09-Dec-2022

ବଲାଙ୍ଗିର/ ସଂସଦ ର ସୀତାକାଳୀନ ଅଧିବେଶନ ଆରମ୍ଭ ହୋଇଥିବା ବେଳେ ରାଜ୍ୟସଭା ରେ କେନ୍ଦୁପତ୍ର ତୋଳାଳୀ,ବନ୍ଧାଳୀ, ଅସ୍ଥାୟୀ  ଶ୍ରମିକ କର୍ମଚାରୀ ପ୍ରସଙ୍ଗ ସହିତ ୧୮ %ଜିଏସଟି ପ୍ରତ୍ୟାହାର କରିବାକୁ ଦାବୀ  ଉପସ୍ଥାପନ କରିଛନ୍ତି ରାଜ୍ୟସଭା ସାଂସଦ ନିରଞ୍ଜନ ବିଶି l ସାଂସଦ ଶ୍ରୀ ବିଶି ଏ ପ୍ରସଙ୍ଗରେ କହିଛନ୍ତି ଯେ କେନ୍ଦୁପତ୍ର ବିଭାଗ ରେ ଓଡିଶାର ୮ ଲକ୍ଷ କେନ୍ଦୁପତ୍ର ତୋଳାଳୀ,ବନ୍ଧାଳୀ,ଅସ୍ଥାୟୀ ଶ୍ରମିକ କର୍ମଚାରୀ ବିଶେଷକରି ଆଦିବାସୀ ଏବଂ ସମାଜର ଗରିବରୁ ଅତି ଗରିବ ଲୋକଙ୍କ ଜୀବିକା ଏବଂ ଆର୍ଥିକ ମେରୁଦଣ୍ଡ କୁ କେନ୍ଦୁପତ୍ର  ମଜବୁତ କରିଥାଏ l ଆଦିବାସୀ ଏବଂ ଅନ୍ୟାନ୍ୟ ପାରମ୍ପାରିକ ବନବାସୀ ଙ୍କ ଜଙ୍ଗଲ ଜମି ଅଧିକାର ସ୍ୱୀକୃତି ଆଇନ ୨୦୦୬ ଅନୁସାରେ କେନ୍ଦୁପତ୍ର ଏକ ଲଘୁ ଜଙ୍ଗଲ ଜାତ ଦ୍ରବ୍ୟ ଅଟେ l ଏହି ଆଇନ ଅନୁସାରେ କେନ୍ଦୁପତ୍ର ସଂଗ୍ରହ ଏବଂ ବିକ୍ରୟ କରିବା ଆଦିବାସୀ ମାନଙ୍କ ଅଧିକାର ରହିଛି l କିନ୍ତୁ କେନ୍ଦୁପତ୍ର ଉପରେ କେନ୍ଦ୍ର ସରକାର ୧୮ ପ୍ରତିଶତ ଜିଏସଟି ଲାଗୁ କରିଛନ୍ତି l ଫଳରେ କେନ୍ଦୁପତ୍ର ତୋଳାଳୀ,ବନ୍ଧାଳୀ,ଶ୍ରମିକ ଏବଂ କେନ୍ଦୁପତ୍ର ବ୍ୟବସାୟ ବିଶେଷ କ୍ଷତିଗ୍ରସ୍ତ ହେଉଛି l ଓଡିଶା ର ଗରିବ ଲୋକଙ୍କ ସ୍ୱାର୍ଥ ସୁରକ୍ଷା ଦୃଷ୍ଟିରୁ କେନ୍ଦ୍ର ସରକାର ତୁରନ୍ତ ଜିଏସଟି ପ୍ରତ୍ୟାହାର କରନ୍ତୁ ବୋଲି ସାଂସଦ ଶ୍ରୀ ବିଶି ଦାବୀ ଉପସ୍ଥାପନ କରିଛନ୍ତି l ଏହାଦ୍ୱାରା କେନ୍ଦୁପତ୍ର ସହିତ ଜଡିତ ତୋଳାଳୀ,ବନ୍ଧାଳୀ,ଅସ୍ଥାୟୀ କର୍ମଚାରୀ ମାନଙ୍କ ସାମାଜିକ ନିରାପତ୍ତା ଏବଂ ଉନ୍ନୟନ ମୂଳକ ଯୋଜନା ଓଡିଶା ସରକାର କରିପାରିବେ l ଏହି ବିଷୟରେ ପୂର୍ବରୁ ମଧ୍ୟ୍ୟ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାର ଙ୍କୁ ଦାବୀ ଜଣାଇଛନ୍ତି ବୋଲି  ସାଂସଦ ଶ୍ରୀ ବିଶି ପ୍ରସଙ୍ଗ ଉପସ୍ଥାପନ କରିଛନ୍ତି l