21-Jan-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଠାରେ ସରପଞ୍ଚ ସଂଘ ଲୋଇସିଂହା ପକ୍ଷରୁ ଆବାସ ଯୋଜନାକୁ ନେଇ ବିଡ଼ିଓଙ୍କ ଜରିଆରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ l ସଂଘର ମୁଖ୍ୟଦାବୀ ଏହାଯେ ପ୍ରଧାନମନ୍ତ୍ରୀ ଆବାସ ଯୋଜନାରେ ବାଦ ପଡ଼ିଥିବା ଯୋଗ୍ୟ ହିତାଧିକାରୀ ମାନଙ୍କୁ ଆବାସ ଯୋଜନାରେ ନୂତନ ଭାବେ ସର୍ଭେ କରି ଅନ୍ତର୍ଭୁକ୍ତ କରିବା l ଚଳିତ ବର୍ଷ ପ୍ରକାଶିତ ଆବାସ ତାଲିକାରେ ଅନେକ ଲୋକଙ୍କ ନାମ ନଥିବା ହେତୁ ସେମାନଙ୍କ ପ୍ରଶ୍ନର ଉତ୍ତର ଦେବାକୁ ସରପଞ୍ଚ ମାନେ ଅସଫଳ ହୋଇଛନ୍ତି l ଏହାସହ ଅନେକ ଲୋକ ପ୍ରଧାନମନ୍ତ୍ରୀ ଆବାସ ଯୋଜନା ଲିଷ୍ଟରେ ନ ଥିବାରୁ ଏହି ଯୋଜନାରୁ ବାଦ ପଡ଼ିଥିବା ଦେଖିବାକୁ ମିଳିଛି l ଏଣୁ ସରକାର ବାଦ ପଡ଼ିଥିବା ପ୍ରକୃତ ହିତାଧିକାରୀ ମାନଙ୍କୁ ଅନ୍ତର୍ଭୁକ୍ତ କରନ୍ତୁ ନଚେତ ଆଗାମୀ ଦିନରେ ଲୋଇସିଂହା ସରପଞ୍ଚ ସଂଘ ବ୍ଲକ କାର୍ଯ୍ୟାଳୟ ଠାରେ ଧାରଣାରେ ବସିବ ବୋଲି ଚେତାବନୀ ଦେଇଛି l ଦାବିପତ୍ର ବେଳେ ଲୋଇସିଂହା ସରପଞ୍ଚ ସଂଘ ସଭାପତି ସଞ୍ଜୟ ଗଡତିଆ ଓ ଉପ ସଭାପତି ସୁଦିପ ସା ଙ୍କ ସମେତ ବ୍ଲକର ସମସ୍ତ ସରପଞ୍ଚ ଉପସ୍ଥିତ ଥିଲେ l