04-Dec-2022

ବଲାଙ୍ଗୀର : ସ୍ଥାନୀୟ ପି.ପି ଏକାଡେମୀ ଠାରେ ବଲାଙ୍ଗୀର ନାଗରିକ କମିଟି ଆନୁକୂଲ୍ୟରେ ଜାତୀୟ  ସମ୍ବିଧାନ ଦିବସ  ଉପଲକ୍ଷେ ‘ସାମ୍ବିଧାନିକ ନୈତିକତାରେ ନାଗରିକ ସମାଜର ଭୂମିକା’ ଶୀର୍ଷକ ବିଷୟ ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ରୂପେ ପ୍ରଫେସର ମଧୁସୂଦନ ପତି ଯୋଗ ଦେଇ ସବୁ ଧର୍ମର ମୁଖ୍ୟ ଉଦ୍ଦେଶ୍ୟ ନୈତିକତା ଓ ମାନବିକତାର ମୂଲ୍ୟବୋଧ ଅନ୍ତନିର୍ହିତ ଥାଏ । ବୁଦ୍ଧଙ୍କ ସମୟରେ ମଧ୍ୟ ଆଧୁନିକ ଯୁଗର ଗଣତନ୍ତ୍ର ସହ ସମ୍ବିଧାନର ଉପଯୋଗ ହେଉଥିଲା ।  ବର୍ତ୍ତମାନ ସମୟରେ ସମାଜର ପ୍ରତ୍ୟେକ ବ୍ୟକ୍ତି ସମ୍ବିଧାନକୁ ହୃଦୟଙ୍ଗମ କରିବା ଉଚିତ ବୋଲି ଶ୍ରୀ ପତି କହିଥିଲେ । ମୁଖ୍ୟବକ୍ତା ରୂପେ ରାଜେନ୍ଦ୍ର ବିଶ୍ୱ ବିଦ୍ୟାଳୟର ଏସିଷ୍ଟାଣ୍ଟ ପ୍ରଫେସର ମନୋଜ କୁମାର ନାଗ ମଂଚାସୀନ ରହି  ବ୍ୟକ୍ତିକେନ୍ଦ୍ରିକ କ୍ଷମତା ଗଣତନ୍ତ୍ର ପାଇଁ ବିପଦ, ସମସ୍ତେ ଆତ୍ମସମ୍ମାନ ସହ ବଞ୍ଚି ଭୟ, ଚାପ ଓ ଆଶଙ୍କାର ବଶବର୍ତ୍ତି  ନ ହୋଇ ମର୍ଯ୍ୟାଦାର ସହ ବଞ୍ଚିବା ସମ୍ବିଧାନର ଅନ୍ୟତମ ଉଦ୍ଦେଶ୍ୟ ବୋଲି କହିଥିଲେ । ସମ୍ମାନିତ ଅତିଥି ଭାବରେ ମହିଳା ମହାବିଦ୍ୟାଳୟର ଅଧ୍ୟାପକ ଡ. ସଦାଶିବ ମଲ୍ଲିକ ଯୋଗ ଦେଇ ପ୍ରାଚୀନ କାଳରେ ଭାରତ ଓ ହିନ୍ଦୁ ରାଜା ମାନେ ତଥା କୌଟିଲ୍ୟଙ୍କ

ସମୟରେ ମଧ୍ୟ ଉତ୍କୃଷ୍ଟ ଧରଣର ସମ୍ବିଧାନର ପ୍ରଚଳନ ଥିବା ବିଭିନ୍ନ ଉଦାହରଣ ଦେଇ ଦର୍ଶାଇ ଥିଲେ । ନାଗରିକ କମିଟିର ସଭାପତି ବେଲାରସିଂ ଭୋଇ ଙ୍କ ସଭାପତିତ୍ୱରେ ସଂପାଦକ ମନୋରଂଜନ ସାହୁ ଅତିଥି ମାନଙ୍କ ସ୍ୱାଗତ କରି ସଭାକୁ ସଂଯୋଜନା କରିଥିଲେ । ଆଇନଜୀବୀ ଜୟରାମ ମିଶ୍ର କମିଟି ତରଫରୁ ପ୍ରସଙ୍ଗର ଉପକ୍ରମ ଉପସ୍ଥାପନ କରିଥିଲେ । କମିଟିର ପୂର୍ବତନ ସଭାପତି ବିକ୍ରମ ବହିଦାର ମଂଚାସୀନ ଥିଲେ । ଅନ୍ୟ ମାନଙ୍କ ମଧ୍ୟରେ କମିଟିର ସଭ୍ୟ ଧର୍ମବ୍ରତ ରଥ, ଦିବାକର ହୋତା, ଅର୍ତ୍ତତ୍ରାଣ ମିଶ୍ର, ସଂଗ୍ରାମ ବହିଦାର, ଅଶୋକ ମିଶ୍ର ପ୍ରମୁଖ ପରିଚାଳନାରେ ସହଯୋଗ କରିଥିଲେ । ସହସଂପାଦକ ଡ. ଚକ୍ରପାଣି ଦାଶ ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିଥିାବା ବେଳେ କମିଟିର ବରିଷ୍ଠ ସଦସ୍ୟ ଗୋପଭୂଷଣ ନାଥ ଧନ୍ୟବାଦ ଅର୍ପଣ କରିଥିଲେ ।