21-Jan-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଭୀମ ଭୋଇ ଙ୍କ ଉକ୍ତିରେ ଅଛି, 'ପ୍ରାଣୀର ଭଲ ମନ୍ଦ ବାଣୀ ମରଣ କାଳେ ତାହା ଜାଣି' ଯାହାକି ଆଜି ଏକ  ଉଦାହରଣ ପାଲଟିଛି ସୋନପୁର ର ଦିଲ୍ଲୀପ ନାଏକଙ୍କ ବିୟୋଗ ଘଟଣା  l ସ୍ତବ୍ଧ ପୁରା ସହର l ରାସ୍ତା ଘାଟ ଦୋକାନ ବଜାର ସବୁଠି ଚର୍ଚ୍ଚା, ଫେସ  ବୁକ ଖୋଲିଲେ ସବୁଠି ଦିଲ୍ଲୀପ ନାଏକଙ୍କ ବିୟୋଗ ଘଟଣା, ମର୍ମାହତ ସହର,  ହୃଦୟସ୍ପର୍ଶୀ ଗଭୀର ଶୋକବାର୍ତ୍ତା ଆସୁଛି, ବଡ଼ ବଡ଼ିଆ ଲୋକଙ୍କ ର ଦୂର ଦୁରାନ୍ତର l ପଶ୍ଚିମ ଓଡିଶା ର ସୁନାମଧନ୍ୟ ସମ୍ବଲପୁରୀ କଣ୍ଠ ଶିଳ୍ପୀ ବୃନ୍ଦାବନ ନାଏକଙ୍କ ସୁ- ପୁତ୍ର  ଏବଂ ସୁବର୍ଣ୍ଣପୁରର ବିଶିଷ୍ଟ ସମାଜସେବୀ ଶ୍ରୀବତ୍ସ ମଲ୍ଲିକ ଙ୍କ ଭଣଜା ଅଟନ୍ତି ଦିଲ୍ଲୀପ l ବାପାଙ୍କ ପ୍ରଥମ ଶ୍ରାଦ୍ଧବାର୍ଷିକୀ ପାଳନ ପାଇଁ ଆୟୋଜନ ଆରମ୍ଭ କରୁଥିଲେ ଆଉ ତା ଆଗରୁ ଚାଲିଗଲେ ଆରପାରି କୁ ଦିଲ୍ଲୀପ l  ଦୀର୍ଘ ୨୫/୩୦ ବର୍ଷ ପୂର୍ଵ ରୁ ସୁବର୍ଣ୍ଣପୁର ସର୍ବ ଶିକ୍ଷା ଅଭିଯାନର ଏକ ବଡ଼ କାର୍ଯ୍ୟକ୍ରମରେ ମିଲ କଣ୍ଟାକ୍ଟ ପାଇ  ଜୀବନରେ ପ୍ରଥମେ ରୋଷେଇ ଆରମ୍ଭ କରି  ସୁସ୍ୱାଦୁ ଖାଦ୍ୟ ଖୁଆଇବା ପରଷିବାର ଯାଦୁ ଦେଖାଇଥିଲେ  ଦିଲ୍ଲୀପ l ସେଇଦିନଠୁ ଆଜି ଯାଏ ସରକାରୀ ବେସରକାରୀ ସବୁ ଅନୁଷ୍ଠାନରେ ସ୍ୱଳ୍ପ ମୂଲ୍ୟ ରେ ସ୍ୱାଦିଷ୍ଟ ଖାଦ୍ୟ ଯୋଗାଇବାରେ ଫିଟର ଓ ମାଷ୍ଟର ଥିଲେ ଦିଲ୍ଲୀପ l  ବିନା ଏଡ଼ଭାନ୍ସ ରେ ବି ହଜାର ଲୋକଙ୍କ ଖାଦ୍ୟ ବ୍ୟବସ୍ଥା କରିଦେଉଥିଲେ l ସୋନପୁର କଲେଜରେ ଏକ କ୍ୟାଣ୍ଟିନ ଖୋଲି ଦୀର୍ଘ ବର୍ଷ ଧରି  ଅଗଣିତ ଛାତ୍ରଛାତ୍ରୀ, କର୍ମଚାରୀ, ସାଧାରଣ ଲୋକ, ଭି ଆଇ ପି ଙ୍କ ସେବା ଯୋଗାଇ  ଅମାୟିକ ବ୍ୟବହାରରେ ସମସ୍ତଙ୍କ ପ୍ରିୟଭାଜନ ହୋଇ ପାରିଥିଲେ ସେ l ୫୦ ଟଙ୍କା ରେ  ଭେଜ ନନ ଭେଜ ର ଛଅ ତିଅଣ ନଅ ଭଜା ସବୁ ଗ୍ରlହକଙ୍କୁ ଖାଇବା ସୁଯୋଗ ଦେଉଥିଲେ ସେ l ଅନେକ ଗରିବ  ନିରାଶ୍ରୟ ପିଲା ମାନଙ୍କୁ କ୍ୟାଣ୍ଟିନରେ ନିଯୁକ୍ତି ଦେଇଥିଲେ ସେ l  କେତେ ଯେ ଛାତ୍ରଛାତ୍ରୀଙ୍କୁ ମାଗଣାରେ ଖାଇବା ଦେଇ ପଢା ଖର୍ଚ୍ଚ ବି ସହଯୋଗ କରୁଥିଲେ ହିସାବ ନାହିଁ ତାହାର l  ସମୟ ଅଭାବରୁ ନିଜ ଘର ପୁଅ ଝିଅର ଆଦୌ ଚିନ୍ତା  କରନ୍ତିନି  ସେ l ସ୍ଥାନୀୟ ନେତା ମନ୍ତ୍ରୀ ଓ ଭୁବନେଶ୍ୱର ସେକ୍ରେଟ୍ରିଏଟ ରୁ ପ୍ରାକ୍ତନ ଜ଼ିଲ୍ଲlପାଳ ତଥା ବିଧାନସଭା ସଚିବ ଦାଶରଥୀ ଶତପଥି,  ବିଶ୍ୱନାଥ ବାରିକ, ରବୀନ୍ଦ୍ର ପଟେଲଙ୍କ ସମେତ ଦୂର ଦୁରାନ୍ତ ର ବହୁ ପ୍ରତିଷ୍ଠିତ ବ୍ୟକ୍ତି ଫୋନ ଯୋଗେ ଶୋକ ଜଣାଇଛନ୍ତି l ଏବଂ  ସ୍ଥାନୀୟ ବହୁ ବୁଦ୍ଧିଜୀବୀ, ବହୁ ଅନୁଷ୍ଠାନ, ବିଶିଷ୍ଟ ବ୍ୟକ୍ତି ମର ଶରୀରକୁ ଅନ୍ତିମ ଦର୍ଶନ କରିଥିଲେ l  ଏ ଘଟଣାରେ ଗଭୀର ଶୋକପ୍ରକାଶ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ଗତ କାଲି ସୋନପୁର କଲେଜ ଓ ଅନେକ ଅନୁଷ୍ଠାନ ରେ ଶୋକ ସଭା ହୋଇଥିଲା l  ଜ଼ିଲ୍ଲାପାଳ ଓ ସମସ୍ତ ଜ଼ିଲ୍ଲା ପଦାଧିକାରୀ, ସାମ୍ବାଦିକ, ସଂସ୍କୃତି ପ୍ରେମୀଙ୍କ ଉପସ୍ଥିତି ରେ ସର୍କିଟ ହାଉସ ଠାରେ ସୁବର୍ଣ୍ଣପୁର ପବ୍ଲିକ ଓ ପ୍ରଶାସନ ପ୍ରତି ଥିବା ସ୍ବର୍ଗତ ଦିଲ୍ଲୀପ ନାଏକଙ୍କ ଅବଦାନ ଉପରେ ଏଡିଏମ  ସୂର୍ଯ୍ୟ ନାରାୟଣ ଦାଶ ସ୍ମୃତି ଚାରଣ କରିଥିଲେ l କୋଟି ହୃଦୟ କୁ ଜୟ  କରିପାରିଥିବା ଦିଲ୍ଲୀପ  ଭଳି ଜଣେ ସରଳ,ଉଦାର, ଓ ଅମାୟିକ ବ୍ୟକ୍ତି ହିଁ ମହାନ ଅଟନ୍ତି l ତାଙ୍କରି ବିକଳ୍ପ ଆଉ ନାହିଁ  l ଝୁରୁଛି କାଲିଠୁଁ ସୋନପୁର, କାନ୍ଦୁଛନ୍ତି ଅଗଣିତ ଶୁଭେଛୁ, ଖୋଜି ବୁଲୁଛନ୍ତି ଗ୍ରାହକ  ଲଷ୍ମୀ ହାତର ସୁସ୍ୱାଦୁ ଖାଦ୍ୟ, ଆଉ ବେସାହାରା ହେଇଛନ୍ତି  କ୍ୟାଣ୍ଟିନରେ ସାହାରା ପାଇଥିବା  ଅନେକ ପରିବାର l କୌଣସି କ୍ଷମତା ବା ସମ୍ପତ୍ତି ଶାଳୀ ହୋଇ ନ ଥିବା ସତ୍ୱେ କେବଳ ନିଜର ସେବା ଓ ବ୍ୟବହାର ମାଧ୍ୟମରେ ରେ ଆଜି  ଚିର ଦିନ ପାଇଁ କୋଟି ଲୋକଙ୍କ ପ୍ରିୟଭାଜନ ହୋଇ ପାରିଥିବା ଗୋଟାଏ ଉଦାହରଣ ସାଜିଛନ୍ତି ସୋନପୁରର ସ୍ବର୍ଗତ ଦିଲ୍ଲୀପ ନାଏକ l