22-Jan-2023

ତୁରେକେଲା(ପୂର୍ଣ ଶଶୀ ଶେଖର ରାଓ) ଗ୍ରାମାଞ୍ଚଳର ବିକାଶ ନିମନ୍ତେ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା ପ୍ରଣୟନ କରୁଥିବା ବେଳେ ଯୋଜନା କେତେ ଯେ ବାଟବଣା ହୋଇଯାଉଛି ତା'ର ଆକଳନ କରାଯାଇ ପାରିବନାହିଁ । ଏହି ସବୁ ଘଟଣା ମାନଙ୍କୁ ନେଇ ବ୍ଳକ ମାନଙ୍କରେ ଆନ୍ଦୋଳନ କରୁଥିଲେ ମଧ୍ୟ କୁଜି ନେତା ଓ ଅମଳାତନ୍ତ୍ର ସୁଧାରିବାର ନାଁ ନେଉନାହାନ୍ତି। ଯାହାର ଫଳ ସଦୃଶ୍ୟ ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା 

 ତୁରେକେଲା ବ୍ଲକ ତୁରେକେଲା ପଞ୍ଚାୟତର ମହନୀଲହ ଗାଁ ରେ।

 ସୂଚନା ଅନୁସାରେ ମହନୀଲହ ଗାଁ ରୁ ରେଳ ଷ୍ଟେସନ ଯିବା ରାସ୍ତାରେ ୧୫ ସି ଏଫ୍ ସି  ଯୋଜନା ମୁତାବକ ଏକ କଲଭରଟ ନିର୍ମାଣ ହୋଇଥିବା ସୂଚନାଫଳକକୁ ନେଇ ଗ୍ରାମରେ ଦୁଇ ଗୋଷ୍ଠୀ ମଧ୍ୟରେ ବିବାଦ ଉପୁଜିଥିଲା । ଏହି ଘଟଣାକୁ ନେଇ ଆମ ପ୍ରତିନିଧି ଘଟଣାସ୍ଥଳରେ ପହଞ୍ଚି ଦେଖିଲେ ଯେ ଯେଉଁଠି କଲଭର୍ଟ ହେବା କଥା ସେଠି ନବ ନିର୍ମିତ କଲଭର୍ଟ ର ଚିହ୍ନବର୍ଣ୍ଣ ନାହିଁ।  ଗ୍ରାମବାସୀଙ୍କ କହିବା ଅନୁଯାୟୀ ଏହି କଲଭର୍ଟ ର ଟଙ୍କାରେ ଗ୍ରାମର ଜଣେ ଦାଦାଗିରିଆ ଲୋକଙ୍କ ବାରିପଟର ଆମ୍ବ ତୋଟାକୁ କ୍ରଂକ୍ରିଟ ରାସ୍ତା ନିର୍ମାଣ କରିଦେଇଛନ୍ତି।ଆଉ ସେହି କଲଭର୍ଟ ର ସୂଚନା ଫଳକ ରେ ଆର୍ଥିକ ବର୍ଷ ୨୦୨୧-୨୨ ଅଟକଳ ପରିମାଣ ୨୪୦୦୦୦ କାର୍ଯ୍ୟର ନାମ ମହନୀଲହ ଠାରୁ ଷ୍ଟେସନ ରାସ୍ତାର କଲ୍ଭର୍ଟ ଉନ୍ନତିକରଣ ନାଁ ରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ବଲାଙ୍ଗିର ପଞ୍ଚାୟତ ସମିତି ତୁରେକେଲା ମାଧ୍ୟମରେ ଟଙ୍କା ଆତ୍ମସାତ କରିଥିବା ଅଭିଯୋଗରୁ ଜଣାଯାଏ। ଏହି ଘଟଣାର ୧୫ ଦିନ ରୁ ଅଧିକ ବିତାଯାଇଥିଲେ ହେଁ ନା ଜିଲ୍ଲା ପ୍ରଶାସନ ନା ବିଡ଼ିଓ ମହୋଦୟ ଏହି ଘଟଣାର ତଦନ୍ତ କରିବାକୁ ମନ

ବୋଲାଉ ନାହାନ୍ତି କ'ଣ ? ସେମାନେ ମଧ୍ୟ ଏହି ଲୁଟ୍ ରେ ସାମିଲ ଅଛନ୍ତି କି ବୋଲି ଜନସାଧାରଣରେ ମତପ୍ରକାଶ ପାଉଛି।କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା ବିଧାନ ସଭାରେ ବଡ଼ବଡ଼ କଥା କହୁଥିବା ବେଳେ ଜିଲ୍ଲାପାଳଙ୍କୁ ମଧ୍ୟ ଧମକାଇ ପାରୁଥିବା ବେଳେ ତାଙ୍କର ନିର୍ବାଚନ ମଣ୍ଡଳୀ ଭିତରେ ଏହି ଭଳି ଚୋରା କାରବାରକୁ ସେ ପ୍ରଶୟ ଦେଉଛନ୍ତି କାହିଁକି ? ତୁରନ୍ତ ଉପରିସ୍ଥ ଅଧିକାରୀ ତଥା ବଡ଼କୁହା ନେତା ଏହି ଘଟଣାର ତଦନ୍ତ ନକଲେ ଆଗାମୀ ଦିନରେ ବ୍ଳକ ଅଫିସ ତଥା ଜିଲ୍ଲାପାଳ କାର୍ଯ୍ୟାଳୟକୁ ଘେରାଉ କରିବା ପାଇଁ ମହନୀଲହ ଗ୍ରାମବାସୀ  ଚେତାବନୀ ଦେଇଛନ୍ତି।