22-Jan-2023

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ମାଁ ଦ୍ୱାରସେହ୍ନି ମନ୍ଦିର ସମ୍ମୁଖ ପଲ୍ଲିଶ୍ରୀ ଖେଳ ପଡ଼ିଆରେ ଚାଲିଥିବା ବିରାଟ ଧନୁଯାତ୍ରା ତୃତୀୟ ଦିବସରେ      ଗୋପୀଙ୍କ ମଥୁରାରେ ଦଧିବିକା , ପୁତନା ବଦ୍ଧ , ପୁତନା ବଦ୍ଧ ପାଇଁ ଗୋପପୁରରେ କୃଷ୍ଣ ଓ ବଲରାମ ଅଭିନୟ କରୁଥିବା ଶିଶୁ କଳାକାର ଆଦୃତ ଖମାରି ଓ ପ୍ରହାନ ତ୍ରିପାଠୀ ଲୋକଙ୍କୁ ବେଶ ଆକର୍ଷିତ କରିଥିଲେ। ଏପଟେ ପୁତନା ନିଧନରେ କଂସ ମର୍ମାହତ , ଅଷ୍ଟମଲ୍ଲ କୁ ପ୍ରେରଣ , ଦୁର୍ମିଳାସୁର ବଦ୍ଧ , ଜରାସନ୍ଧ ସହ ଯୁଦ୍ଧ , ହେତି

ପ୍ରହେତି ସହ କଂସର ବିବାହ ଆଦି କଥା ବସ୍ତୁ ଉପରେ ଆଧାରିତ ନାଟକ ଅଭିନୟ ହୋଇଥିଲା । 
କଂସ ଦରବାରରେ ରାଜକୀୟ ଅତିଥିଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା , ସିନ୍ଧେକେଲା ଥାନାଧିକାରୀ ବି.ରୁଦ୍ରିଆ , ସିନ୍ଧେକେଲା ସମିତି ସଭ୍ୟ ଭୋଳାନାଥ ବେହେରା , ଠେମରା ସରପଞ୍ଚ ଲକ୍ଷ୍ମୀଧର ବାଗ , ଅଲଣ୍ଡା ସରପଞ୍ଚ ପ୍ରତିନିଧି ଯୁବରାଜ ବାଗ , ଝଲପ ସରପଞ୍ଚ ପ୍ରତିନିଧି ଗୋବିନ୍ଦ ପୁଟେଲ , ଅରସାତୁଲା ସରପଞ୍ଚ ପ୍ରତିନିଧି ସଂଜୟ ପୁଟେଲ , ଚାନ୍ଦୋତରା ସମିତି ସଭ୍ଯଙ୍କ ପ୍ରତିନିଧି ଘାସିରାମ ସାହୁ ପ୍ରମୁଖ ମଞ୍ଚାସିନ ଥିଲେ । ସାଂସ୍କୃତିକ କାର୍ଯ୍ୟକ୍ରମରେ ପ୍ରସିଦ୍ଧ ଗାୟକ ପଙ୍କଜ ଜାଲ ଓ ମାନସୀ ପାଣିଗ୍ରାହୀ ଦ୍ୱାରା ସମ୍ୱଲପୁରୀ ଗୀତ , ଖଡ଼ିଆଳ ସାଂସ୍କୃତିକ ଅନୁଷ୍ଠାନ ର ଜିତୁ ପଟ୍ଟନାୟକ ଓ ସାଥି ଦ୍ୱାରା ସମ୍ବଲପୁରୀ ନୃତ୍ୟ , ସିନ୍ଧେକେଲା ମାଁ ଦ୍ୱାରସେହ୍ନି କଳା ପରିଷଦର ଗୋପୀ ସାହୁ ଓ ସାଥି ଦ୍ୱାରା ଲୋକନୃତ୍ୟ , ପ୍ରତିଭା ତ୍ରିପାଠୀ ଙ୍କ ଦ୍ବାରା ଚିତ୍ତାକର୍ଷକ ତାଣ୍ଡବ ନୃତ୍ୟ ଆଦି ପରିବେଷଣ

ବିଳମ୍ବ ରାତ୍ରି ପର୍ଯ୍ୟନ୍ତ ଦର୍ଶକମାନଙ୍କୁ ବାନ୍ଧି ରଖିଥିଲା । ସାଂସ୍କୃତିକ ସମ୍ପାଦକ ସୁଧାକର ସାହୁ ମଞ୍ଚ ପରିଚାଳନା କରିଥିବାବେଳେ କାର୍ଯ୍ୟକ୍ରମ କୁ ସଫଳ କରିବା ପାଇଁ ଧନୁଯାତ୍ରା କମିଟି ସଭାପତି ବିରେନ୍ଦ୍ର ନାରାୟଣ ସିଂଦେଓ , ସାଧାରଣ ସମ୍ପାଦକ ଅନିଲ ନାଏକ , ଉପ ସଭାପତି ଉମାଶଙ୍କର ତ୍ରିପାଠୀ , ସୁରେନ୍ଦ୍ର ନାରାୟଣ ସିଂଦେଓ , ସହ ସମ୍ପାଦକ ଫକୀର ତ୍ରିପାଠୀ , କୋଷାଧ୍ୟକ୍ଷ ଓମ ପ୍ରକାଶ ସାହୁ , ଅର୍ଥ ସମ୍ପାଦକ ଅନିଲ ଜୈନ , ପ୍ରଚାର ପ୍ରସାର ସମ୍ପାଦକ ଦିନେଶ ବଛା , ଖଲି ସାହୁ , ସନ୍ତୋଷ ରଣା , ବାବୁଲାଲ ସାହୁ , ପରମା ସାହୁ ପ୍ରମୁଖ ବିଶେଷ ସହଯୋଗ କରିଥିଲେ । କଳାକାର ମାନଙ୍କୁ କମିଟି ପକ୍ଷରୁ ଉପଢୌକନ ସହ ସମ୍ମାନିତ କରା ଯାଇଥିଲା।