18-Dec-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ଫୁଲମୁଠୀର ବାର୍ଷିକ କ୍ରୀଡା ସ୍ଥାନୀୟ ନୂଆଁପାଲି ସ୍ଥିତ ଖେଳ ପଡିଆ ଠାରେ ଶନିବାର ଅନୁଷ୍ଠିତ ହୋଇଥିଲା ପ୍ରାରମ୍ଭରେ  ବିଦ୍ୟାଳୟର ସମସ୍ତ ଛାତ୍ରୀ ଏକ ମଶାଲ ଶୋଭାଯାତ୍ରାରେ ପଡିଆକୁ ଆସିବା ପରେ ମୁଖ୍ୟ ଅତିଥି ବିନିକା ନଗରପାଳ ସୁବାସ ଚନ୍ଦ୍ର ଭୋଇ ଦୀପ ପ୍ରଜ୍ବଳନ କରି କ୍ରୀଡା ଉତ୍ସବକୁ ଉଦ୍ଘାଟନ କରିଥିଲେ ।ବିଦ୍ୟାଳୟର ଅଧ୍ୟକ୍ଷ ପଞ୍ଚାନନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଟିତ ସଭାରେ ମୁଖ୍ୟ ଅତିଥି

ଶ୍ରୀ ଭୋଇ,ସମ୍ମାନିତ ଅତିଥି ପୋଲିସ ସବ ଇନ୍ସପେକ୍ଟର ରବୀନ୍ଦ୍ର ସାହୁ ଯୋଗଦେଇ କ୍ରୀଡା ଦ୍ଵାରା ଶରୀରର ଉପକାରିତା ଉପରେ ସୂଚନା ଦେଇଥିଲେ ।ଅଧ୍ୟାପିକା ବୈଜୟନ୍ତୀ ସାହୁ ଅତିଥି ପରିଚୟ ପ୍ରଦାନ ସହ ସ୍ଵାଗତ ଭାଷଣ ଦେଇଥିବା ବେଳେ ଅଧ୍ୟାପକ ଅଶୋକ ବିଶି ଧନ୍ୟବାଦ ଅର୍ପଣ କରିଥିଲେ ।ଖେଳ ଶିକ୍ଷୟତ୍ରୀ ବିନ୍ଦୁଲତା କରଙ୍କ ପରିଚାଳନାରେ ଅନୁଷ୍ଟିତ ଏହି ପ୍ରତିଯୋଗିତାରେ ୧୦୦ରୁ ଉର୍ଦ୍ଧ୍ବ ଛାତ୍ରୀ ଭାଗ ନେଇଥିଲେ ।ଅନୁଷ୍ଟିତ ୧୦୦ମି ଦୋୖଡରେ ଦିବ୍ୟାରାଣୀ ଭରାସାଗର,ସୁପ୍ରିୟା ନେପାକ,ସପ୍ତସିନି ମହଲା, ୨୦୦ମି ରେ ଦୀବ୍ୟାରାଣୀ ଭରାସାଗର, ମୋନାଲିସା କର୍ଣ୍ଣ, ସଞ୍ଜନା ନାଗ,ସଟଫୁଟ ଥ୍ରୋ ରେ ପିଙ୍କି ସୁନା,ଗାୟତ୍ରୀ ଭୁଏ, ପ୍ରୀତି ପେରା,ଡିସକସ ଥ୍ରୋ ରେ ସୃତିମୟୀ ସେଠୀ,ପ୍ରୀତି ପେରା,କରିଷ୍ମା ଦାଶ,ଜାଭଳିନ ଥ୍ରାେ ରେ ପିଙ୍କି ସୁନା,ପୂଜା ପାତ୍ର,ମମି କର୍ଣ୍ଣ,ଲଙ୍ଗଜମ୍ପରେ ଦିଵ୍ୟାରାଣୀ ଭରାସାଗର,ପୂଜା ପାତ୍ର, ସପ୍ତସିନି ମହଲା, ମ୍ୟୁଜିକ ଚୈଆର ରେ ଏଲିନା ନାଗ,ସୁନେଲି ମେହେର,କାମିନୀ ଭୁଏ

ପ୍ରମୁଖ ସଫଳ ପ୍ରତିଯୋଗୀ ଭାବେ ଚୟନ ହୋଇଥିବା ବେଳେ ସବୁ ବିଭାଗରେ ଉଚ୍ଚ କୋଟୀର ଖେଳ ପ୍ରଦର୍ଶନ କରିଥିବା ଦୀଵ୍ୟାରାଣୀ ଭରାସାଗର ଚମ୍ପିୟାନ ଆଖ୍ୟା ଅର୍ଜନ କରିଛନ୍ତି ।ଅନୁଷ୍ଟିତ ଏହି ପ୍ରତିଯୋଗିତା ପରିଚାଳନାରେ ଅଧ୍ୟାପିକା ଗୀତାଞ୍ଜଳି ତ୍ରିପାଠୀ, ସଙ୍ଗୀତା ପୁରୋହିତ,ଅଧ୍ୟାପକ ସବ୍ୟସାଚୀ ଦନ୍ତା,ଚୈତନ୍ୟ ମେହେର,ଶିବ ନାରାୟଣ ମେହେର,ପ୍ରଦୀପ ମିଶ୍ର, ବିଶ୍ୱାମିତ୍ର ପାତ୍ର,ତ୍ରିସନ୍ଧ୍ୟା ମେହେର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।