05-Dec-2022

ବିନିକା(ହିମାଂଶୁ ଶେଖର ପୁଟେଲ) ଦେବକୀର ଅଷ୍ଟମ ସନ୍ତାନ ହାତରେ କଂସର ମୃତ୍ୟୁ ଲେଖା ଶୂନ୍ୟବାଣୀ ଶୁଣିବା ପରଠୁ ମଥୁରାଧିପତି ମହାରାଜ କଂସ ଗୋପପୁରେ ବଢୁଥିବା ଭଣଜା କୃଷ୍ଣଙ୍କୁ ମାରିବା ପାଇଁ ଗୋଟିଏ ପରେ ଗୋଟିଏ ରାକ୍ଷସ ପଠାଇ ଛନ୍ତି ।ହେଲେ ସେମାନେ ନଟଖଟିଆ କୃଷ୍ଣଙ୍କ ହାତରୁ କେହି ବି ବର୍ତ୍ତି ପାରିନାହାନ୍ତି ।ସମସ୍ତେ ଜୀବନ ହାରିଛନ୍ତି।ଏହି ଖବର ଶୁଣି ମହାରାଜ କ୍ରୋଧାନ୍ୱିତ ହୋଇ ତ୍ରିଭୁବନ ବିଜୟୀ କଂସ ସାମାନ୍ୟ ବାଳକ ହାତରେ ଜୀବନ ଯିବ ନା ଏହା କଦାପି ନୁହେଁ ବୋଲି ଚିତ୍କାର କରିଛନ୍ତି ।ରାଜାଙ୍କ ମନକୁ ଶାନ୍ତ କରିବାକୁ ଯାଇ ମନ୍ତ୍ରୀଙ୍କ ଆଦେଶ କ୍ରମେ ଦରବାରରେ କଳାକାର ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା । ସେହିପରି

ଅନ୍ୟ ପକ୍ଷରେ ଗୋପପୁରେ କଂସ ପ୍ରେରିତ ରାକ୍ଷସ ମାନଙ୍କୁ କୃଷ୍ଣ ଯୁଦ୍ଧ କରି ନିଧନ କରିବା ପରେ ସାରା ଗୋପପୁରବାସୀ ଉତ୍ସବ ମନାଇବା,କୃଷ୍ଣ ଯୋଶଦାଙ୍କ ବାସଲ୍ୟ ପ୍ରେମ,ଦୋଳଲୀଳା ଅନୁଷ୍ଟିତ ହୋଇଥିଲା । ଫୁଲମୁଠୀ ଗୋକୁଳାଷ୍ଟମୀ ଯାତ୍ରା ମହୋତ୍ସବର ଆଜି ସପ୍ତମ ସନ୍ଧ୍ୟାରେ ମହାରାଜ କଂସଙ୍କ ନିମନ୍ତ୍ରଣ କ୍ରମେ ରାଜକୀୟ ମୁଖ୍ୟ ଅତିଥି ଭାବେ ଯୁବ ଶିଳ୍ପଦ୍ୟୋଗୀ  ପ୍ରଶାନ୍ତ ବାବୁ,ସମ୍ମାନିତ ଅତିଥି ଭାବେ ସରକାରୀ ଓକିଲ ସୁଧାଂଶୁ ଶେଖର ଦାଶ, ବାଉଁସୁନୀ ସେବା ସମିତି ସଭାପତି ଚଞ୍ଚଳ ସା,ଯାତ୍ରା କମିଟି ସଭାପତି ଆନନ୍ଦ କୁମାର ହୋତା ପ୍ରମୁଖ ଉପସ୍ଥିତ ରହି ମଥୁରା ନଗରୀ ବାସୀଙ୍କୁ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ । ।ଏହି ପରିପ୍ରେକ୍ଷୀରେ ସମ୍ବଲପୁର ରୁ ଆସିଥିବା ପଶ୍ଚିମ ଓଡ଼ିଶାର ବିଶିଷ୍ଟ କମେଡିଏନ ଯୋଗେଶ ଯୋଯୋଙ୍କ ଅଭିନୟ ଦର୍ଶକଙ୍କ

ଆକର୍ଷଣର କେନ୍ଦ୍ର ବିନ୍ଦୁ ଥିଲା ।ପରେ ବିନିକା ଅଞ୍ଚଳର ବିଭିନ୍ନ ସମସ୍ୟା ଲୋକଲୋଚନକୁ ଆଣିବା ମଥୁରା ନଗରୀରେ ଚାଲିଥିବା ମହାରାଜ କଂସଙ୍କ ରାଜୁତି ଏବଂ ଗୋପପୁରରେ କୃଷ୍ଣ-ବଲରାମଙ୍କ ଲୀଳା ଉପରେ ଟିକିନିଖି ଖବର ପ୍ରକାଶ କରିବାରେ ପ୍ରମୁଖ ଭୂମିକା ତୁଲାଇଥିବା ବିନିକା ସାମ୍ବାଦିକ ସଂଘର ଅଶୋକ କୁମାର ପଣ୍ଡା,ହିମାଂଶୁ ଶେଖର ପୁଟେଲ,ରାମ ଗୋପାଳ ବାଘ,ବ୍ରହ୍ମାନନ୍ଦ ପୂଜାରୀ,ରବୀନ୍ଦ୍ର ହୋତା,ଜୟରାମ ସେଠଙ୍କୁ ଏବଂ କଳା କ୍ଷେତ୍ରରେ ପାରଦର୍ଶିତା ଲାଭ କରିଥିବା ପ୍ରତିଭା ମାନଙ୍କୁ ଯାତ୍ରା କମିଟି ପକ୍ଷରୁ  ଅତିଥି ମାନଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା ।