21-Jan-2023

ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ମାଁ ଦ୍ୱାରସେହ୍ନି ମନ୍ଦିର ସମ୍ମୁଖରେ ଥିବା ପଲ୍ଲୀଶ୍ରୀ ହାଇସ୍କୁଲ ଖେଳ ପଡ଼ିଆରେ ଚାଲିଥିବା ସିନ୍ଧେକେଲା ବିରାଟ ଧନୁଯାତ୍ରା ମହୋତ୍ସବ ଦ୍ଵିତୀୟ ଦିବସରେ ଗୋପୀମାନଙ୍କ ମଥୁରାରେ ଦଧିବିକା ଦୃଶ୍ୟ , ମଥୁରା ନଗରୀରୁ କୃଷ୍ଣଙ୍କୁ ନେଇ ବସୁଦେବ ଗୋପପୁର କୁ ଗମନ

କରିଥିଲେ । ଗୋପପୁରରେ କୃଷ୍ଣଙ୍କ ଜନ୍ମ ହୋଇଥିଲା । ସେଠାରେ ନନ୍ଦୋତ୍ସବ ପାଳନ କରାଯିବା ସହ ଭଜନ କୀର୍ତ୍ତନ କରାଯାଇଥିଲା । ଏଣେ ରାତିରେ ମଥୁରାରେ ବିଜୁଳି କନ୍ୟାର ଦୈବବାଣୀରେ କଂସ ବିବ୍ରତ ହୋଇଥିଲେ । ପୁତନା ଓ ଅଷ୍ଟମଲ୍ଲ କୁ ଗୋପପୁରକୁ ପ୍ରେରଣ ଆଦି ନାଟ୍ୟାଭିନୟ ମଞ୍ଚସ୍ଥ ହୋଇଥିଲା । 
କଂସ ଦରବାରରେ ରାଜକୀୟ ଅତିଥିଭାବେ ବଙ୍ଗୋମୁଣ୍ଡା

ତହସିଲଦାର ଗୁଣମଣି ସୁନାନୀ , ଚାନ୍ଦୋତରା ସରପଞ୍ଚ ଜିତେନ ବଛା , ଧନୁଯାତ୍ରା ମହୋତ୍ସବ କମିଟି ସଭାପତି ବିରେନ୍ଦ୍ର ନାରାୟଣ ସିଂଦେଓ , ସିନ୍ଧେକେଲା ମାରୱାଡ଼ି ଯୁବାମଞ୍ଚ ସଭାପତି ସାୟର ଜୈନ , ସମ୍ପାଦକ ଧିରଜ ଜୈନ ପ୍ରମୁଖ ମଞ୍ଚାସିନ ଥିଲେ । ଅନ୍ୟ କଳାକାର ମାନଙ୍କ ମଧ୍ୟରେ ସାଂଗାମାପ ବଲାଙ୍ଗିର ଡାନ୍ସ ଏକାଡେମୀ ର ପବିତ୍ର ଡ଼ନସେନା ଓ ତାଙ୍କ ସାଥି ଦ୍ୱାରା ଘୁଡକା ନୃତ୍ୟ ପରିବେଷଣ କରାଯାଇଥିଲା । କାର୍ଯ୍ୟକ୍ରମରେ ସାଂସ୍କୃତିକ ସମ୍ପାଦକ ସୁଧାକର ସାହୁ ମଞ୍ଚ ପରିଚାଳନା କରିଥିବାବେଳେ ଅନ୍ୟମାନଙ୍କ ମଧ୍ୟରେ କମିଟି ଉପ ସଭାପତି ଉମା ଶଙ୍କର ତ୍ରିପାଠୀ ,  ସୁରେନ୍ଦ୍ର ନାରାୟଣ ସିଂଦେଓ , ସାଧାରଣ ସମ୍ପାଦକ ଅନିଲ ନାଏକ , ସହ ସମ୍ପାଦକ ଫକୀର ତ୍ରିପାଠୀ , କୋଷାଧ୍ୟକ୍ଷ ଓମ ସାହୁ , ଜୟନ୍ତ ଖମାରୀ , ମିଡ଼ିଆ ପ୍ରଭାରୀ ଅନିଲ କୁମାର ତ୍ରିପାଠୀ , ଅଭିମନ୍ୟୁ ବହିଦାର, ପ୍ରଚାର ପ୍ରସାର ସମ୍ପାଦକ ଦିନେଶ ବଛା , ସନ୍ତୋଷ ରଣା , ଖଲି ସାହୁ , ଯୁବାମଞ୍ଚ ପୂର୍ବତନ ସଭାପତି ମନୋଜ ଜୈନ , ଗୋପୀ ସାହୁ , ପରମା ସାହୁ , ବାବୁଲାଲ ସାହୁ , ରିକୁ ସୁନା ପ୍ରମୁଖ ବିଶେଷ ସହଯୋଗ କରିଥିଲେ ।