16-Dec-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲାର ସରଧାପାଲି ଯୁବକ ସଂଘ ଆମ ପୋଲିସ ସମିତି ତରଭା ଆନୁକୂଲ୍ୟରେ ସରଧାପାଲି ଗାଁ ର ଖେଳ ପଡିଆ ରେ ତିନି ଦିନିଆଁ ଯୋଗ ପ୍ରଶିକ୍ଷଣ ଶିବିର  ଉଦଘାଟନ ହୋଇ ଯାଇଛି l ପତଞ୍ଜଳି ଯୁବ ଭାରତ ର ରାଜ୍ୟ କାର୍ଯ୍ୟକାରିଣୀ ସଦସ୍ୟ ମନୋଜ ପଣ୍ଡା ଓ ଚାରଭଟା ସ୍ଵାସ୍ଥ୍ୟ ବିଭାଗ ର ଯୋଗ ପ୍ରଶିକ୍ଷକ ସୋମନାଥ ପ୍ରଧାନ ତିନ ଦିନ ଧରି ଏ ଯୋଗ ଶିବିର ରେ ପ୍ରଶିକ୍ଷଣ ଦେବାର କାର୍ଯ୍ୟକ୍ରମ ରହିଛି l  ଆଜି ସକାଳ ୬ ଘଟିକା ରେ ତରଭା ଭାରପ୍ରାପ୍ତ ଥାନା ଅଧିକାରୀ  ସୁବ୍ରତ ପାଣିଗ୍ରାହି ମୁଖ୍ୟ ଅତିଥି ଭାବରେ ଯୋଗଦେଇ  ଯୋଗା ଭ୍ୟାସ  ଦ୍ୱାରା ଆମ ମନ କୁ ସ୍ଥିର, ଶାନ୍ତ ରଖିବାରେ ଓ ଶରୀର କୁ ପରିମାର୍ଜିତ କରିବାରେ ସାହାଯ୍ୟ କରେ ଏବଂ ମଣିଷ ଶୃଙ୍ଖଳିତ  ହୋଇଥାଏ l କାରଣ ପ୍ରତ୍ୟେକ  କ୍ଷେତ୍ର ରେ ସଫଳତା ଲାଗି ପ୍ରଥମେ ଶୃଙ୍ଖଳା ହିଁ ଆବଶ୍ୟକ ବୋଲି  ମତ ରଖି ଥିଲେ । ସମ୍ମାନିତ ଅତିଥି ଭାବରେ କମସରା ଫାଣ୍ଡି ଅଧିକାରୀ ଗଜାନନ ବେହେରା ଉପସ୍ଥିତ ରହି ଯୋଗଭ୍ୟାସ କରି ଯୁବକ ଙ୍କୁ ଉତ୍ସାହିତ କରିଥିଲେ l  ଏହି କାର୍ଯ୍ୟକ୍ରମ ସରଧାପାଲି ର କାର୍ତ୍ତିକଶ୍ୱର ଜେନା, ସିଙ୍ଗାରୀର ପ୍ରହଲ୍ଲାଦ ଚୌହାନ, ସୁରେଶ ଘିବିଲା, ପଞ୍ଚାନନ କୁଶଲେ, ପ୍ରଶାନ୍ତ କୁମାର ସେଠୀ, ଧର୍ମେନ୍ଦ୍ର ସାହୁ, ଦେବାଶିଷ ସାହୁ, ମାନସ ରଂଜନ ପ୍ରମୁଖ ଯୋଗ ଶିବିର ରେ ସହଯୋଗ କରିଥିଲେ ।  ପ୍ରତିମା ସେଠୀ, ଶ୍ରୀକାନ୍ତି ଘିବିଲା, ବର୍ଷା ରାଣୀ ଚୌହାନ ସ୍ୱାଗତ ବା ଯୋଗ ସଙ୍ଗୀତ ଗାନ କରିଥିଲେ । ପ୍ରକାଶ ଥାଉ କି ଯେ ଯୋଗ ଗୁରୁ ଶ୍ରୀ ପଣ୍ଡା  ଗତ ବର୍ଷ ତରଭା ଟାଉନ ର କଲେଜ ପଡିଆ ରେ ଜମି ଥିବା କୁଢ଼ କୁଢ଼ ଅଳିଆ ଆବର୍ଜନା ବିଷୟ ରେ ଏନ ଏ ସି ଅଧିକାରୀ ଙ୍କ ନଜର କୁ ଆଣି ସ୍ଥାନୀୟ  ଏନ ଏ ସି ସ୍ୱଛ ସାଥି  ଙ୍କ ସାହାଯ୍ୟ ନେଇ ପଡିଆ କୁ ସମ୍ପୂର୍ଣ ସଫା କରି ସହର ବାସୀ ଙ୍କୁ ସ୍ୱଚ୍ଛ ସୁନ୍ଦର ସଚେତନତା ବାର୍ତ୍ତା  ପହଞ୍ଚାଇଥିଲେ l ଏବଂ ସୁବର୍ଣ୍ଣପୁର ସ୍ୱଚ୍ଛ ଭାରତ ସଂଗଠନ ର ଜଣେ ଆଗଧାଡିର ଯୋଦ୍ଧା ଭାବେ ନିଜ କୁ ପ୍ରତିବାଦୀତ କରି ସ୍ୱଚ୍ଛ ଭାରତ ସଂଗଠନ ସମେତ  ସୁବର୍ଣ୍ଣପୁର ଏସପି ଶ୍ରୀ ଅମରେଶ ପଣ୍ଡା ଙ୍କ ଠାରୁ ମଧ୍ୟ ପ୍ରଶଂସିତ ହୋଇଥିଲେ l