17-Dec-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ତହସିଲ ଅନ୍ତର୍ଗତ ସିନ୍ଧେକେଲା ଥାନାରେ ବାଲିଘାଟ କୁ ନେଇ ପବ୍ଲିକ ଓ ତହସିଲଦାର ମଧ୍ଯରେ ତୁତୁ ମେମେ ଗୋଟିଏ ଘଣ୍ଟା ଧରି ଚାଳିଥିଲା ଥାନା ସାମ୍ନାରେ ହୋ ହାଲ୍ଲା। ଘଟଣାନୁଯାଇ ସିନ୍ଧେକେଲା ଦେଇ ବହି ଯାଉଛି ଉନ୍ଦେର ନଦୀ। ଏହି ନଦୀର ବାଲି ଉନ୍ନତ ମାନର ଥିବାରୁ ଉନ୍ଦେର ନଦୀ ବାଲିର ବେଶ ଚାହିଦା ତହସିଲ ଅଞ୍ଚଳରେ 

ବାହାରେ। ତେବେ ବର୍ତ୍ତମାନ ଉନ୍ଦେର ନଦୀର ତେଲସରାଇ ଓ ଭତାସର ଘାଟ କୁ ନେଇ ଭତାସର ଗ୍ରାମବାସୀ ବିରୋଧ କରି ବାଲି ବୋଝେଇ ଏକ ହାଇୱା ଗାଡିକୁ ଗତକାଳି ସିନ୍ଧେକେଲା ଥାନାରେ ଜିମା ଦେଇଥିଲେ ଗାଁ ଲୋକେ । ଏହି ଘଟଣାକୁନେଇ ବଙ୍ଗୋମୁଣ୍ଡା ତହସିଲଦାର ଗୁଣମଣୀ ସୁନାନୀ ଆଜି ଅପରାହ୍ନ ରେ ସିନ୍ଧେକେଲା ଥାନାକୁ ପହଞ୍ଚି ଭତାସର ଗ୍ରାମବାସୀଙ୍କୁ ଡକାଇଥିଲେ। ପରେ ଗ୍ରାମବାସୀଙ୍କ ସହ ସିନ୍ଧେକେଲା ସରପଞ୍ଚ

ନରେଶ ଅଗ୍ରୱାଲ , ତାଙ୍କ ବଡଭାଇ ମନୋଜ କୁମାର ଅଗ୍ରୱାଲ, ସିନ୍ଧେକେଲା ପୂର୍ବ ସମିତିସଭ୍ଯ ବିଶ୍ବମ୍ବର ସାହୁ ଙ୍କ ସହ ବହୁଲୋକ ଥାନାକୁ ପହଞ୍ଚି ବାଲି ଘାଟ ଯୋଗୁଁ ସିନ୍ଧେକେଲା ରୁ ଭତାସର ଯାଉଥିବା ରାସ୍ତା ଖାଳଖମାର ରେ ଭର୍ତ୍ତି ହୋଇଥିବା ଅଭିଯୋଗ କରିଥିଲେ। ଏବଂ ଶ୍ରମିକ ପରିବର୍ତ୍ତେ ମେସିନ ଲଗାଇ ବାଲି ଚାଳାଣ ହେଉଥିବାରୁ ଲୋକେ କାମ ହରାଉଥିବା ଅଭିଯୋଗ ବି ଆଣିଥିଲେ। ଏ ମଧ୍ଯରେ ଗୋଟିଏ ଘଣ୍ଟା ଧରି ହୋ ହାଲ୍ଲା ଚାଳିଥିଲା। ପରେ ତହସିଲଦାର ବାଲିଘାଟରୁ କେବଳ ଟ୍ରାକ୍ଟର ଯୋଗେ ବାଲି ବୋଝେଇ ହେବବୋଲି କହିବାପରେ ଲୋକେ ଭତାସର ରାସ୍ତାକୁ ଯାଇ ନିଜେ ରାସ୍ତାର ଅବସ୍ଥା ଦେଖିବାପାଇଁ ତହସିଲଦାର ଶ୍ରୀ ସୁନାନୀ ଙ୍କୁ ଲୋକେ ଅନୁରୋଧ କରିଥିଲେ। ତହସିଲଦାର ଭତାସର ରାସ୍ତାକୁ ଯାଇ ନିଜେ ସ୍ଥିତି ଅନୁଧ୍ୟାନ କରି ଉଚ୍ଚ ଅଧିକାରିଙ୍କ ଦୃଷ୍ଟି ଆକର୍ଷଣ କରି ରାସ୍ତାକାମ କରିବା ପାଇଁ ଅନୁରୋଧ କରିବି ବୋଳି ଉପସ୍ଥିତ ଲୋକଙ୍କୁ କହିଥିଲେ। ଘଟଣାକୁ ନେଇ ଖବର ଲେଖାହେବା ପର୍ଯ୍ୟନ୍ତ ଥାନାରେ କୌଣସି ମାମଲା ରୁଜୁ ହୋଇନଥିବା ଜଣାପଡିଛି । ପରେ ବାଲିଘାଟ ଲିଜ ନେଇଥିବା ଠିକାଦାର ଚାନ୍ଦ ଅଗ୍ରୱାଲ ତାଙ୍କ ହାଇୱା ର କାଗଜପତ୍ର ଥାନାରେ ଦାଖଲ କରିବାରୁ ବାଲି ବୋଝେଇ ହାଇୱା କୁ ଥାନାରୁ ଛଡାଯାଇଛି।