶାଖା ର ସଭାପତି ଗୋପବନ୍ଧୁ ଶତପଥୀ ଙ୍କ ସଭାପତିତ୍ବ ରେ ଏନ୍ ୟୁ ଜେ ର ୫୧ ତମ ପ୍ରତିଷ୍ଠା ଦିବସ ପାଳନ ଅବସରରେ ଏନ୍ ୟୁ ଜେ ର ଜନ୍ମ ବିଷୟରେ ସମ୍ୟକ୍ ଧାରଣା ଦେଇଥିଲେ।ଏସ ୟୁ ଜେ ରାଜ୍ୟ ସଭାପତି କୈଳାସ ନାୟକ ଏବଂ ରାଜ୍ୟ ଉପ ସଭାପତି କୀର୍ତ୍ତି ଚନ୍ଦ୍ର ସାହୁ ୫୧ ତମ ପ୍ରତିଷ୍ଠା ଦିବସରେ ଅଡିଓ ବାର୍ତ୍ତା ମାଧ୍ୟମରେ ଶୁଭେଚ୍ଛା ବାର୍ତ୍ତା ଜଣାଇଥିଲେ । ସଂଘ ର ସମ୍ପାଦକ ରଘୁ ନନ୍ଦନ ସିଂ ଅତିଥି ପରିଚୟ ପ୍ରଦାନ ସହ ସଭା ସଂଯୋଜନା କରିଥିଲେ।ସାଧାରଣ ସମ୍ପାଦକ ଶରତ କୁମାର ମହାକୁର ସାମ୍ବାଦିକତା  କ୍ଷେତ୍ରରେ ସାମ୍ବାଦିକ ମାନେ ଅନେକ ସମସ୍ୟା ର ସମ୍ମୁଖୀନ ହେଉଥିବା ସମ୍ପର୍କରେ ଅବଗତ କରିଥିଲେ ।ଏସ ୟୁ ଜେ ର ରାଜ୍ୟ ସମ୍ପାଦକ ମହେନ୍ଦ୍ର କୁମାର ଦର୍ଜୀ ସାମ୍ବାଦିକ ମାନଙ୍କ ସୁରକ୍ଷା ଉପରେ ଆଲୋଚନା କରିଥିଲେ । ପ୍ରତିଷ୍ଠା ଦିବସ ପାଳନ ଅବସରରେ ମହେନ୍ଦ୍ର ପଧାନ ,ବିନୋଦ ଦୀପ,ପବନ ବଂଶଲ୍ ,ଜୟ ପ୍ରକାଶ ମଟାରୀ , ଦିଲୀପ ସାହୁ, ନିରୋଜ୍ ମିଶ୍ର ଯୋଗ ଦେଇ ନିଜସ୍ଵ ମତାମତ ଦେଇଥିଲେ ।ଶେଷରେ ସନ୍ତୋଷ କୁମାର ଠାକୁର ଉପସ୍ଥିତ ସମସ୍ତଙ୍କୁ ଧନ୍ୟବାଦ୍ ଦେଇଥିଲେ।