18-Dec-2022

 ବଲାଙ୍ଗୀର ଜିଲ୍ଲା ଗୁଡ଼ଭେଲା ବ୍ଳକ ଅନ୍ତର୍ଗତ ଜାମୁଟ ଗ୍ରାମପଞ୍ଚାୟତ ଅଧିନସ୍ଥ ଗଦଗଦାକୁ  ପିକନିକ କରିଆସିଥିବା ୩୫ବର୍ଷିୟ ଯୁବକ ତ୍ରିନାଥ ପ୍ରଧାନ ପାଣିରେ ବୁଡି ମୃତ୍ଯୁବରଣ କରିଥିବା ଜଣାପଡିଛି। ପ୍ରାପ୍ତ ସୂଚନ ଅନୁଯାଇ  ବଲାଙ୍ଗୀର ଲାଲଟିକିରା ର ଏସେଟ ଫର୍ନିଚର ଦୋକାନ ମାଲିକ ଓ କିଛି କର୍ମଚାରୀ ଗଦଗଦାକୁ ଭୋଜି କରିବାକୁ ଆସିଥିଲେ। ତ୍ରିନାଥ ଗାଧୋଇବାକୁ ଗଦଗଦାଠାରେ ଥିବା ଖଡଙ୍ଗ ନଦୀର ପାଣି ଓହ୍ଲାଇ ଥିଲେ।  କିନ୍ତୁ ପାଣି ଅଧିକ ଥିବାରୁ ସେ ପାଣିରେ ବୁଡି ଯାଉଥିବା ଦେଖି  ସାଙ୍ଗରେ ଆସିଥିବା ମାଲିକ ଓ କର୍ମଚାରୀ ମାନେ ତ୍ରିନାଥକୁ ଉଦ୍ଧାର କରି ଗୁଡଭେଳା ସ୍ୱାସ୍ଥ୍ୟ କେନ୍ଦ୍ରକୁ ଆଣି ଥିଲେ l କିନ୍ତୁ ଡାକ୍ତର ସୁରଜ କୁମାର ବେହେରା ପ୍ରାଥମିକ  ଚିକିତ୍ସା ପରେ ତ୍ରିନାଥଙ୍କୁ ମୃତ୍ୟ ଘୋଷଣା କରିବା ସହ ତୁଷୁରା ଥାନାକୁ ଖବର ଦେଇଥିଲେ l ଖବର ପାଇ ତୁଷୁରା ପୋଲିସ ଏକ ମାମଲା ରୁଜୁ କରିବା ସହ ଶବ ଜବତ କରିଥିଲା। ତ୍ରିନାଥ ଲୋଇସିଂହା ବ୍ଳକ ଅନ୍ତର୍ଗତ ତଳି ଉଡାର ଗ୍ରାମ ହୋଇଥିବା ବେଳେ ବଲାଙ୍ଗୀରରେ ରହି ନିଜ ପରିବାର ପୋଷଣ କରିଆସୁଛନ୍ତି। ତାଙ୍କ ସ୍ତ୍ରୀ ଓ ଗୋଟିଏ ଛୋଟ ଛୁଆ ରହିଥିବା ଜଣାପଡିଛି।

(ପଞ୍ଚାନନ ବଗର୍ତ୍ତୀ ଙ୍କ ରିପୋର୍ଟ)