12-Jan-2023

ବଲାଙ୍ଗିର(ସନ୍ତୋଷ କୁମାର ଠାକୁର) - ବିଶ୍ୱ ହକି ଉଦ୍‌ଘାଟନ ଉତ୍ସବ କୁ ସ୍ମରଣ କରିବା ପାଇଁ ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ବିଦ୍ୟାଳୟରେ ହକି ପାଇଁ ସାଇକ୍ଲୋଥନ କାର୍ଯ୍ୟକ୍ରମ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ କାର୍ଯ୍ୟକ୍ରମକୁ ଖେଳ

ଶିକ୍ଷକ ହିମାଂଶୁ ଶେଖର ବିଶ୍ୱାଲ ସଂଯୋଜନା କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଡମାଳ ରେଲ ଷ୍ଟେସନ ମାଷ୍ଟର ସୁଦର୍ଶନ ବିଶ୍ୱାଲ ଯୋଗ ଦେଇ ପତାକା ଦେଖାଇ ସାଇକ୍ଲୋଥନ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଏହି ଅବସରରେ ବିଦ୍ୟାଳୟର ଛାତ୍ର ଛାତ୍ରୀମାନଙ୍କୁ ନେଇ ରଙ୍ଗୋଲି, ସଂଗୀତ, ବକ୍ତୃତା ପ୍ରତିଯୋଗିତା ହୋଇଥିଲା । ରଂଗୋଲିରେ କୁମୁଦିନି ସାହୁ, ଖୁସୁବୁ ରଣା, ପ୍ରାଚୀ ରଣା ପ୍ରଥମ, ଦ୍ୱିତୀୟ ଓ

ତୃତୀୟ ଅଧିକାର କରିଥିବାରୁ ଅତିଥିମାନଙ୍କ ଠାରୁ ପୁରସ୍କୃତ କରାଯାଇଥିଲା । କାର୍ଯ୍ୟକ୍ରମକୁ ସଂସ୍କୃତ ଶିକ୍ଷକ ସୁଦର୍ଶନ ଦାଶ ପରିଚାଳନା କରିଥିବା ବେଳେ ଶିକ୍ଷୟତ୍ରୀ ଗାୟତ୍ରୀ ବାରିକ ଧନ୍ୟବାଦ ଅର୍ପଣ କରିଥିଲେ ।ଶିକ୍ଷକ କୃପାସିନ୍ଧୁ ମିଶ୍ର, ଲିଙ୍ଗରାଜ ନନ୍ଦ, ସମିର ସେଠ, ଦିପକସେନ ଧରୁଆ, ଶିକ୍ଷୟତ୍ରୀ ରେଣୁକା ସାହୁ, ଦ୍ରୋପଦୀ ଭୋଇ, କାନ୍ତି ଭୋଇ, ଯଶୋବନ୍ତି ସୁନା, ଜୁନିୟର ରେଡକ୍ରସ ପରାମର୍ଶଦାତା ରାମ ନାରାୟଣ ଦାଶ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ ।