05-Dec-2022

ପାଟଣାଗଡ଼ (ପୂର୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ଡି. ଆର୍, ମେହେର ହାଇସ୍କୁଲ ଠାରେ ବ୍ଳକ ସ୍ତରୀୟ ବିଜ୍ଞାନମେଳା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବ୍ଲକ ସ୍ତରୀୟ ବିଜ୍ଞାନ କମିଟି ର ଆବାହକ ତଥା ଦିନରଘୁ ମେହେର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ଚିତ୍ତରଞ୍ଜନ ପଣ୍ଡା ଓ ସଂଯୋଜକ କିଶୋର କୁମାର୍ ବେହେରା ସଭା ପରିଚାଳନା କରିଥିଲେ ।   ଏଥିରେ ମୁଖ୍ୟ ଅତିଥି ଭାବେ ବେଲପଡା ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର ଯୋଗଦାନ କରି ଫିତା କାଟି କାର୍ଯ୍ୟର ଶୁଭାରମ୍ଭ କରିଥିଲେ। ସମ୍ମାନୀତ ଅତିଥି ଭାବେ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର , ମୁଖ୍ୟ ବକ୍ତା ଭାବେ ବେଲପଡା କଲେଜ ଅଧ୍ୟାପିକା ରୋଜାଲିନ ସେଠ, ବିଇଓ ଚତୁର୍ଭୁଜ ମିର୍ଦ୍ଧା ପ୍ରମୁଖ ଉପସ୍ଥିତ ଥିଲେ। ବ୍ଳକ ର ସମସ୍ତ ବିଦ୍ୟାଳୟ ଠାରୁ ମୋଟ ୯୦ ଟି ପ୍ରୋଜେକ୍ଟ ପ୍ରଦର୍ଶନ କରାଯାଇବା ବେଳେ ୭ ଟି ପ୍ରୋଜେକ୍ଟ କୁ ମୁଖ୍ୟ ସ୍ଥାନରେ ରଖାଯାଇଛି ଯାହାକି ଆଗାମୀ ଦିନରେ ଜିଲ୍ଲାସ୍ତରରେ ପହଞ୍ଚିବ । ପ୍ରଥମ ସ୍ଥାନ ରେ ନୋଡାଲ ବାଳିକା ଉଚ୍ଚ ବିଦ୍ୟାଳୟର ଛାତ୍ରୀ କ୍ରିଷ୍ଣା ରାଣୀ ପୁଟା, ଦ୍ବିତୀୟ ସ୍ଥାନରେ ଡି ଏସ ପି ହାଇସ୍କୁଲ ଯୁବା ର ପୂଜା ସୁନା, ତୃତୀୟ ସ୍ଥାନ ରେ ଏସ୍ ଜେ ଡି ହାଇସ୍କୁଲ ମଣ୍ଡଳ ର ରିଙ୍କି ମାଝୀ, ଚତୁର୍ଥ ସ୍ଥାନରେ ଆଦର୍ଶ ବିଦ୍ୟାଳୟ ର ପ୍ରୀତ ଅନୁରାଗ ଠାକୁର, ପଞ୍ଚମ ସ୍ଥାନରେ କାନୁଟ ନୋଡାଲ ସ୍କୁଲ୍ ର ମନ୍ଦାକିନୀ ମହାନନ୍ଦ, ଷଷ୍ଠ ସ୍ଥାନ ରେ ଡି ଆର୍ ମେହେର ହାଇସ୍କୁଲ ର ଛାତ୍ର ଅନିଲ ମେହେର, ସପ୍ତମ ସ୍ଥାନରେ ଉଚ୍ଚ ବାଳିକା ବିଦ୍ୟାଳୟ ପଣ୍ଡ୍ରିଜୋରର ଛାତ୍ର ତରଣୀ ମାଝୀ ଚୟନ ହୋଇଛନ୍ତି।

ପ୍ରଦର୍ଶନ ପରେ ଛାତ୍ରଛାତ୍ରୀମାନଙ୍କୁ ନେଇ ନୃତ୍ୟ ପରିବେଷଣ କରିବା ସହ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା। ଏଥିରେ ମୁଖ୍ୟ ଅତିଥି ଭାବେ ବେଲପଡା ସରପଞ୍ଚ ହରିଶ ଚନ୍ଦ୍ର ବୁଡେକ ଯୋଗଦେଇ ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରିଥିଲେ। ମୁଖ୍ୟ ବକ୍ତା ଭାବେ ବୁରୋମାଲ ଉଚ୍ଚ ନ୍ୟାୟାଳୟର ପ୍ରଧାନ ଶିକ୍ଷକ ବିଭୁଦତ୍ତ ସାହୁ , ସମ୍ମାନିତ ଅତିଥି ଭାବେ ଏବିଇଓ ମହରା ଓ ନବୋଦୟ ବିଦ୍ୟାଳୟ ର ଅଧ୍ୟକ୍ଷ ଏସ୍ ଜେ,ଓ ମଣିକନ୍ଦନ ମଞ୍ଚାସୀନ ଥିଲେ। ଏହି ସବୁ କାର୍ଯ୍ୟକ୍ରମକୁ ଡି ଆର୍ ମେହେର ହାଇସ୍କୁଲ ର ପ୍ରଧାନ ଶିକ୍ଷକ ଚିତ୍ତରଞ୍ଜନ ପଣ୍ଡା ପରିଚାଳନା କରିଥିବା ବେଳେ କିଶୋର କୁମାର ବେହେରା କୋଡିନେଟର ଦାୟିତ୍ଵ ନିର୍ବାହ କରିଥିଲେ।ଦୀନରଘୁ ମେହେର ବିଦ୍ୟାଳୟର ସମସ୍ତ ଶିକ୍ଷକ ପ୍ରଭାକର ସାହୁ, ଅନ୍ୱେଷା ଅପରୂପା ସାହୁ, ପ୍ରିୟଙ୍କା ପ୍ରଧାନ, ଜିତୁ ମେହେର,ରୋସନ ଭୋଇ, ସୁଜାତା ମେହେର, ସୁନୀତା ଭୋଇ,ହିରାକାନ୍ତି ମାଝୀ, ଆଶିଷ କୁମାର ସାମଲ, ସୌମ୍ୟରଞ୍ଜନ ପାତ୍ର, ନିତେଶ ତାଣ୍ଡି ସହଯୋଗ କରିଥିଲେ।