22-Jan-2023

ସାଲେଭଟା. ବଲାଙ୍ଗିର ଆଗଲପୁର (ଡୁଡୁକା) ବ୍ଲକ ସାଲେଭଟା ଠାରେ ଲର୍କିପାଲି ୧୯୮୧ମସିହା ବ୍ୟାଚ ଗ୍ରାମସେବକ ତାଲିମ କେନ୍ଦ୍ର ର ବନ୍ଧୁମିଳନ ଅନୁଷ୍ଠିତ ହୋଇଛି । ସାଲେଭଟା ଚଣ୍ଡୀମନ୍ଦିର ସ୍ଥିତ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ସଭାରେ  ସୁରେନ୍ଦ୍ର ନେଗି  ସଭାପତି୍‌ତ୍ୱ କରିଥିଲେ । ଜଗବନ୍ଧୁଦାଶ ଖମାରୀଶର୍ମା (୯୧ବର୍ଷ) ମୁଖ୍ୟଅତିଥିଭାବରେ ଯୋଗଦାନ କରିଥିଲେ । ମାଧବ ତ୍ରିପାଠୀ,ରତ୍ନାକର ମିଶ୍ର,ପଦ୍ମଲୋଚନ ପଣ୍ଡା,ପ୍‌ଙ୍କଜ ମେହେର,ବିନୋଦ ଦାଶ ଓ ଯଶୋବନ୍ତ ସାହୁ ପ୍ରମୁଖ ସମ୍ମାନୀତ ଅତିଥିଭାବରେ ଯୋଗଦାନ କରିଥିଲେ । ବଲାଙ୍ଗିର ଲର୍କିପାଲି ଗ୍ରାମସେବକ ତାଲିମ କେନ୍ଦ୍ର ର ୧୯୮୧ ମସିହା ବ୍ୟାଚ  ରେ ଓଡିଶାର ବିଭିନ୍ନ ପ୍ରାନ୍ତରର ୧୪୮ ଜଣ ବିଦ୍ୟାର୍ଥିୀ ଗ୍ରାମସେବକ ତାଲିମ ଗ୍ରହଣକରିଥିଲେ ।ଭୁବନେଶ୍ୱର,ଝାରସୁଗୁଡା,ସୁନ୍ଦରଗଡ,ଦେବଗଡ,ବଲାଙ୍ଗିର,ବରଗଡ,ସମ୍ବଲପୁର,ଭବାନିପାଟଣା , ନୟାଗଡ, ବାରକୋଟ,ରେଢ଼ାଖୋଲ ଆଦି ଅଂଚଳରୁ ୬୮ ଜଣ ଏଥିରେ ଯୋଗଦାନ କରିଥିଲେ । ଏମାନଙ୍କ ମଧ୍ୟରୁ କେତେଜଣ ଇହଧମ ତ୍ୟାଗ କରିଥିବାରୁ ତାଙ୍କର ଆତ୍ୱାର ସତ୍‌ଗତି ପାଇଁ ନିରବପ୍ରାର୍ଥନା କରାଯାଇଥିଲା । ୧୯୮୧ବ୍ୟାଚ ଗ୍ରାମସେବକ ତାଲିମ କେନ୍ଦ୍ର ରେ ତାଲିମ ପ୍ରଦାନ କରିଥିବା ଜଗବନ୍ଧୁଦାଶ ଖମାରୀଶର୍ମା ଙ୍କୁ ଗୁରୁ ଆକାରରେ ମାନପତ୍ର ଉପଢ଼ୋକନ ଓ ପୁଷ୍ପଗୁଚ୍ଛଦେଇ ସମ୍ମାନିତ କରାଯାଇଥିଲା । ସେସମୟରେ ତାଲିମପ୍ରଦାନ କରିଥିବା ତାଲିମଦାତାଙ୍କ ମଧ୍ୟରୁ ଶ୍ରୀଯୁକ୍ତ ଖମାରୀଶର୍ମା ଜଣେମାତ୍ର ଜୀବିତ ରହିଛନ୍ତି ତାଙ୍କର ଅଭିଭାଷଣ ସମସ୍ତଙ୍କୁ ବିମୋହି କରିଥିଲା । ଉକ୍ତ ବନ୍ଧୁମିଳନରେ ଉପସ୍ଥିତ ଥିବା ସମସ୍ତେ ନିଜନିଜର ପରିଚୟ ପ୍ରଦାନ କରି ନିଜର ଅତିତ ଓ ବର୍ତମାନର  ଅନୁଭୁତି ବର୍ଣ୍ଣନା କ
ରିଥିଲେ ଯାହା ସମସ୍ତଙ୍କୁ ହାସ୍ୟରସାତ୍ମକ ପରିବେଶ ସୃଷ୍ଟ କରିଥିଲା । ଆଜିର ଏହିଦିନକୁ ସ୍ମରଣ କରିବାପାଇଁ ପ୍ରତିବର୍ଷ ଜାନୁୟାରୀ ଦ୍ୱିତିୟ ସପ୍ତାହ ବୁଧୁବାର ୧୯୮୧ ବ୍ୟାଚ  ବନ୍ଧୁମିଳନ କରିବାକୁ ନିସ୍ପତି ଗ୍ରହଣ କରାଯାଇଛି । ନବକିଶୋର ଦାଶ ସଭା ସଂଯୋଜନା କରିଥିଲେ । ଧନମତ ହରପାଲ,ଶଶିଭୁଷଣ ଥନାପତି,ଟିକେଶ୍ୱର ଭରାସାଗର,ବିଜୟକୁମ୍ଭାର,ଡୋଲାମଣୀ ସେଠ ଓ ଚୁହାମଣି ସାହୁ ପ୍ରମୁଖ ଏହାକୁ ପରିଚାଳନାକରିଥିଲେ ।